السلام عليكم ورحمة الله وبركاته
صبحكم الله بالخير
الموضوع من زمان كنت بنزله لاني شفت نتايجه بعيني
بس ماكان عندي وقت
تو وانا اقرأ المواضيع كل وحده تبي وتبي وتبي
قلت بنزلكم تجربتي اللي استفدت منها لكني مااستمريت عليها عشاني من النوع الكسول
المهم والله يابنات انا مثلكم بشرتي فيها مشاكل ومافيها حياة ولاصحه شاحبه وباهته
طبعا هذا مو طبيعتها لا لكن تدورن حاله نفسيه سيئه سوء تغذيه سهر <<< دمروني
قررت اهتم بها وجلست احوس واحوس وادور وسويت لي برنامج قلت باستخدمه وفعلا استخدمته تقريبا 4 ايام والله والله والله يابنات حسيت بالفرق حسيت ان بشرتي رجعت لها الحياة
طلع فيها نضاره صرت احب اطالع المرايه بس خفت انضل عمري وخففت
ادري طولت عليكم بس لازم اقولكم ماقبل ومابعد
طبعا الحين تراني وقفت متعيجزه لكن ان شاء الله برجع اسويها
المهم اني لقيت حل لبشرتي
ترا انا بشرتي مختلطه
مدري عاد اذا بتناسبكم والا
اللي تناسبها تدعي لي بالتوفيق دنيا واخره وان الله يرزقني الزوج الصالح وانه يعيني على حفظ كتابه الكريم
البرنامح
سموه برنامج أنوثه
اول شيء استخدمت خلطه خذتها من توليب الله يذكرها بالخير
مغلي قشور الفاكهه (برتقال وليمون) اغليهم في ماء بالكميه اللي تناسبك لحد مايكون لونهم اصفر
خوذي شوي منه واخلطيه مع جوليسليد وحطيهم بعلبه (طبعا بيطله الخليط كريمي زي اللوشن خفيف )
والباقي حطيه في علبه ودخليه بالثلاجه عشانه لو جلس برا بيخرب
ثاني شيء ماء ورد بارد حطيه في بخاخ
وحطي مكعبات ثلج (موية ورد مثلجه )
طبعا الكريم (الجوليسليد ومغلي القشور ) حطيه قبل النوم
مغلي القشور امسحي وجهك بقطنه مبلوله فيه
موية الورد اللي في البخاخ رشيبها وجهك مرتين او ثلاث باليوم ولاتغسلينه بعدها خليه
مكعبات مويوة الورد المثلج مرريها على وجهك لحد ماتذوب مره او ممرتين باليوم
الحركه الاخيره واتوقع ان السر فيها
انا صرت اكل خياره يوميا وقبل مااكل اخذ قطعها منها وامسح بها وجهي واخليها اطول فتره ساعه نص ساعه ساعتين يعني اجلس اتصفح النت او اسوي اي شيء
ونفس الحركه اسويها بالبرتقال اخذ قطعه وامسح بها وجهي واخليها اطول فتره وبعدين اغسله
وصرت احاول اشرب مويه كثير
وهذا برنامجي اتمنى انه يفيدكم
وبأذكركم بشيء اسااااااااااااااسي
اهم شيء يابنات الرااااااااااااااحه النفسيه هي اللي بتعكس وسعوا صدوركم وانسوا الهم ترا كل واحد عنده هموم بس لاتخلونها تأثر عليكم قولوا الحمدلله وطنشوااااا
طلب اخير
ياليت يابنات اللي تجرب برنامجي تدخل هنا وتذكر تجربتها ووش لاحظت
لاتنسون تدعون لي
حطام أنثى @htam_anth
عضوة فعالة
يلزم عليك تسجيل الدخول أولًا لكتابة تعليق.
هتــــان القلــــوب
•
ألف شكر والله يعطيك العافيه
الله يرزقك ربي الزوج الصالح يارب وصح لسانك كل الي ذكرتيه مفيد وصحي للبشره وتشكراتي لكي
الصفحة الأخيرة