إلى متى التسويف والتأجيل والمماطله ؟
خلااااص تعبنا شحوم تعبنا إنقرفنااا ..
حربي هالمره ع السمنة بتكون غير .. عسى ربي يبارك لنا في خطاوينا للنحافه ..

طال عمرك يالغلآ بنبدأ الرجيم الألماني ينزل من 4 ك في 4 أيام .. قريت تجارب بنات عنه ومدحوه_والأطباء بعد مره يمدحونه .. وسهل وهذا الأهم طبعآ ..

هذي نصايحي إتبعيها مع الرجيم وبتشوفين الفرق ..
1/أمشي من نص ساعه إلى ساعه .
2/شاهي أخضر 3 أكواب في اليوم مفعوله جيد لسد الشهية والحرق لدهون.
3/إستخدمي كريمات تنشيط حراري وحرق دهون (كريم بارتينر لوف أو زيت الزيتون مع الزنجبيل أو خل تفاح مع زيت زيتون) أنا أستخدم بارتينر ونتائجه جيده وملحوضه .
4/شاي ضيافه كوب كل يومين.
5/مضغ علك نعناع بدون سكر.
6/الدعاء والإستغفار بنية النحافه والصدقه .
7/حتى لو ماتغيرتي ع الميزان كثير لا تتحطمين_يمكن يبان بالشكل أكثر وهذا أهم مليون مره .

‏_))‏__ إعذروني أكتب من الموبايل فمافيه تنسيق وحركات __((

#الرجيم الألماني 4كيلو بأربع أيام بإذن الله..
‏~‏ الفطور موحد للأيام الأربعه وهو: فنجال قهوه أو شاي بدون سكر+شريحة توست وحده+حبة برتقال أو قريب فروت أو تفاح .
#اليوم الأول/
~غداء: قطعتين هامبورجر أو فيليه مشوي+سلطة خس وطماطم+ربع رغيف بر .
بعد الغدا ب3 ساعات:حبة فاكهه أي نوع.
‏~عشاء:بيضتين مسلوقات
‏~بعد العشا ب3 ساعات:كوب عصير طازج بدون سكر .

#اليوم الثاني/
‏~غدا: قطعة لحم 100 قرام+سلطه خضرا بدون زيت وتوابل.
وجبة خفيفه:كوب عصير طماطم<<ياساتر!
‏~عشاء:طبق خضار مسلوقه(كوسا+قرنبيط+فاصوليا خضرا).
‏~وجبه خفيفه:كوب عصير تفاح بدون سكر.

#اليوم الثالث/
‏~غدا:سلطة خضرا+دجاج منزوع الجلد مسلوق أو مشوي حوالي 100 جرام~تقريبآ صدر دجاج ~.
وجبه خفيفه:تفاحه أو برتقاله.
‏~عشاء:هامبورجر 100 قرام+طماطم مشوي<<سوي بحث بقوقل عن طريقة برجر دايت.

#اليوم الرابع/
الغدا:بيضتين مسلوقات.
العشا:قطعتين هامبورجر أو فيلية مشوي 100جرام+سلطة خس.
~وجبه خفيفه قبل النوم:كوب عصير أناناس بدون سكر .

إذا مشيتي ع هالرجيم بحذافيره مع المشي نضمن لك تنزلين بإذن الله من 3 إلى 4كيلو ع حسب تجارب البنات .. وأنا ببدأ فيه بكره وبأشرب ع فكة الريق ماي الملفوف يقولون مره ينحف بإذن الله. .

أتمنى تستفيدون منه .. ويارب ننحف عاجلآ غير آجل .. اللي بتقرا أو تطبق ياليت تدعي لي بالنحافه تعبت أبي انحف_
واااو تكسرت يدي من الكتابه !! بس حبيت أفيدكم مثل ما أستفيد منكم ..

تحياتي: بي كايند ..






أستغفر الله وأتوب إليـــه ,,
موفقه حبيبتي
وااااووو

شكللله يجننننن

مع اني اكره البيض المسلووق


بس بغصب نفسي وان شالله بجرربه بعد 3 اياام

لاني مسويه تخفيف لمدة اسبوعين وان شالله ببدا فيه واخبركم النتااايج


مشكووره يالغلاا

الله ينحححفك بصحه وعاافيه ويجزاك الف خيررر
الله يوفقك وينحفك من غير شر
ليالي .. حياك الباري يالغاليه .. هو شكله يجنن حتى لما قريت تجارب البنات تحمست له .. طبعآ أنا بديت فيه اليوم وراح أخبركم بالنتايج بإذن الله .. وعلى فكة الريق شربت 3ملاعق ماي ملفوف بالغصب شربته ! طعمه شوي مب مقبول بس شنسوي نبي ننحف الله يعين بس ..
وموفقه بتخفيفك إن شاء الله ..

باقي البنوتات: حياكم الباري يالغوآلي .. وألف شكر ع دعواتكم ووياكم يارب ..
تحياتي ..





أستغفر الله وأتوب إليـــه ,,


الساعة الآن 05:03 .