بسم الله الرحمن الرحيم

احلى منتدى واحلى ناس واحلى خدمة القاها في عالم حواء

الله يوفقكم جميعا ويسعدكم ويرزقكم من غير لاتحتسبون ...

بأبدأ بموضوعي ..

انا عندي خلطة زيت مسويتها لنفسي ..

بقولكم ليش سويتها ...

انا قصيت شعري قصييييييييير مرة تقريبا الي حد الاذن كوكتيل اناناس مع فرواله .. وكملتها بصبغة ..

تعرفون وشلون طلع شعري ليفه يعني خشن بزياده ..

تخيلوا شكله قصير وخشن...

طبعا اخذت تهزيئة محترمة من زوجي الغالي ...

وزعل علي ...

فوعدته اني اطوله ولا اقصه ....

وانا عند وعدي

الخلطه اللي انا سويتها .. والله من ثالث مره ..

تغير شعري صار ناااااااااااااا اااااااااعم ..

الآن لي شهر من استخدمت الزيت ...

سألت زوجي قبل امس وش تغير فيني ...

والله العظيم وشوفوا حلفت بالله انه قال ( شعرك طايل )

الحين انا اسأله عن النعومه يقولي شعرك طايل ...

الحين شعري الى اكتافي ..

انا ادري انه طايل وانا مايهمني الطول كثر مايهمني النعومه والكثرة ...

بصراحه فكرت امس ..

قلت يابنت الناس فيه ناس مساكين متعقدين من شعورهم الخشنه ..

ليش ماتكسبين فيهم الاجر وتعطينهم من هالزيت وبالفعل قررت ..

وقلت لزوجي يجيب لي اغراض الخلطه بكميات كبيره عشان اسويها واوزعها ..

صدمني رد زوجي يوم قال وتحسبينهن رخيصات يوم انك تطلبين هالكميه ..

بصراحه تحطمت ..

تتوقعون لو اقوله ببيع عليهم وارجع لك راس المال بيوافق ...

ادري بتقولون وش عليك منه اشتري من مالك الخاص ..

اخاف يرفض مثل مارفض في البدايه ..

انا فكرت اني ابيع بس قلت مايسوى على هالزيت كل هالمشاوير ...

تتوقعون بيع هالزيت بجني منه ارباح ..

والا بس فترة ويروح كل شي ...

انا محتاره مادري وش اسوي ..

ابيعه والا ........... ماادري انتم عطوني الجواب ...




تحياتي

الزيت مشروع مؤقت فقط


ولا تنتظرين انه يوسع و و و وووووو خاصة ان له فتره وينتهي الزيت


فتره تبيعين اللي عندتس ولو سويتيه المره الجايه محد يأخذه حنا مصنع وكنسلناه بكبره وشوفي الكراتين عطيناها لله هذا وهو المصنع كان يوزع على كل العطارين بمدينه كبيره بعد



طبعا مدري عنكم وعن اوضاع مجتمعكم بس لاتكثرين جربي شي بسيط بحيث مايخسرتس شي وماتروح عليتس فلوستس ويمشي معاتس

ولاتحطين سعر العلبه فوق الخمسين ترا بيجلس عندتس خلتس حول 35 يكون المكسب عشره خمسطعش ويمشي معاتس ولا عشرين وخمسين ويطيح بتسبدتس


والقرار لتس
ابد يااخيتي...

لا يصير خاطرك الا الزين انتي بس شدي حليلك وصنعي كميه معقوله مو تملين لك غرفه ترا بيطردك زوجك ههههههه بس بالله عليك

عاد من رايي انك تصنعين وانا بساعدك في جلب الزباين اشكال واللوان ولا تنسيني ابي حقي وتراني جاده لا تتوهقين وتعلمين عن سر الخلطه ترا يخرب مشروعك

واذا عندك تفاصيل اكثر تعالي للخاص
http://quran.muslim-web.com/sura.htm?aya=002&

جزا الله خيرا على من اعانني على قراءة سورة البقره من هذا الرابط
اقتراحي...سوي كميه قليله..مثلا..5 عبوات..واحسبي بالضبط كم كلفك كرأس مال لل5 عبوات..
وبعدها...قسمي رأس المال على ال5 عبوات ....مثلا كلفك كرأس مال للع عبوات 125 ريال
لما تقسمينهم على ال5 يصير معاك 25 ريال لكل عبوه
عاد انتي زودي عليهم حق ربحك وشغلك..مثلا زيدي 10 ريال لكل عبوة او 20 ريال
يصير معاك تبيعينهم العبوة ب50 ريال مثلا
المكسب 25 ريال
..بيعي 4 وخلي واحد كعينه عندك..واللي يشوفه يطلب وانتي تروحين البيت تسوين طلبيته
وزياده حبتين..
وعطيه طلبيته واحتفضي بالحبتين واعرضيهم في المنتدى او على ناس ثانين .. وهكذا
وعلى حسب كمية الطلبات سوي.يعني لاتسوين غير لما تجيك الطلبيه..
وبعدين يصير تاخذين تصيرح عليها لو ربي وفقك ان شاء الله
بالتوفيق..واذا تبين اي خدمه من ناحية تصميم الاعلانات او التسويق انا موجوده
إذا كان الزيت ممتاز مثل ماقلتِ توكلي على الله ...,جربي على الأقل أبدئي بالقليل لين يعرفونك الزباين ..
.
.
.
صدقيني الشي الزين المجرب الممتاز راح يشترونه منك الحريم مرة ومرتين وثلاث ...
.
.
.
وإن كان المسألة تجارة وبس أنصحك لاتغامرين ..
.
.
.
بالتوفيق عزيزتي ..


الساعة الآن 02:00 .