اللي جربت المايكروويف والفرن الكهربائي الصغير تدخل؟؟

اختي المسافرة, عنا متل شامي بيقول لاتنام بين القبور ولاتشوف منامات وحشة , انا ما جبته مع انو كله بينصحني فيه واكيد طبعا اكثر الاخوات ضدي , بس انا قلت ولو مريح بس مو متعودة عليه يمكن الاصعب لمل تتعودي عليه خاصة بالعزايم
بس خلص ماشي حالي هيك خاصة مرة سمعت طبيب صحة كبير ومدرس بالجامعة قال بيعمل سرطان وكررها بضع مرات , انا مالي بدائية ولا جاهلة وقرأت انه بيحتفظ بالفيتامينات اكثر , والاجانب بيستعملوا حتى بالمستشفيات
بس لاننسى كمان انو امراضن اكثر من امراضنا
يمكن حكي غلط بس انا موسوسة كتير خاصة على اطفالي واضراره يمكن تظهر مستقبل (بعرف انو مستعملينه مناكثر من عشرين سنة بالمشا في ) بس بالطب ما بيثبت شي خلص ما منخسر شي بلا -الله يرحم ستي عاشت بلا -
لاتزعلوا يا بنات هدا رأي
اما اختي عن الفرن الكهربائي عندي (مو على الحطب بطبخ ) مرتاحة فيه كتير كتير وبيعمل كل شي
طولت عليك مو هيت , هي الك

هلا أخت المسافرة ---- بالنسبة للتسخين أنا بصراحة معتمدة على المايكروويف ---
أفك الأشياء المجمدة ( من الفريزر) بسرعة -- واسخن الأكل -- والمعجنات لو كان عندي عزيمة ( يعني ممكن أجهز أغلب أطباقي من الليل ويوم العزيمة أسخنها بالمايكروويف وقت التقديم -- وأحياناً أسخن فيه بعض الصواني علشان لما أدخلها الفرن تطبخ بسرعة -- أذوب فيه قطع الشوكولاته للحلويات --- وإذا مستعجلة وبسوي كيك أسخن فيه البيض لثواني علشان يصير بحرارة الغرفة -- وألين الزبدة الجامدة علشان الكيك لكن بحذر لأن الدهنيات في المايكروييف تسخن بسرعة -- ووووو---- أدري طولتها وهي قصيرة :42: وسلامتك

اختي بنصحك فيه انا اذا ما كان عندي ماكرويف بشوف حالي مثل الضايعه..... كتير مهم بالبيت وبريحك وسريع مثل ما قالت الاخت (( عــ حزينة ــيون)) من حيث التسخين والتذويب كفت ووفت ماشاء الله عليها ........ لكن استعملي الصحن الساده الي ما عليه زغرفات ذهبيه او فضيه او قصدير عشان بقلل من عمر الماكرويف يعني بيخترب بدري عرفتي قصدي
اما من ناحيه التخويف اختي الاجانب بيستعملوه بالمستشفايات وما بيخلى من اي بيت وصدقيني لو في اي شيء لكان مالقيتيه عند احد ( وتلاقي القضايا المرفوعه على شركات الماكرويف شغاله مو فاضين لقضايا تانيه لغير هذا الماكرويف خخ خخ خخ عم امزح)
ومع احترامي لرائي اختي الغاليه tiaa اذا جيتي للتخويف من الامراض من الكانسر وغيره الله لايقدر عندك الماكرويف اهون من تلفونات الخليوي (الموبايل) والاجهزه الي مقابيل عيونا طول الليل والنهار (تلفزيون - كومبيوتر- دفد .....الخ
ذا جيتي لرائي بانصحك فيك وراح تلاقي فرق كبير وتقولي وين كنا ووين صرنا:27: :26:

اختي ام تامر مشانك رح احترم المايكرويف , بس بعد ما سمعت الطبيب صرت خاف , على فكرة انا موسوسة زيادة
وقت كنت حامل بتجنب الكلام بالموبايل لاقصى درجة وحتى بعد ما خلصت حمل الضروري فقط
والبيوت براقبها اذا كانت قريبة من خطوط التوتر العالي
سامحيني حبيبتي طولت عليك وعلى فكرة انا بحترم حكيك كتير

هلا اختي سيبك من الماكرويف يؤدي للسرطان انا غيرته واشتريت فرن صغير روعه جربيه:21: