حبيباتي في عالم حواء.. من أشد المتابعين والمعجبين بكن وبأيديكن الناعمة ولي طلب أتمنى ألا تبخلوا علي فيه
زوجي اشترالي من إيران زعفران.. وأكيد غنكم تعرفوا الزعفران الإيراني .. ريحته شايله البيت(ماشاء الله) بس بصراحة ما أعرف كيف استخدمه غير إني أبله بالموية وأحطه ع الرز.
في استخدامات أخرى للزعفران؟في تتبيلة اللحم والدجاج مثلا..أو أي شي؟
ساعدوني يابنات.. وللكم جزيل الشكر وكثييييييييييير التقدير

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ممكن تضيفيه مع بعض الماكولات مثل الدجاج واللحم والبرياني وعندك في ناس تضيفه مع القهوة كمان
عندك المغاربة شئ اساسي في طبخاتهم
[IMG/][/IMG]
تقدرين تسوين به الشعريه وتضيفينه للقهوه او لما تسوين الشيره العسلل للحلويات
وش اللي جانا من ورا هالمتن ؟ غير الالم غير التعب وش جانا !!! ؟


ياااااااااااااا ااااااااااااااا ااااااارب
.
مرحبا اختي

في استخدامات كثيره للزعفران وخصوصا ان الزعفران هالايام صار غااااااااااالي حاولي تحافظين عليه

تقدرين مثل ماتكرمتي تستخدمينه في الرز يعني تنقعين مقدار ملعقه في ماء الورد وترشين فيه البرياني ولا الشيلاني اللي هو الرز الابيض ولا رز العزايم حتى لو كان مكبوس وايد تطلع ريحته طيبه

وبعد يتقدرين تدهنيين فيه الذبيحه اذا كنتي بتشوينها في الفرن تخلطين الزعفران مع ماي ورد وشويه قرفه مطحونه وليمون اسود وتدهنين الذبيحه ولا حتى لو كان اللحم مقطع كذلك الدجاج وينشوى في الفرن بس هالطريقه لازم يكون اللحم والدجاج منسلق قبلها

تستخدمينه في القهوه العربيه ومافي قهوه خليجية الا تكمل بالزعفران شوي بس تحطين في الدله تعطيج لون فنان وريحه حلوه

تستخدمينه مع الشاي الاحمر تحطين شويه في الدله مع ماي ورد وتصبين عليه الشاي يطلع شاي ايراني مكيف ومعتبر

تستخدمينه مع الحلويات

الكيك - الخنفروس - اللقيمات وقطر اللقيمات - الساقو - الحلوى - الخبيص - البلاليط - حتى قطر الكنافه والقطايف يمكن تضيفين زعفران!

بس تعبت

اتمنى اني افدتك واخلي المجال حق خواتي وان شاءالله يفيدونك اكثر
اللهم اتنا في الدنيا حسنه وفي الاخره حسنه وقنا عذااااب النار... اللهم ارحم والدي برحمتك واغسله بالماء والثلج والبرد اللهم نقه من خطاياه كما ينقى الثوب الابيض من الدنس اللهم واحشره مع الشهداء والصديقين يوم الدين هو وجميع موتى المسلمين يااارب
انا اموت بالزعفران الايراني
بسسسسسسسسسس
زوجي رافض ايجيبلي ايقول خلاص ابقطع ايران عشان الشيعة مسيطرين على كلة
((يعني مافية سنة ينتجون زعفران غرررررررريبة))


الساعة الآن 08:32 .