في يوم الأربعاء ..(اخر يوم قبل اجازة عيد الاضحى) ..
12/12/2007
عندي اختبار في الجامعة وجاية مروقة الساعة 12 .. (لاحظوا 12 كم مرة) ..
اختباري يبدأ 12 كمان ..
المهم طلعت من البوابة ع الفصل اللي حناخذ فيه الاختبار ..
وانا ادور جوالي ابغى احطه سايلنت ..
فجأة ..!!!!!!!!!!!!
جوالي مختفي
..
واحاول اتذكر وش صورت ..!
الا اقول وش ما صوووووووورت !! صور وفيديو وتسجيلات صوتية !!
وبنت تصور نفسها لازم الصور كلها تكون تمام وحلوة وقبل كل خرجة لازم صورة ..
وولاااا بعد في صور لاعبة فيها بالفوتو دي جي وحاطة عليها Mafia Girl
يعني الفضيحة ع وسيع كمان برى الانترنت وبداخل الانترنت ..
قلت ريلااااااااكس دوري مرة ثانية بهدوء ..!
مافي امل .. الساعة 12 و 10 دقايق..!!!! الاختبار تعبيري ! وساعة كاملة وما يقل عن 400 كلمة ..
عندي حليين مالهم ثالث..!!
1/يا ادور جوالي..!! وانقذ مستقبلي ..
2/يا ادخل اختبر.. (الاستاذه روسية ما رح تستوعب انه جوالي مرتبط بمستقبلي)..
لو انتم مكاني وش بتسوون ؟؟!
وقسم خيار صعب ..
المهم اخذت جوال وحدة من البنات عشان ادق على جوالي ...كويس يرن ياارب لك الشكر..يعني ما انسرق وطفوه اللي سرقوه ...!!! اكيد ضايع يارب ضايع محد لقاه فرصتي اروح ادور عليه ..
كلمت الاستاذه وقلت لها انو بروح وكذا جوالي وضاع ..!! قالت انتي اللي جوالك ضاع!! (في نفسي اقول امداه الخبر ينتشر ما قلت لأحد)
اثر في بنت ثانية كمان ضاع جوالها بس تقول فيه صورة وحدة ومو واضحة ..
وقالت خلاص روحي ..وركض ع البوابة ادوره ..(في هذاك اليوم البوابة قالبة مكتب استقدام من كثر الخدم قلت هذا وقته ليه حظي نحس دايم ) ..
يعني المفروض فقدت الامل من يوم شفت الخدم اعرف شكله حيتلطش لا محالة ..
قلت معليه وادق مرة ثانية يرن الحمد الله وادوره ابداااااااا ماله صوت ..!!!
ابغى اتذكر رقم امي رقم اختي رقم اي انسان في العالم ..ابدااا ولاشي ..فقدت الذاكرة انا كذا اذا انصدمت انسى كل حاجة حتى لو كانت تافهة ..
لساتني اعطي نفسي امل اقول هو ببعض الازرار باللمس يمكن ما عرفوا كيف يحطونه سايلنت اللي سرقوه ..!
خلاص صارت 12 و 25 دقيقة !! ما باقي ع الاختبار الا 35 دقيقة ! ايش حتكفي تكتبين 400 كلمة والله اعلم عن ايش الموضوع وكيف رح اطلع افكار عنه ..
اللحين وصلت قمة الانهيار العصبي وابغى ابكي شوية حطيت النظارة الشمسيه عشان ابكي ع راحتي وانا في الطريق للامتحان
والله العظيم اتخيل حالي كيف والناس كيف رح تظلمني وتقول مصورها خويها..والصور لما تنتشر..
فضيحة بنت مع خويها .. بنت سعودية .. ولا الصور يا قلبي قلباه عليهم والله بينتفونها واسمع في بالي كلام وصخ والشباب يتناقلون الصور (عندي لك مقطع ) (عندي لك صورة) (شوف ال#$@ )
واصيييييح زيادة ..!!
وحاطة يدي على راسي من الكلام اللي راح يصير شوية تخيلت الصورة مدخل على شات ..
ولا في تبادل اعلاني (للخليج فقط ) ( بناااات السعودية ) ( اجدد مقاطع البلوتوث)
ولا في اعلانات المواقع الغنائية ..واصييييييييييييييح زيادة ..
اذا على اهلي رح يتفهمون ان شاء الله بس انا ما حتحمل نفسي والكلام اللي حيصير بحس نفسي ولا حاجة من التعليقات ..
شوية كذا ... تذكرت youtube قلت لاااااااااا ياربي يحطونها هناك !!
يعني بصير علكة لكل المنحرفين عالميا ..
وشلون اقول لكم هي مالها دخل الصورة كويسة او لأ ..خلاص بنت سعودية وانتهينا
شينة وجه عنز whatever رح تنتشر ..مقاطع حصرية لأصحاب المواقع ..! (الله لا يوفقهم) ..
واجي ع ورقة الامتحان .. مكتوب الموضوع بالانجليزي طبعا
(كيف تتجنب حدوث انهيار عصبي لك في الامتحان) ..
وانا اللي اناظر الاستاذه بحقد ..وربي مو وقتك..!
طيب اكتب من ..الى ..وش ممكن تسوي حتى تتجنب ..واخر شي كتبت في ظروف خارجة عن السيطرة مثلي انا جوالي ضاع وانا اكتب الامتحان ..عندي انهيار عصبي ومع ذلك احل عشان اخذ درجات
<يحلفون انها مب هينة
المهم واتذكر جوالي واروح للسكيورتي النساء واقول لهم ..
يقولون افقدي الامل اليوم اخر يوم قبل الاجازة مستحيل تلاقينه ..
يعني كيف مستقبلي ضاع ..
قالت لي ثاني مرة لا تصورين ..
قلت لها طيب خففي علي ..انا عارفة ثاني مرة ما حصور والله مستحيل ياليته يرجع بيدي ما رح اصور ابد ..!!تكفون رجعوه لي ..(للاسف مافي امل ) ..
خلاص الساعة 2 ونص ..خايفة تقلق علي امي وفي نفس الوقت البوابة صارت فاضية مافي غيري وقليل ناس..
صار الوقت انسى خلاص ..
واروح للسيارة واذا بالجوال جالس بالسيارة
!!!!!!! وامسكه ع طول ع الاستديو وحـــــــــــذف في كل الصور والفيديو وكل حاجة ..كنت ابغى احطه تحت كفرات السيارة بس تحسفت عليه جديد هههههههههههههههههههه
رجع لي بالسلامة
..اللي ابغى اقوله ..
انه الغلطة مو بس غلطة البنت لما تصور الغلطة غلطة مجتمع عربي بأكمله ..يلاحق ورى شرف البنات وينشر عرضها في كل مكان ..خلاص البنت اللحين عارفة انه انا عايشة وين كيف ممكن أأقلم نفسي مع الوضع (ما اصور) ..
يمكن صورة عادية بنت مثلا متلثمة او مصورة عادي ..وانتم تنشرونها في المواقع ولا تحطونها صور رمزية ولا في الاعلانات ولا حتى تنشرونها بين بعضكم ..تذكروا انها ممكن تكون اختكم .. لا تقول اختي ما تصور ما تدري يمكن يوم من الايام صورة وحدة و اول مرة تصور يصير لها نفس اللي صار لبنات الناس اللي ظلمتوهم لما ضاعت جوالاتهم ولا صورهم الخاصة ..
ولا حتى تشجعون على هالشيء بردكم عليهم او تحميلكم لها المقاطع ..والله اقول هالكلام لأني حسيت بمعناتهم حتى لو لحظات .. كثير اشوف صور بنات في اي موقع واضح ان الصور مسروقة ..لا خويها ولا شقة ولا يحزنون ..
دعوة اخواني حتى ما نهدم حياة ومستقبل بنات كل ذنبهم صورة
..كيف تحفظ جوالك من السرقة
الـ IMEI هو رقم التعريف لجهازك ..
طلع الـ IMEI الخاص بجوالك ..! وايش هوا ..
كيف؟ اتبع الصورة سوي مثلها بالضبـط (جربتها وضبطت معي )
او حتلاقي الرقم خلف البطارية شوفوا الصورة تشرح وين مكانها بالضبط ..
واذا لا قدر الله انسرق جوالك دق ع الاتصالات وعطهم رقم التعريف ويتقفل جهازك وهالرقم لا تعطونه لأحد لأنه ممكن تنعرف معلومات شخصية عبره ..
(ما جربت هذي بس هما قالوا لي كذا الحل للجوالات المسروقة هل احد جرب هالطريقة ؟) ..
وسوري لأن الموضوع طويل حبتين بس مهم مرة ..
و حسيت ربي حذرني في ايام ذو الحجة ايام فضيلة ومباركة ومن واجبي احذر حتى لو بموضوع في ترايدنت
وكمان نقرأ الاذكار اللي تحفظ الواحد قبل لا يطلع من البيت ..
(اللهم اني استودعك (اللي خايفين عليه) .. إنك على كل شيء قدير )
مما راق لي