up




ابعطيك طريقة حشوة دجاج
المقادير والطريقة :
دجاج مفروم حطيه اول شي في القدر واحمسيه الين تنشف مويته وحطي عليه نص فنجال خل ابيض.
حطي عليه
بصله مفرومه ناعم
وكشنيهااا الين تختفي
افرمي فلفل رومي نااعم
وحطي عليه بهارات دجاج+ فلفل اسود + كزبرة ناشفه + ملح
آخر شي افرمي بقدونس وكزبرة وحطي على الحشوة وقفلي النار مباشره
وغطيهاااا
لا تبدين تستعملينها الا بعد ماا تبرد تمااماا

بالنسبه لسلق الدجاج عشان الفطائر:
خذي الدجاجه ونظفيها وشيلي الجلد
وحطيها في مويه واول فورة كبيها
بعدين ارجعي حطي مويه واذا بدت تفور شيلي الرغوة
وحطي بصله مقطوعه4
وورقه غار
وليمونه وفص مستكه..
اذا استوت الدجاجه شيليهاا وخليها تبرد
بعدين نتفيها وابدي كشنيها مع البصل والفلفل الرومي
واضافاتك المختااره
موفقة خيتوو
عزيزتي انا استخدم للفطاير صدور الدجاج من رضوى او التنميه مررره نظيفه

طبعا انضفها زين بخل وملح وليمون عشان زنخة الدجاج تررروح مرره

وافرمها وهي نيه او اقطعها صغار

يعني لا اسلقها ولا يحزنون ما له دعي الحوسه ذي كلها

ترى بسرعه نستوي
احمس البصل والثوم والفلفل الاخضر و بعدها اضيف الدجاج وراح يستوي بالماء الي يطلع منه
واذا مره ما حسيته استوى عشان اتطمن اضيف شوي مويه
وطبعا لا تنسي بهاراتك والنكهات الي الي حابه تضيفيها

**** ما ادري عن نوعييات الدجاج الاخرى ذا الكلام ينطبق على النوع الي استخدمه مره مريحني وما احب استعمل غيره ابد




اما بالنسبه للحشوات الثانيه عندك :
جبن ابيض ونعناع مفروم

تونه مكشنه وطريقتها (تحمسي بصله صغيره مقطعه صغار بشوي زيت وبعدها تضيفي علبة تونه و ثلاث او اربع ملاعق معجون طماطم
وخليها تطبخ وضيفي ملح وفلفل اسود وكمون واذا حبيتي فلفل اخضر رومي وخلاص اذا تسبك و تشرب الصلصه نطفي عنه ونضيف بقدونس مقطع تقريبا حزمه كامله )

ملفوف وجزر مبشورين مع مايونيز

لحمه مفرومه مكشنه ببصل ومعجون طماطم مع اضافه كم ملعقه طحينه سايله

زعتر زيت زيتون


اذا كانت الفطاير تفتح وتحشى بعد خروجها من الفرن استخدمي ذي الحشوه
جبن ابيض مقطع شرايح و وممكن لبنه
خياار شرايح طوليه وخس مقسوم مع النص
وتحطي شريحة جبنه وبعدها شريحه خيار وبعدعا شريحه خس



ذا الي عندي يالغاليه اذا افتكرت شي ارجع اقول لك
ياحاسدي لماذا ضاقت عليك الأرض بما رحبت؛فأفرغت في َ غل نفسك...

وخصصتني بسهام شرك!


أفيسلم منك اليهود والنصارى ولايسلم منك اخوك المسلم؟!..

أم الأقربون أولى بمعروفك....!!


مشاء الله البنات ماقصرو
fawa7a جزاك الله خير
moooon_ksa الله يعطيك العافية ما قصرتي عطيتيني خيارات كثيرة ما كانت ببالي الله يسعدك
جـ الوقت ـروح رفع الله قدرك
sweet as candy الله يجزاك خير عالطريقة الحلوة شكرا


الساعة الآن 06:23 .