Analysis Services
السلام عليكم يابناااااات ياحبوبات

بدخل في الموضوع على طووول

انا اللي يسلمكم اشتريت آلة الكابتشينو

وقريت الكتالوج كامل وفهمته بس لما جيت اعمل كابتشينو ماضبط معي

وماطلع لي رغوه ابدا شيء بسيط لايذكر

يعني انا ابي رغوووه كثييييييييييييييفه مثل اللي نشتري من المقاهي

الطريقه ومافيها

انه اضع في خزان المياه كميه معينه

والنسكافيه في مكان ثاني بحيث انه ينزل على الكوب !!

والحليب في آلة التبخيير علشان يطلع لي رغوه

ومكتوب في الكتالوج ضع حليب مقشود من الثلاجة وحطيت الحليب

لكن لما صبيت القهوه وبعدين صبيت في الكوب الحليب البارد ماطلع لي رغوه ابد ابد

وش الحل ؟؟؟؟

والآله مو رخيصه غاليه بس ماعرفت استخدمها

اللي تقدر تساعدني وتدلني على طريقتها وكيف الطريقه الصحيح

والله لاادعي لها الله يوفقها دنيا وآخره يارب


تحياتي
مشاعر نجد
14-02-1425 هـ, 01:26 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اسمحى لى حبيبتى مشاعر بنقل الموضوع
وننتظر مشاركتك فى القسم
15-02-1425 هـ, 03:11 صباحاً
 
انا صار لي مثلك بالضبط
وخليت الماكينه قريب السنه ما قربت منها
وبعدين اكتشفت الطريقه وصرت ما ارفعها من على المجلى
بس خليني اتاكد اول هي نفس اللي عندي ولا لا

هي المفروض انها تسوي القهوه (اكسبرسو)من جهه ومن الجهه الثانيه تطلع بخار يسخن الحليب ويسوي فيه رغوه وبعدين تخلطينهم مع بعض وترشين الكاكاو من فوق

بس المشكله ان القهوه تنزل بسرعه وما يمدي الحليب يسخن

صح ولا انا غلطانه
17-02-1425 هـ, 02:43 صباحاً
 
بسم الله الرحمن الرحيم
اختي
راح اعرض عليك تجربتي
من فتره شاهدت اعلانات عن مثل هذه الاله وسعرها المنخفض -300 - ريال تقريبا
فاخذت منها واحده لها عين وحده مثل مايقولون
يعني تظهر لك القهوه من فتحه واحده
ولها مخزن ماء حجمه تقريبا 300 ملل
ولها انبوب حديدي لاخراج البخار كما يقال ///-- اي بخار واي بطيخ
وطريقتها
تضعين الحليب في الكوب ثم تعرضينه لانبوب البخار علشان تظهر الرغوه
وحتى كتابة هذه السطور ماظهر الا هواء خفيف والسبب
ان هذه الاله وشبيهاتها زباله
مجرد لعب على الناس
والدليل ان حجم خزان الماء صغير ونحن نعلم ان سبب البخار هو الضغط الخارج من الخزان هذا بقوه فيتحول الماء الساخن الي بخار
لكن الحاصل غير هذا
وماراح اتكلم عن القهوه الخارجه منه لانها ماهي بعيده عن الرغوه
الزبده
سالت عن نفنس الجهاز ولكن عن الماكينه التي اشاهدها في محلات الكوفي
فوجدت منها نوع شخصي في اليورومارشيه سعره 2900
نعم الفان وتسعمائه ريال
شوفي الفرق !!
والحجم ا كبر قليلا ولكن الفرق في قوة الضغط ودفع الماء
وطبعا ماشتريته
وحصلت ايضا محل يبيع ادوات محلات الكوفي والمطاعم يوجد فيها الات مشابهه ولكن الفرق بعدد العيون
العيون= اليد التي تخرج منها القهوه
وبعضها به خزان ماء للضغط والبعض الاخر موصل مباشره بشبكة الماء عبر انبوب ماء
يعني ضخمه-لها 4-6 عيون - وضغط الهواء لعمل الرغوه كبيييييييييييييييييييير جدا ونفس مانشاهده في المحلات
الزبده
كان هدفي هو عمل كابتشينو منزليه بطريقه صحيحه
وجدت ان الموضوع خسران
فانا استهلك كوب واحد في الشهر-- لاني ماحب القهوه كثير ولكن منظرها يغري
وسعر الكوب اذا ضرب في العالي واقلع بدرجة الا9فق بيوصل ل 15 ريال
وقيمة ارخص اله هو 4500 ريال(4500- حتى 1600
فبحسبه بسيطه اجد اني راح اشرب 300 كوب بقيمة هذه الاله على مدى 25 سنه!!!!!!
اذا ايهما الارخص؟
طبعا شراء الكوب ولو وصل سعره ل20 ريال
(قسمنا 4500 على سعر الكوب 15 ريال ثم قسسمنا الناتج على 12 عدد اشهر السنه فوصلنا لعدد السنوات الي راح اشرب فيها الكابتشينو)
وانت استخدمي نفس الحسابات هذي وبتمسكين راسك (اقل عدد سنوات ممكن قبوله هو 3 سنوات وليس 25)

عموما
هناك طريقه سمعتها من بعض الصديقات ومجربه للحصول على الرغوه والقهوه الحلوه
اصنعي قهوه نسكافيه مثلا وضعيها مع الحليب كامل الدسم - مثل السعوديه - في خلاط العصير لمدة نصف دقيقه وفورا تظهر لك رغوه وقهوه مخفوقه باختصار شديد

وحصلتي على ماتريدين ببساطه
وجبر الله عزاك في مصابنا ومصابك في الله المضروبه الملعوب علينا بها

اشكر لك صبرك للقراءة ولكن احببت نقل خبرتي لك كامله للفائده
يارا
17-02-1425 هـ, 07:09 صباحاً
 
هلا غاليتي مشاعر نجد
أنا عندي ماكينة تحضير قهوة الأكسبريسو و اسمها كروبسkrups
و تحتوي على صفيحة صغيرة بحجم الفتحه التي تخرج لك القهوة
فاذا كانت عندك هذه الصفيحه هي اللي بتساعدك في الرغوة
و الطريقة انك بعد ما تسوين القهوة و تصبينها بالكوب مباشرة فكي اليد اللي تحطين فيها البن و ضعي بدالها الصفيحه فهمتي يعني ماراح يصب شي و طبعا عبي الماكينة بالماء و شغليها لين تغلي و لمن تسمعين الغليان تكونين صابة حليب على نفس القهوة و بس غطسي الأنبوب داخل الكوب بس شي بسيط وفكي صمام الأنبوب عشان يمر البخار .
وان شاءالله تتكون لك الرغوة>>>أنا ماشية على هالطريقة و ضابطة معي
19-02-1425 هـ, 10:48 صباحاً
 


الساعة الآن 07:54 .