السلام عليكم كيفكم حلوات ان شاءالله بخير
السالفة ومافيها ان اخو زوجي جاء اجازة عند اهاه اللي هم عماني وبما انه يحب الحلا كثير قلت ابسوي له تشيز كيك والحمدلله عجبه مرررررره حتى انه ثاني يوم سويت له صينية واخذها لاصحابه في الاستراحة
جاء زوجي وقالي الاولاد عجبهم حلاك بلمره وقعدوا يمدحونه طبعا انا نفش ريشي وانبسطت كثير
احب اقولكم ان مايميز التشيز حقي هو مقاديره السهلة جدا جدا واليكم صورة تشويقية اولا
المقادير هي كالتالي
حليب نستله
جبن كيري ابو 12حبه
ملعقتين جوز هند
وطبعا بسكوت وزبده
الطريقه سهلة جدا وهي عجن البسكوت مع الزبدة ووضعها في الصينية وهنا لازم تكون الصينيه صغيرة يعني اصغر حجم في صواني التشيزكيك
ثم يخلط النستله مع الكيري مع جوز الهند في خلاط الطماطم ثم على البسكوت وفي الفرن على الرف الوسطاني لغاية تقريبا نص ساعه لحد متتماسك الطبقة ومن فوق ممكن تحتاج خمس دقايق فقط مو تتحمر لابس تتماسم يعني نزلي الرف شوية
طلعيها من الفرن وعلى طول وديها الثلاجه
معليش انا صورتها بالفريزر واختكم كانت متحمسة زينت الطبق على طول قلت يبردون سوا لاني كنت مستعجلة شوي
شوفوا تزييني وهو عبارة عن توفي مع جوز هند وسكر بني
تم الحفظ....