السلام عليكم يا بنات
انا وزوجي الحمدلله سليمين .. رحت عند الدكتورة وكشفت عليا وكل شي ،، و قالت ما اقدر غير اعطيكي كلوميد جربيه كم شهر ..
جربته مره وحده خربطلي الدوره وتركته
المهم
رحت عند ممرخة في جدة مدحوها كتييير قلت خليني اجربها
وجات عندي وقالت رحمك نازل عشان تلبسي كعوب عالية دايما
المهم رفعته وربطتني واعطتني نصايح اني ارتاح وما اشيل اشياء تقيلة
وما البس كعوب كتير
وبالفعل ما صرت البس العالي الا في المناسبات السعيدة جدا
وجاتني الدوره تاني وكلمتها تاني وجاتني
وعادت لي الشريط رحمك نازل ولازم ترتاحي
وجات الدوره الخ الخ
لي تقريبا سته شهور على دا الحال
رحت لممرخة تانيه في الخبر
قالت لي نفس الشي .. رحمك نازل .. وحوضك نازل
ورحتللها تلاته ايام رفعتلي الرحم والحوض وربطتني بقوه
دا الشهر الدوره لسه ما جاتني .. بس جات اعراضها اللهم لك الحمد
ابغى اسأل احد ازا عندو خبره
ايش حكاية الرحم النازل دا..؟ اجيب دباسه واشبكه مع المعده عشان يتعدل؟
وايش راحه ما راحه .. انا لو قعدت يوم في البيت ما اسوي شي يجيني اكتئاب والافكار تقتلني .. تبغاني ارتاح شهر كامل
يعني من كتر الشغل اللي باسويه يمكنني العب حديد وانا ما ادري
الله يسعدكم اللي عندها اي نصيحه او خبرة لا تبخل بيها
وان شاء الله ما يعدي دا الشهر الا وكلنا حوامل بإذن الواحد الأحد
يلزم عليك تسجيل الدخول أولًا لكتابة تعليق.
ام طفل1
•
شوفى الرحم النازل يبلة راحة وتنتبهين لنفسك وانا اعرف حرمة تعالج عنةتبين رقمها راسلين على الخاص وهى بالحفر اسمها ام ممدوح ولازم وقت الجماع تحطين مخدة وسادة تحت ظهرك
جزاك الله خير يا عمري ام طفل 1
انا منتبهه لنفسي مرره وجربت طريقة المخده وطريقة ضم الرجلين على جنب على نصيحه اللي مرختني .. وبرضو يرجع ينزل
ميرسيه يا قمر
انا منتبهه لنفسي مرره وجربت طريقة المخده وطريقة ضم الرجلين على جنب على نصيحه اللي مرختني .. وبرضو يرجع ينزل
ميرسيه يا قمر
ام طفل1
•
شوفى بعد الجماع لاتقومين على طول خليك نص ساعة بعدين قومى ولازم تنامين على بطنك والله انى مجربتها
والحمد لله تعدل رحمى وحملت خليها تحطلك الممرخة كاسات هوا
واشاء الله تحملين وتبشرينا
والحمد لله تعدل رحمى وحملت خليها تحطلك الممرخة كاسات هوا
واشاء الله تحملين وتبشرينا
الصفحة الأخيرة