ياويلك جاك حمار القايله جاك مصبغ اذانيه بالدم والنتيجه..؟

عز الله ماسويتو فينا خير مساكين حنا يالجيل اللي ماني قايله عشان محد يعرف عمري الجيل اللي امهاته ياحليلهم مايعرفون :35:غير الفيافي وقهوة العصريه وقعدات الحوشه الجيل اللي امهاته اساليب التربيه فوادي وهم فوادي يعني محجورين :04:ومصكوك علينا لانعرف ملاهي ولا بلايستيشن ولا دش ولا كمبوتر وانترلت على قولة امي الله يسعدها ولاجوبيسلونا يحاجونا حجاوي لاتمت للطفوله :04:بصله حجاوي تطير عقولناحجاويهم بدال بياض الثلج ومابياض الثلج والارنب والسلحفاه كلها قصص مرعبه يحاجونك فيها بالليل ولا جا الصبح وانك يابسه:32: محلك لا واذا ارسلوك وقلتي اخاف:06: قالو انتي من جدك ياوليدي كذب كذب طيب دامنها كذب وانا عقلي على قدي ليش تحاجونا فيها امحق من حجاوي تصدقون عاد اني كنت اتخيل شكل حمار القايله ومصبغ اذانيه بالدم وراسمتلهم صوره فخيالي اللي على قدي .....
كل هذي المقدمه يابنات عشان موضوع مهم جدا لازم نتفاعل مع بعض فيه لاننا لو ماتبادلنا مع بعض الافكار والخبرات وناقشناه بنربي عيالنا على نفس الاغلاط الموضوع ومافيه ان فيه موروثات فتحنا عيونا عليها ومازلنا نربي عيالنا عليها وحنا ماحنا عارفين هي غلط ولا صح نسمعها من امهاتنا ونطبقها اقولكم مثال لاهبت هبوب قويه امي ماكانت تخلينا نطلع عشان الهبوب ماتطيرنا طيب ابي اسال صح الي وزنه خفيف اذا كانت الهبوب قويه تطيره كنت مايطير عقلي وانا صغيره الا ان الهبوب تهب وانا برا البيت وتشيلني اتخيل نفسي طايره المثال الثاني عندنا ان اللي فبيتها مر مايدخلون بيتها الاطفال يقولون المر يموت واشوف ناس عندهم اطفال ويشربونه شرب الما لا وازيدكم من الشعر بيت انك اذا رحتي لحرمه وكنتي ماتدرين ان عندها مر ومعك طفلك مايضره واذا احد قالك وانتي عندها يمرض ولدك يالله اذكر موقف صارلي وانا صغيره رحنا للناس بدو يقربولنا ومعنا ولد اختي صغير امي واختي كانو ناسين موضوع المر عاد انا بسوي فلاحه مدري وشصلقطني قلت يمه عندهم مر تعالو شوفو وجه امي واختي كيف صار وتعالو شوفو وجهي وانواع التحطيم والقمع والالفاظ النابيه والشجب والاستنكار الموهم عشان مااطلع برا الموضوع يله كل وحده تقول الموروث اللي عندهم ونتناقش بصحته نبي تفاعل الله يخليكم:06: