بسم الله الرحمن الرحيم
خواتي العزيزات....أنا من الدمام وقاعده أدور على شقه للأيجار ويكون أيجارها معقول لأنه مثل مانتوا عارفين المعيشه والمتطلبات الكثيره في هذا الزمن الصعب...
المهم ياكثر مالفيت شقق وكلها أيجاراتها نااااااااااااار جديده وغير جديده كلهم صارو نفس الشيء!!!! يعني بالعشرين وفوق!!والله أنها ماتستاهل العشره!! مادري وش هالطمع والجشع في أصحاب العماير والعقارات وكله على حسابنا أحنا المساكين
اليوم أتصلت فيني صديقتي وياريتها ماأتصلت!!!!! قعدنا نسولف عن الشقق وفجأة قالتلي أن أختها سكنت توها من فتره قريبه في عماره من عمارات الراجحي(أول مره أسمع فيها!) وتقول أن العماره كبيره فيها 48 شقه وكل شقه فيها خمس غرف وثلاث حمامات وبلكونتين وسيراميك والعماره فيها حراس للأمن وعمال للصيانه أذا خرب عليك شيء والعماره جديده لوكس!! كل هذا تخيلوا كم أيجارهااااااااا ااااااااااااااا ااااااااااا
15ألف و500 وأذابغيت أربع غرف ب14 ألف بسسسسسسسسسسسسسس سسسسسسسس!!!!!!!
قتلها ألحقيني بعنوانها على طوووووووووووووو ول وعطتني العنوان وعطيته زوجي ووراح طيراااااااااااا اااان وفعلا لقاها عمارتين للراجحي ومثل ماوصفتها صديقتي وراح زوجي لمكتب العقار وكانت الصدمه!!!! قاله من يومين بس تأجرت كلهاااااااااااا اا ياني مت من القهر
المهم بعد كل هالهذره اللي فوق أبي اللي تعرف عماير سكنيه بنفس مواصفات عماير الراجحي وبنفس أيجاراتها تدلني عليها وتكسب فيني ثوااااااااااااا اب لأني فعلا فيني حره

إذا في زيها في جده خبروني ضروووووري

الإيجارات في جده صارت نار

دوري في مناطق تكون مو وسط البلد .لأن وسط البلد يكون ألأيجار غالي شوي!!!

يعني أنتِ في الدمام . حاولي تسكني في مخطط 71 أو 91 او مخطط 8 هذه المخططات أسعارهم وسط . والخدمات بها

ممتازة. من ناحية المرافق والمدارس والأسواق التجارية .

حوالينا عمارة مشطبة توها من شهر . أظنها سعر شققها وسط من 15 ونازل .

هي في مخطط 91 في نفس شارع الضاحية رقم 4 حاولي تجينها وتشوفينها يمكن تناسبكِ .

بالتوفيق أن شاء الله .



وااااااااو شنو هذي الاسعار المكتوبة صحيحة والا لا وهل الاسعار هذي بالشهر او بالسنة؟؟؟؟
لأن احنا في البحرين ماعندنا هذي الاسعار يعني الشقق من 80 الى 120 دينار
واللي كلش غالية يكون سعرها 200 دينار وهذي الاسعار كلها تكون بالشهر.

أم يقين
أم هديل...الظاهر حمى الأيجارات أنتشرت في كل مكان في السعوديه!! الله يعينا على طمعهم بس!!!

أول الوسم...من زمان وأنا قاعده أدور على شقه تكون مناسبه من جميع النواحي ولو أبي أسكن في المخططات كان سكنت فيها من زمان!! بس المشكله أنها بعييييييييييييي يده كثيييير! ولاأعرف فيها أحد! أنا ألحين ساكنه في المزروعيه وأهلي بعد وكل اللي أعرفهم بحدود وسط الدمام! بعني ببعد عنهم كثيييير..ولها الشيء أنا لاغيه فكرة السكن في المخططات!!
ومشكوره ياعمري

أم يقين..لالالا تخافين !!! هذي الأيجارات تكون في السنه!!
بس بحسبه بسيطه من خلال كلامك لقيت أنه أنتو أرخص منا!!! يعني اللي تقولين عليها ب80 دينار في الشهر تطلع بالسعودي 9600 ريال ي السنه!! هذي مستحيل تلاقينها عندنا!!!! واللي تقولين عليها أغلى شيء ب200 دينار تطلع عندنا24000 في السنه !!! ألحين أيجاراتنا تبدأ بهذا السعر وفوووووووق!!!!
يعني شكلي بشيل عفشي وأحول عندكم في البحرين!!! وش رايك!!


الساعة الآن 10:57 .