كيف تكونين اقتصادية..مع هذا الغلا الفاحش؟؟

أنا خاطري مرة وحدة أكون اقتصادية
ريلي ما شاء الله اقتصادي وأنا مول
كل اللي مخباي لازم يخلص
مرات أحاول اقتصد لكن آخر الشهر أخورها
أكثر شي يخلص الفلوس بالنسبة لي الجمعيه وسامان البيت<<< يعني أغراض البيت
يعني المؤنه الغاز الماي المنظفات
حاولت مرارا وتكرارا<<< مسويه فصيحه
أقتصد في المؤنه لكن لا حياة لمن تنادي
ما ادري ليش اتمنى تدخل وحده فنانه وتعرف تقتصد وتنفعنا يا رب
شكرا لج أختي ناثر الورد ع الموضوع الحلو

عجزززززززززززززززززززززززززنا نقتصد

انا وحده مااستلم راتب ولا مصروف من زوجي

بس احاول اوفر كثير من مصاريف البيت الي هي على زوجي

بالنسبه لاغراض البيت يجي شهر اشتري بالكرتون الشي المهم مثل زيت رز سكر قشطه طحين مناديل تايد صلصه

وتجلس عندي الاغراض 6 شهور تقريبا واروح للسوبر ماركت اقضي شي بسيط كل شهر

ولا اروح للسوبر الا كاتبه الشي الضروري فقططط واشيلهن واغمض عيني عن الباقي

او احيانا ارسل زوجي عشان مااشوف شي واشتريه غصب يجيبلي بس المكتوب والحمدلله بديت اوفر

وملابسنا من العيد للعيد والحمدلله احللها وانا ماعندي خرجات كثير عشان احتاج لبس كل شوي

واهتم بالكهرب وبالماء وبكل نقطه بالبيت واصلح الي يخرب لتوفير حق العامل

واشتغل بنفسي ماعندي شغاله

واذا جاني احد اطبخ بالبيت الا طبعا الحالات الطارئه

مره بالشهر نطلع نتمشى ومانصرف كثير على قدنا

هذا كله قبل يكبرون الاولاد والحين مصارفنا دبببببببببببببببببببببل ومو قادره الحق طلبات العيال ومتطلبات البيت

بس الحمدلله توفيري السابق فادني كثير وقدرنا نعمر بيت الملك وهذا اهم شي والله يعيننا على الجاي

ماشاءالله عليك ياقصيميه........ مره سنعه



عقبالي يارب الاف اطيرها بالشهر وين ماادري ؟!<< دايم هالسؤال الغبي

نطيرها بالاسواق والملابس واكل المطاعم والسوبرماركت في اشياء غالبا تهدم صحتنا .... الله المستعان

للـــــــــــــــــــــــرفع..للفائدة..وشكرا جزيلا..وين الاقتصاديات نتريا تشاركونا..

والله ياقلبي جيتي على الجرح :06: اي اقتصاد والدنيا مولعه نااااار والاسعار فوووووووووووووووق
وطلبات الاولاد كل مالها تزيد......الواحد صار يبغاله راتب فوق راتبه علشان يقدر يعيش زي الاوادم ...كيف اجل لو كمان اقتصدنا !!!