انا من مكة وهي مشهورة بعمل الفرموزا وانا من المحبين لها وبشدة وعندما تزوجت وانتقلت الى المدينة وهي احب المدن الى قلبي لم احصل على الفرموزا وبحثت عنها في كل مكان لم اجدها واصبحت لااكلها الا اذا ذهبت الى اهلي
فاسئل الله لكم الجنة اذا تعرفو طريقتها مظبوط تكتبولي وسادعيلكم جميعا

القناعة كنزلا يفنى
يا هلا ومرحبا بريحت اهلي شوفي يا عيني هي طريقة العجينة مشابها لعجينة الفرموزا

بس يالله ريحت ابو على ولا عدمة هههههههه بس غريب ما لقيتيها في المدينه ترى تحصليها

جنب الي يبيعو التميس والفول عند الأفغان الله يبارك فيهم هههههههه >>>> يعني جبت شي جديد

المقادير

4 كاسات دقيق

2 من البيض

نصف كاس زيت

نصف م ط خميرة وندوبها في كاس ماء دافئ + م ط سكر

رشة ملح

الطريقة :

بس تتخمر الخميره قومي حطي الدقيق والبيض والزيت وافركيهم مع بعضهم البعض وتدريجيا

صبي عليهم كاسة المويه واعجني زي الناس اوكي غطيها يا عيني وخليها تتخمر مدة ربع ساعة

وبس وتكوني مجهزه الحمة المفرومة وتقطعي عليها بصل كثير وتبهريها00 طبعا الحمة نيه اوكي

تقومي تاخدي وصله بحجم البيضه الصغيرة وتفرديها بالفراده على شكل مستطيل طيب وحطي مقدار

ملعقة الحلى من الحشوة في الوسط قومي اثني الضلعين الطوال على بعض مو زي الاصباع لا برضوا

خليه زي المستطيل وبعدين اثني الاطراف الي فوق والي تحت سار ايه سار عندك مستطيل صغير مو مره يعني

شويه بس اضغطي على الاطراف زي الناس حتى ما تنفك عليك اوكي بس تكمل الصينيه يا انك تدهنيها بالبيض

او حليب الشاي الي نحطه على الشاي اوكلي يا حلوة ان شاء الله اكون شرحت شرح وافي واي استفسار انا

في الخدمة


جزاك الله خير غاليتي ** hermia **

خواتي وحبيباتي في غربتي استودعكم الله الذي لا تضيع ودائعه 00 وان شاء الرحمن اقابلكم في ارض الحبيب المصطفى صلوات الله علية وسلم وفي اطهر بقعة في الوجود ** مكة**
جزاكي الله خيريام القمرين والله كفيت ووفيت ان شاء الله اسويها والموجود عندنا في المدينة يسمى يغمش وهو يعمل في فرن زي التميس ويجي قاسي مو طري زي فرموزة مكة الله يعمرها
والله يجعله في ميزان حسناتك ويعيدك الى مكة في اقرب فرصة
القناعة كنزلا يفنى
أهليييييييييييي يييين عيوني
يا بختك لانك في المدينه....لاني اتزوجت وسبتها
فعشانك من :24: المدينه :24:
وعشاني احب المدينه واهلها
فابشري
شوفي عيوني
عندي طريقة عجينتين لعمل الفرموزه
بعدين ليش ما تاخدي الطريقه من اهلك<<<لقافه صح>>>>>>>فاصل اعلاني فقط لا غير
المهم نرجع لموضوعنا
وتوفيرا للتعب الناتج من الكتابهعلى الكيبورد
ولراحتك
فأبغى اقلك انو في في المدينه وحد اعرفها تبيع العجينه جاااااااااااااا هزه
وما عليكي الا انك تحطي الحشوه حقتك وبس
فاذا تبي رقمها ارسلك هو عالخاص
ترى شغلها مضمووووون ميه في الميه
واهلي دايما يطلبو من عندها
اما اذا مصره تسوي بنفسك
فسوف اقوم بكتابة الطريقه لك في اقرب فرصه
والله يعين
وسلميلي على مدينتي حبيبتي





سويت أنا الفرموزا بس مااضبطت معي فاللي تعرف أنا بإنتظارها!


الساعة الآن 01:24 .