اقتباس مشاركة  (dano-d)
لا اظن المكدوس طيب بالكاجو
الاصول جوز
يسلمووووووووووو وووووووو
اللهم لگ الحمد حتى يبلغ الحمد منتهاهـ ..
اقتباس مشاركة  (samaa_egypt)
شوفي حبيبتي الطريقة تقريبا متل طريقة ام لين بس كل واحد بيختلف عن التاني

ومتل ماقالت عروس الباذنجان لازم يكون صغير ومافيه بذر يعني حلو لان لما بيكون فيه بذر بيصير مر عالقلي

المهم اول شي انا بقطع العودة الطويلة تبع الباذنجانة مو القمع كله لا بس العودة وبعدين بتصفيه بطنجرة وبتحطي عليه صحن وتقلة يعني حجرة اي شي مشان ما يفوش
بتحطيه عالنار ولازم تكون قوية وبس يفلي بتعيري الساعة بدو بحدود 20 ل 25 دقيقة مو اكتر بالمرة
وشغلة مهمة كتييييييييير ما بتنوصي النار ابدااااااا لان بيخنق قلب الباذنجانة يعني بيسود

بعدين بتقيمي الباذنجان من المي وبتصفيه بصينية وبتتركيه يبرد

بس برد بتقيمي القمع وبتملحية كل بيتنجانة بتحطي فيها ربع ملعقة شاي ملحال وانتبهي الملح لازم يكون بلا يود ضروري جدااااااا

بتجيبي مصفاية يعني وعاء بلاستيك غميق له ثقوب وبتصفي الباذنجان فيه وبترصيه منيح وعالوش بتحطي صحن وتقلة تقيلة ممكن شي 5 كيلو او اكتر

وطبعا تحت المصفاية شي طنجرة او وعاء بلاستيك لتنزل فيه الماء
بتتركيهن يوم كامل بمكان بارد

تاني يوم بتجهزي الحشوة كالتالي
فليفلة حمراء مطحونة وجوز مفروم وتوم مدقوق وملح

كل 10 كيلو باذنجان بيحتاجو كيلو جوز وربع راس ثوم

والفيفلة ما بعرف عيارها بس بالنظر

بتخلطيهن وبتحطي لهن ملعقتين ملح طعام بلا يووووووود لكل كيلو جوز
و بتجيبي الباذنجان وبتبلشي تحشيه وتصفيه بقطرميز كبير وترصيه بالقطرميز منيح
بس امتلئ القطرميز بتجيبي وعاء بلاستيك غميق بتحطيه على وشه وبتقلبيه للقطرميز على تمه حتى يصفي من الماء

بتتركيه شي يومين او اقل بمكان بارد ولازم كل يوم تراقبيه حتى ما يعفن

بعد ما تقلبيه بيلش المائ ينزل منه واذا ما نزل بيكون الباذنجان منشف منيح وكمان الفليفلة
بعد يومين بتقيمي الباذنجان من القطرميز وبتصفيه بقطرميز تاني نظيف وبتغمريه بزيت الزيتون
ولازم تخليه اول فترة قدامك وتحطي تحت القطرميز وعاء حتى اذا فار الزيت

غالبا بينصق الزيت وبيحتاج ينضاف له
وصحتين وهنا
على قلبك حياتي يسلمو
اللهم لگ الحمد حتى يبلغ الحمد منتهاهـ ..
اقتباس مشاركة  (ام خالد%%%)
طريقة ام لين صح بس لازم زيت زيتون غير نكهة واطيب والباذنجان صغير ومكبوس جيد لاماء فيه بعد العصر

تسلمي حبيبتي
اللهم لگ الحمد حتى يبلغ الحمد منتهاهـ ..
تسلم لي كل وحده رفعت الموضوع واللي استفادوا الحمد لله عمت الفائده
اللهم لگ الحمد حتى يبلغ الحمد منتهاهـ ..
يسلمو يا صاحبة الموضوع لاني استفدت


الساعة الآن 12:08 .