شكرا لك حبيبتى عزيزة على الرد طريقتك مره سهله


تقبلي خالص شكري وتقديري

سلالالالام أختي عاشقة الجنة والله توني افتح الايميل وأشوف الحبوبة راسلتلي نداء استغاثة

مشكورة واااااايد الحبوبة ..... بس دخيلج ماعاد اسويها بالجبن


هي الكنافة بالموووز أحلى شيء وكلهم يشكروا فيها

شوفي طريقتها، سهلة وااايد ما تاخذ نص ساعة

كنافة بالموز

المقادير: عجينة الكنافة الجاهزة، كوب زبدة سايحه وحارة، موز ، علبتين قشطه، قطر


الطريقة

تفكك عجينة الكنافة وتقطع ونضع فوقها الزبدة ونقلبها مع خيوط الكنافة جيدا وتقسم العجينة الى قسمين

نوزع في الصينية القسم الأول من العجينة ويفرد على كل الصينية

نضع علبتين القشطه فوق العجينة في الصينية وتفرد بالملعقة

نأخذ الموز ونقطعه بالطول لشرائح خفيفة ونوزعه على الصينية "الموزة الواحدة تقريبا ثلاث شرائح" الى ان نغطي جميع الصينية بالموز

نضع بقية عجينة الكنافة في الطبقة العليا ونوزعها ونغطيها زين مازين

ونضغط بخفة على الكنافة وندخلها الفرن حتى تتحمر من تحت

ثم نحمرها من فوق

وبعد اخراجها من الفرن نضع عليها الشيره وهي ساخنة

نزينها بالفستق

ونغطي الصينية بالألمنيوم


ملاحظة: الشيرة تكون وسط يعني لا خفيفة وايد ولا متينه ونحط عليها الفانيليا
والموز لازم مايكون أخضر......... ويكون مستوي زيييين
والصينية ماندهنها......... لأنه الزبدة اللي بالعجين كافيه



واذا في اي سؤال أكيد أنا حاضرة
عاشقة الجنه
نور القلوب جات متأخره
بس زوزو الحبوبة ما قصرت معاج
وانتي اختاري من الطريقتين
:24:

المالديف منو يبا يسير هناك
مراحب بنات

تسلمون على الطرق الروعة ... بس عزيزة بسألج سؤال الحين الكنافة هذي أحلى من العادية اللي بالجبن العكاوي ؟؟ شرايج إنت لأن أذواقنا متشابهة فودي أعرف تستاهل الواحد يجربها ولا الجبن أحلى ؟؟
هلا وغلا بالحلوين

اييييييييي تستاهل ونص تجربيها

عن نفسي اموت فيها ... لكن ماافضلها على كنافة الجبن

وعلى فكرة كنافة الجبن لااضيف لها جبن فقط بل اضيف لها

اشياء اخرى وكل من ذاقها احتار في طعمها

مشكورة ياعسل


الساعة الآن 10:34 .