بسم الله الرحمن الرحيم

السلام عليكم ورحمة الله وبركاته



في البدايه ترددت اكتب بس فكرت شوي قلت وش ابخسر
ماني خسرانه شي وإلا ؟؟! ( قاعده تستهبل ) هههه


المهم انا فكرت افتح معهد حاسب ولغات
والحمد لله افهم في الكمبيوتر وعندي شهاده برمجه سنتين


بس المشكله اني ماافهم وش معنى دراسة جدوى وكيف اسويها
ثاني مشكلة ابي اعرف وش لازم يتوفر في المعهد
ثالثا ابي مشاركتكم بارائكم واقتراحتكم
اتوقع انها تفيدني
والاهم من هذا كله
ابي اي وحده دخلت معهد تقولي وش درست بالمعهد ؟ وش اللي لفت انتباهها ؟ وش السلبيات ؟ وش المميزات ؟



بصراحه انا تعقدت من المعهد اللي درست فيه ودفعت فلوس على فاضي هم صدق علموني البدايات لكن انا اللي علمت نفسي بنفسي بس من جد تعبت ..


ابي ارتقي بالمعهد اللي بسويه
بخلي الوحده اذا طلعت من المعهد تقول الله يجزي صاحبته بالخير
لاني من جد راح اخليه معهد لاراح ولاجى
من حيث التدريس والمميزات وبحاول قدر الامكان اتفادى السلبيات



بس كل هذا بمساعدتكم لي

شوروا علي باي شي تحسونه مهم
حتى لو كان شي بسيط


انا راح اخذه بعين الاعتبار


لاتخذلوني يوم اني نخيتكم

ولاتخلوني اندم اني كتبت في هذا المنتدى

ولكم تحياتي

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالتوفيق ***** الله
والله انا كنت مديرة معهد وراح اشرحلك بلتفصيل المملولكن معلش انتظريني لاني انا الان مزحومه شوي
وللحديث بقية
هلابك اختي والله يوفقك

مشروعك حلو بس اهم شي تجيبين مدرسات كفووو

واهم شي وسائل مواصلات للمعهد

والكتب خليها ملزمه وحده ماله داعي 10 كتب

وساعتين بالنهار تكفي وساعتين بالمساء حسب امكانياتك

وكوفي شوب يكون متكامل اقل شي مشروبات طيبه مو اي كلام

واهم شي النظاااااااااااااااااااااااااااااااافه بالمكان تعقدت انا بصراحه من المعهد الي كنت فيه

وبالتوفيق اختي
سيفتح الله بابا كنت تحسبه,,,من اليأس لم يخلق بمفتاح
الله يوفقك انا كنت مدرسة بمعهد حاسب كبير بس تركتهم لاني غيرت بيتي عموما اللي تبينه انا حاظرة من حيث المناهج
ربي اجعلني مقيم الصلاة ومن ذريتي ربنا وتقبل دعاء
مشروعك رائع
انا درست في معهد والحمدلله حصلت على الشهادة
واهم شئ المعلمات لازم يكونو ممتازات + الاجهزه +المواصلات +الملازم +الكوفي شوب+المحافظة على النظام والاخلاق


الساعة الآن 02:41 .