خخخخخخخخخخخخخخخخخخ ياربيييييييه لو بس نلقى رز مجهز بس يبي لتس تشبين عليه لين يستوي وتنشف مويته !

عندك سلطة فواكه وسطة خضار طازجه تلقينها يوميا في الهايبرات
يعني كل يوم يبيعون علب سلطات وحق أمس ما تلقينه .. كل يوم بيومه < عجزت أعرف أشرح :/

_________

بطاطس ( فرايز _ ودجز _ متبل وحار _ كرسبي ) كل الأنواع

_________

رافيولي محشي (سبانخ وجبنه)

_________

شوربات بس تضيفين لها مويه

_________

عجينة كوكيز وبراونيز

مخي مقفل وهذا اللي طلع معي
سوري
22-03-1430 هـ, 02:28 صباحاً
 
يا الغاليه


عندك المرقوق ينباع جاهز مهو العلب اللي في الموضوع اللي انتي اضفتيه لا يتسوى على الصاج رغفان كبيره تلاقينه محلات متخصص لرغفان المرقوق اربع رغفان تكفي لعيله مكونه من 6 اشخاص
خذي وطبقيه وفرزنيه



وعندك ورق العنب تلاقيه ينباع ملفوف خالص تقدري تقدميه مثل ما هوو لانه هو نفسه اللي في المحلات اللي براااا
واذا تبين تتفلسفين شوي اذا فتحتي العلبه حطي عليه الصفايه المشخال وغسليه بالمويه الين تروح نكهته وبعدين صفيه بقدر وحطي مويتك وبهارك مثل ما تبين وخليه يغلي كم غليه وخلاص حطي عليه ليمون وزيت زيتون وقدميه


وايش كمااان يا ستي


عندك قاعدة البيتزا من السنبله قبل ما تحطي الحشوه والكشنه اسقيها بزيت الزيتون تصير لينه ما تصير يابسه معاك وحطي كشنتك واغراضك اللي تبين وكانه شغلك انتي


حتى الشيش برك او اذاني الشايب صارت تنباع مسوايه خالصه انتي بس تعملي اللبن وتسقطيها فيها


المعمول والبقلاوه بس اشتريها ودخليها الفرن وبعد ما تتحمر اسقيها بالشيره


والمشااوي خذيها من اللحام متبله خالصه بس اشوي او حطي بالفرن


وعندك الكبه حقت المخازن الكبرى عند اللحام تلاقيها مهي اللي بالثلاجات لا الحبه بريال مررررررررررررره حلوه وشغله مرتب وطعمها مميز جدا


حتى العجين اذا عندك ضيوف روحي لاي محل فطاير جنبك وخذي العجين بالكيلووو وانتي احشيها وشكليها باليت

اذا فيه شي ثاني حبلغك


ايه فيه قسم الخضار تلاقين الكوسى مقوره خالصه بس تحشيها وتطبخيها
22-03-1430 هـ, 02:39 صباحاً
 
الحين كل شي صار جاهز حتى صلصة البيتزا جاهزه
فيه وحده بمنتدى ثاني عارضه ظرف رز جاهز بس حطي مويه مثل اندومي بالضبط
من كنور
بالنسبه للمطازيز اللي من قودي مب زين بالمرررررررررررره
عاجنينه بطحين الصوامع او بر مخلوط مع دقيق ابيض
انا مجربته ماعجبني والناس اذواق يمكن يعجبك

اذا تبينه روحي محل الشعبيات مثل محلات التمور الكبيره تراهم الحين يبيعون مطازيز وحنيني وكليجا وفتيت ومعمول شغل حريم 100%
ماعليك الا تكشنين وتكبين المطازيز
والحنين كل شي فيه حتى حاطين لك فوقها قطعة سمنه وماعليك الا تحطينه على النار وشوية ليمون معصور
واللي يصلحونه قصيميات يجيبونه من القصيم

وعجينة الكبه موجوده جاهزه بس تحشينها
والقطايف خابزينها بس تحشينها
والاقماع جاهزه وتحشينها
تقريبا كل شي موجود جاهز الحين
22-03-1430 هـ, 03:17 صباحاً
 
ياسلام عليكم يابنات والله ماقصرتو
جزاكم الله خير والله يعطيكم العافيه
22-03-1430 هـ, 04:33 صباحاً
 


الساعة الآن 05:30 .