مساااااااو الخير..أسعد الله أوقاتكم بحبه..حبيباتي..حبيت..أتشاور معاكم في موضوع مهم من الناحية المادية لي ولك كإمرأة..التبذير والاقتصاد..أحب تشاركونا تجاربكم في كيفية التصرف براتبك الشهري كموظفة كيف تقسمينه؟؟وهل توفرين منه شيء؟؟مصروفك من زوجك؟؟كيف تقسميه؟؟وتوزعينه؟؟
28-03-1430 هـ, 10:00 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أنا خاطري مرة وحدة أكون اقتصادية
ريلي ما شاء الله اقتصادي وأنا مول
كل اللي مخباي لازم يخلص
مرات أحاول اقتصد لكن آخر الشهر أخورها
أكثر شي يخلص الفلوس بالنسبة لي الجمعيه وسامان البيت<<< يعني أغراض البيت
يعني المؤنه الغاز الماي المنظفات
حاولت مرارا وتكرارا<<< مسويه فصيحه
أقتصد في المؤنه لكن لا حياة لمن تنادي
ما ادري ليش اتمنى تدخل وحده فنانه وتعرف تقتصد وتنفعنا يا رب
شكرا لج أختي ناثر الورد ع الموضوع الحلو
29-03-1430 هـ, 06:32 صباحاً
 
عجزززززززززززززززززززززززززنا نقتصد

انا وحده مااستلم راتب ولا مصروف من زوجي

بس احاول اوفر كثير من مصاريف البيت الي هي على زوجي

بالنسبه لاغراض البيت يجي شهر اشتري بالكرتون الشي المهم مثل زيت رز سكر قشطه طحين مناديل تايد صلصه

وتجلس عندي الاغراض 6 شهور تقريبا واروح للسوبر ماركت اقضي شي بسيط كل شهر

ولا اروح للسوبر الا كاتبه الشي الضروري فقططط واشيلهن واغمض عيني عن الباقي

او احيانا ارسل زوجي عشان مااشوف شي واشتريه غصب يجيبلي بس المكتوب والحمدلله بديت اوفر

وملابسنا من العيد للعيد والحمدلله احللها وانا ماعندي خرجات كثير عشان احتاج لبس كل شوي

واهتم بالكهرب وبالماء وبكل نقطه بالبيت واصلح الي يخرب لتوفير حق العامل

واشتغل بنفسي ماعندي شغاله

واذا جاني احد اطبخ بالبيت الا طبعا الحالات الطارئه

مره بالشهر نطلع نتمشى ومانصرف كثير على قدنا

هذا كله قبل يكبرون الاولاد والحين مصارفنا دبببببببببببببببببببببل ومو قادره الحق طلبات العيال ومتطلبات البيت

بس الحمدلله توفيري السابق فادني كثير وقدرنا نعمر بيت الملك وهذا اهم شي والله يعيننا على الجاي
29-03-1430 هـ, 03:54 مساءً
 
ماشاءالله عليك ياقصيميه........ مره سنعه



عقبالي يارب الاف اطيرها بالشهر وين ماادري ؟!<< دايم هالسؤال الغبي

نطيرها بالاسواق والملابس واكل المطاعم والسوبرماركت في اشياء غالبا تهدم صحتنا .... الله المستعان
29-03-1430 هـ, 08:06 مساءً
 
للـــــــــــــــــــــــرفع..للفائدة..وشكرا جزيلا..وين الاقتصاديات نتريا تشاركونا..
29-03-1430 هـ, 09:18 مساءً
 


الساعة الآن 05:06 .