هلا بنات اليوم بكتب لكم طريقه اللوز مع السكروهو ماهو شي
جديد بس له استعمالات كثيره وطريقته سهله وهو اللوز اللي يكون مكسر
ومحمص مع السكر المحروق.

الطريقه.
ممكن تسوين مقدار كبير وتحتفضي فيه بالثلاجه .
كاس لوز له كاس سكر يعني لو حطيتي ثلاث كاسات لوز يكون لهم ثلاث
كاسات سكر وكله حسب الكميه اللي تبين
المهم جيبي كميه من الوز وتكون غير مقشره يعني عليها القشر البني
خوذي شوي ودقيه با النجر لين يتكسر كسر وسط وعبي منه مقدار كاس
وخوذي كاس السكر وحطيه في صينيه تيفال دائريه وحركي لين يذوب
السكر ويكون لونه بني فاتح زي سكر الكريم كارميل وبعدين
رشي عليه الوز وانتي تحركين وقصري على النار حركي لين
تطبخ الخلطه و شمي الريحه الجنان .
المهم تكوني مجهزه من قبل صحن معدن كبير حسب الكميه او
صحن استيل اوصينيه تيفال كبيره.
بعد ماتطبخ الخلطه شوي بس شيليها عن النار بحذر ونتبهي
على يدينك صبيها في الصحن شوي شوي وممكن احد يساعدك
انتي تصبين وهي تفرش الخلطه في الصحن وتوزعها بس
انتبهي تراها حره جدا وخليها تبرد تصير قطعه وحده جامده بعد ماتبرد
قشعيها من الصحن وكسريها تطلع معك بسهوله خوذي كسره كبيره
ودقيها با النجر مره ثانيه ولاتصغرين التكسير مره خليها وسط
اوكسر صغيره وكسر وسط وحطيها با علبه وحطيها با الفريزل لين
تحتجينها ولا تذوقينها ولا بتكلينها كلها قبل ما تحطينا با لفريزل
وهي سهله بس الشرح طويل ولها استعمالات كثيره بقولكم على
بعظها

البقيه في العدد القادم


عوافي على قلوبكم

اللهم اسكن أخي الفردوس الاعلى من الجنة وجمعنا به في جنات النعيم
ممكن تسوين كيكه عاديه بعد ما تنتهي من الفرن وهي حاره ترشين على
الوجه جوز هند وبعدين من الوز اللي سويتيه وتغطين الكيكه بشي يكتمها
مده ربع ساعه لين يذوب الوز شوي وممكن ترشين شوي توفي عليهايميميم
ون كان الكيكه بارده بعد ما ترشي جوز الهند والوز دخليها الفرن من فوق شوي
لين يذوب سكر الوز شوي وطلعيها ورشي التوفي وكولي ودعيلي

يتبع

عوافي علي بطونكن
اللهم اسكن أخي الفردوس الاعلى من الجنة وجمعنا به في جنات النعيم
اللـــــــــــــــــــه وش ذا الريحه !
تخيلت اني مزينتها
الله يعطيك العافيه على هذه الافكر0
وممكن تسوين منه حلى عشاء
تسوين خلطه ( دريم ويب -حليب سائل-قشطه -نسكافيه - كاكاو بودره )
وتجيبين الصينيه الدائريه اللي تفك جوانبها وتحطي طبقه من الخلطه
وطبقه من البسكوت المغطط با الحليب حلوه المغطط بس اظن فهمتوني
وتحطي طبقتين بسكوت - دريم ويب -بسكوت - دريم ويب بعدين طبقه لوز من اللوز بالسكر
وتكرري طبقات البسكويت والدريم ويب واخر طبقه تكون من الدريم ويب
وتحطي فوقها طبقه من اللوز المسكر وكثري منها تعطي شكل جنانننننننننننن
حطيها با الثلاجه مده طويله وبعدين فكي وكولي يميميميميم
اللي عندها افكار للوز تقول لنا

ها المره عاد با العوافي علي كروشكن
اللهم اسكن أخي الفردوس الاعلى من الجنة وجمعنا به في جنات النعيم
طريقه حلووووووووه

تسلم هاليدين يارب

الله يعطيك العافيه عيوني
يارب ترزقني الذريه الصالحه


الساعة الآن 06:28 .