منظمات البازارات

يسعد صباحكم اخواتي


عندي اقتراح وحبيت اوصله لمنظمات البازارات ,, واللي لها علاقه بمنظمات يالقيت تقولهم ع الفكره
وان شاء الله الفائده بتكون لنا ولكم :)


حسب اللي شفته في البازارات الاسعار تكون غاليه شويات على أكثر التاجرات
أنا ما اقول الغلط منكم لا أبد ,, انتوا ماقصرتوا الله يعطيكم العافيه ,, وأنا عارفه ان الاسعار ماتحطونها عبث

وكثير من التاجرات ودهم ببازارات يقدرون يستفيدون منها ,, وانا منهم


فكرتي هي
وش رايكم بتنظيم بازار ويكون قيمة الاجار حسب نسبة المبيعات وتكون النسبه تقريبا من 15 الى 20 %


هالحركه قالت لي عليها وحده من صديقاتي ,, كانت مشاركه في بازار بالنسبه وتقول لما خلص البازار كل وحده شافت كم اللي باعته وعطتهم حسب اللي باعت ,, وماشاء الله كلهم طلعوا من البازار مبسوطين ,, اللي باعت استفادت ,, واللي ماباعت ما اخسرت


وهم من البدايه متفقين ان كل وحده تقول الصدق كم باعت ,, وربي بيحاسب كل وحده (( والمسلمين على شروطهم ))



ان شاء الله تكون الفكره اعجبتكم ,, والقى احد يطبقها ,, بالذات بالرياض << عشان لايروح تعبي ع الفاضي ;)


وابي اعرف راي الكل ,, واللي عندها اي اقتراح تضيفه ,, عشان نتسفيد


واللي بتسوي بازار كذا ياليت تعطيني خبر ,, وبإذن الله راح اشترك معها اذا كان الوقت مناسب :)



وبالتوفيق للجميع يارب



اختكم ,, عنوده