Analysis Services
السلام عليكم ورحمة الله
خواتي شريت مكينة تطريز بالكمبيوتر قيمتها 30الف ريال طبعا اخذتها عن طريق صندوق المئويه يعني قرض وقيمة القرض
اكبر من 30 الف لاني بفتح محل خياطه وتطريز جلابيات...
وعشان اكسب لازم افصل جلابيات واطرزها تطريز حلو وجديد ....وللاسف ماعندي رسومااات جديده ممكن تفيدوني برسومات ....وش رايكم اي نوع من الرسومات افضل .....
وغير كذا المكينة تطرز على التي شرتات والكابات وشغلها حلو لكن انا ماعرف استفيد منها....
تكفوووووووووووووووووون علموني وش اسوي عشان استفيد منها لان من جد ماخذت قرض الا عشاني في حاجته
واللي ماعندها اي فكره ياليت تدعي لي بالتوفيق في المشروع لاني اخااااف اخسر ومن وين اسدد القرض
19-03-1430 هـ, 01:06 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته

هلا اختي ,, سوي بحث بقوقل عن الرسومات اللي تبينها وبتلاقين بالهبل ان اشاء الله

وخلي الرسومات حسب طلب الزبونه


صراحه ماعندي افكار بالتطريز ,, بس شفت موضوعك بدون ردود وماحبيت اطلع بدون رد

ويارب يوفقك ويبارك لك

اختك,, عنوده
19-03-1430 هـ, 02:17 صباحاً
 
فكرة مشروعك مره روعه ما شاء الله .. وكانت ببالي من فتره وللحين تلعب براسي

اظن الماكينه يجي معها برنامج تدخلين على الرسومات وبعدين تطرزينها على القطع الي عندك على حسب نوع ماكينتك
اذا محتاجه مساعده بتصاميم حلوه للتشيرتات او غيرها ممكن يكون بينا تعاون
بأني ارسم لك الرسمه على الكومبيوتر وانسق لك الوانها
وانتي عليك تدخلينها ببرنامج الماكينه وتطرزينها

وممكن بعد تطرحين استفسارك في قسم التطريز وان شاء الله البنات يفيدونك

أو تسوين بحث في المواقع الاجنبيه الي يعرضون نماذج مجانيه ومدفوعه

ولا تخافين من الخساره ان شاء الله رح تستفيدين من ها الماكينه كثير مو بس في الملابس برضو لو تطرزين مفارش وخداديات
التطريز مرغوب ويعطي فخامه لأي قطعه بتدخلينه عليها .. يعني مشروع متكااامل

الله يوفقك ويفتح لك ابواب رزقه

=)
19-03-1430 هـ, 02:28 صباحاً
 
تسلمين اختي عنود الله يعافيك على الرد
اختي ذبول صحيح المكينه من النوع اللي يجي معها برنامج واذا عندك افكار ورسومات للتطريز للجلابيات او للاقمشه او للتي شرت ممكن نتعاون انا وياك بس انتي من وين؟
19-03-1430 هـ, 03:00 صباحاً
 
وعلى فكره انا بحثت في قوقل مالقيت شي يصلح للجلابيات
19-03-1430 هـ, 03:01 صباحاً
 


الساعة الآن 05:26 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏