السلام عليكم

الله يسعد صباح/ مساء حبيباتي بنات حواء.. وربي أحبكم في الله.. ربي لا يحرمني منكم

في نيتي اسوي مشروع محل هدايا وتغليف هدايا وزهوز لو أمكن.. راس مالي مبدئياً 50 الف قابل للزيادة،
لكن المشكلة ما عندي أي خلفية أو فكرة،

يا ليت اللي عندها خبرة أو فكرة ولو بسيطة عن من وين ممكن ابدأ،، يعني أبغى خطة عمل لو مختصرة
ولو فيه موضوع أو موقع عن كيفية استخراج السجل التجاري؟؟ كم يكلف؟؟ كم ياخذمدة؟؟

أجارات المحلات قد ايش تكلف شمال أو شرق الرياض؟؟؟؟ قد ايش تكلف إذا كانت في مول؟؟؟
هل يكفيني كشك ؟؟ قد ايش اجارها؟؟؟

وبالنسبة للمشرف على المحل هل ممكن احصل من أبناء البلد<< أختكم من مؤيديين السعودة
وكم ممكن يكفيه راتب؟؟ ولو ما حصلت قد ايش تكلف الفيزة وكم رح يكون الراتب

وبالنسبة للبضاعة من وين ممكن احصلها؟؟ السويلم مثلاً؟؟؟
وبالنسبة للأدوات الفنية مثل آلة الحرق والحفر على المداليات والشغلات هذي من وين؟؟
يالله حقات التربية الفنية وينكم؟؟
إذا فيه بنات في الرياض ممكن يشتغلون معي في السوالف هذي وشغلات أنا مستعدة اشتغل معهم بالعمولة..
وبرضو شغلات التوزيعات حقت المواليد ولاأعراس والمناسبات إذا فيه أحد ممكن يوفري لي بالجملة وبأسعار حلوة انا مستعدة اشتري منها؟؟


امممممممممممممممممممم
وش بعد؟؟

اظن هذا كل اللي عندي

الله يرزقها ويوفقها من غير حساب اللي تساعدني
10-04-1430 هـ, 05:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صراحه المشروع فكرته حلوه

وماشاء الله لوتضيفي عليه تنسيق افراح وتكوني فريق نسائي كمان بيكون احلى

لاننا بحاجه لمثل هالمشاريع

ولوحابه يالغاليه اوفرلك توزيعات المواليد بسعر الجمله حاضرين باي وقت

دمتي بخير
10-04-1430 هـ, 06:40 مساءً
 
موفقه
10-04-1430 هـ, 07:17 مساءً
 
مرحبا هايدي

فكرة تنسيق الأفراح حلوة بس تحتاج تفرغ، وانا عندي وظيفة ومسؤوليات ثانية، وما اعارض الفكرة لكن ودي ابدأ بداية صغيرة وقوية حتى اقدر اركز،،
يسلمو على الفزعة
ودي اسألك لو أعطيك افكار هل ممكن تنفذينها لي؟؟

وان شاء الله رح تكوني بالبال إذا بديت مشروعي ان شاء الله
ورح اعمل لك كتلوج،، آمري بعد

منورة الموضوع يالغلا
10-04-1430 هـ, 07:37 مساءً
 
هلاحبوبه

من خلال خبرتي

الهدايا يبيلها شخص دكوريشن يعني بنت او ريال بس يكون عارف بالهدايا

مواى شخص عادي مابينعفج

ثاني شئ اشوف كوشك كبدايه احسن لج

لان الفن صاير مهنة لامن مهنة له يعنى الهدايا والتوزيعات الكل يشتغل فيها والناس تبي الرخيص

بعيد عن النوعيات والشغل واللى اخر

ام عن البضاعه اذا حابه حنا عندنا مستودعات اترسلج محلج بالجملة
10-04-1430 هـ, 07:53 مساءً
 


الساعة الآن 10:21 .