السلام عليكم ورحمة الله وبركاته

كيفكم ؟ ان شاء الله بخير ...


تعرفون الكليجا ؟ اكيد تعرفونها

والله يا إن سالفتنا مع الكليجا سالفه

ماااااااخلينا محل بالرياض يبيع كليجا الا وشرينا منه وبالنهايه كله يطلع عجينته مخلوط بدقيق ابيض , ولا في وسطه مافيه دبس الا شوووووووووي حتى مايمديني احس بطعمه والله تعبنا

حتى امي تقول لنا : اذا كان عندكم إي صديقات قصيميات اسألوهم وين نلاقي كليجا زينه ؟
وسألناهم أغلبهم مايعرفون , بس فيه وحده قالت انها تعرف وحده قصيمية يقالها أم الماضي تصلح كليجا
وقلت لها تعطيني الرقم ورفضت على اساس انها هي بتجيب لنا ببلاش , وامي رفضت قالت مانبي ببلاش ,
واحنا اللي رحنا فيها


وسمعت ان فيه وحده يقالها ام الزويد تصلح كليجا بس دورت على الرقم مالقيته

انا ساكنه بالرياض بس تكفووون يابنات اللي عندها رقم ام الزويد أو ام الماضي , او أي وحده تصلح كليجا زينه رقيقه ومليااااااااانه عسل يقوووطر << موب نفس حقت الرياض المغشوشه

تعطيني رقمها الله يجزاكم خير ..

وربي اللي تعطينا الرقم تسوي خير فينا ..

حتى لو كان مكان الحرمه اللي تصلح الكليجا بالقصيم عادي احنا ندبر المواصلات ,



أنتظركم بنات ,,,







وللرفع
للرفـــــــــــ ــــــــع
لااله الا الله محمدا رسول الله لاحول ولاقوة الا بالله
ايه والله
انا بعد احب الكليجا ومالقيت كليجا زينة
اللي تعرف محل بالرياض تعلمنا الله يجزاها الجنة
انا اعرف الكليجا الوحيده اللي عجبتني وحسيت انها زي كليجا منول شريتها من محطه على طريق الرياض الشرقيه هالمحطه جديده اول ماتبدين تطلعين من الرياض محل اسمه شعبيات القصيم والكليجا عندهم انواع فيه صغار وكبار وكل وحده تختلف اللي مضبوطه تجي في تنكه وحجم الكليجا صغير وسعرها نسيت بس حول الاربعين من زمان ماسيرت عليهم وفيها عسل ومافيها عجين رقيقه شوي وانا احطها بالثلاجه واذا بغيتها حميت لي في المايكرويف ماتتخيلين والله كانها توها طالعه من الفرن شي والله آكل خمس بدون ماحس من لذاذتها


الساعة الآن 08:03 .