يا بنات وفروا سعر الجهاز ............................

والله ان اطعم كابتشينوا اللى اذوقه مع زوجى ................

من الكوفى شوب ليه تغلبين نفسك اطلعى تمشى انتى

وابو العيال واطلبوا كابتشينو واشربى وتمتعى ..................

يكفينا الطبخ والنفخ هالمره عليهم .....................

وللاسف ان سعر الجهاز غالى ماقدرت اشتريه...............

واخاف اجيبه وياخذها زوجى عذر ما يطلعنى اتقهوا.....................
bTh

أهداء لاأغلي الحبايب عذوووبه
اختي ام علاء ولا يهمك شوفي المكان المناسب المهم الاقي ردود


اقتباس مشاركة
المشاركة الأصلية كتبت بواسطة قدس
انا صار لي مثلك بالضبط
وخليت الماكينه قريب السنه ما قربت منها
وبعدين اكتشفت الطريقه وصرت ما ارفعها من على المجلى
بس خليني اتاكد اول هي نفس اللي عندي ولا لا

هي المفروض انها تسوي القهوه (اكسبرسو)من جهه ومن الجهه الثانيه تطلع بخار يسخن الحليب ويسوي فيه رغوه وبعدين تخلطينهم مع بعض وترشين الكاكاو من فوق

بس المشكله ان القهوه تنزل بسرعه وما يمدي الحليب يسخن

صح ولا انا غلطانه

اختي قدس صح كلامك
مثل طريقة اللي عندي
بس المشكله دورت على قهوه اكسبرسو مالقيتها يعني مثلها بديل
عطوني قهوه اسمها (ماكسويل هاوس)
يقولون هذي اللي يستخدمونها المقاهي للكابتشينو !!

اختي قدس استعملتها وحطيت القهوه
والحليب الاحظه مايسخن بفعل البخار مدري ليه
يعني مره جربت احط حليب بارد من الثلاجه
يطلع لي مثل ماهو
ومره حطيت حليب حار يعني سخنته وحطيته بس مايطلع لي رغوه في
كل الحالتين مدري ليه تعقدت
مع اني انتظر ليما يسخن شوي من البخار نفس الشيء

الله يجزاكي خير يارب ويوفقكي آمين
ياليت ترشديني للطريقه الصح والله احترت مع هالماكينه !!
-------------------
اقتباس مشاركة
المشاركة الأصلية كتبت بواسطة يــارا
بسم الله الرحمن الرحيم
اختي
راح اعرض عليك تجربتي
من فتره شاهدت اعلانات عن مثل هذه الاله وسعرها المنخفض -300 - ريال تقريبا
فاخذت منها واحده لها عين وحده مثل مايقولون
يعني تظهر لك القهوه من فتحه واحده
ولها مخزن ماء حجمه تقريبا 300 ملل
ولها انبوب حديدي لاخراج البخار كما يقال ///-- اي بخار واي بطيخ
وطريقتها
تضعين الحليب في الكوب ثم تعرضينه لانبوب البخار علشان تظهر الرغوه
وحتى كتابة هذه السطور ماظهر الا هواء خفيف والسبب
ان هذه الاله وشبيهاتها زباله
مجرد لعب على الناس
والدليل ان حجم خزان الماء صغير ونحن نعلم ان سبب البخار هو الضغط الخارج من الخزان هذا بقوه فيتحول الماء الساخن الي بخار
لكن الحاصل غير هذا
وماراح اتكلم عن القهوه الخارجه منه لانها ماهي بعيده عن الرغوه
الزبده
سالت عن نفنس الجهاز ولكن عن الماكينه التي اشاهدها في محلات الكوفي
فوجدت منها نوع شخصي في اليورومارشيه سعره 2900
نعم الفان وتسعمائه ريال
شوفي الفرق !!
والحجم ا كبر قليلا ولكن الفرق في قوة الضغط ودفع الماء
وطبعا ماشتريته
وحصلت ايضا محل يبيع ادوات محلات الكوفي والمطاعم يوجد فيها الات مشابهه ولكن الفرق بعدد العيون
العيون= اليد التي تخرج منها القهوه
وبعضها به خزان ماء للضغط والبعض الاخر موصل مباشره بشبكة الماء عبر انبوب ماء
يعني ضخمه-لها 4-6 عيون - وضغط الهواء لعمل الرغوه كبيييييييييييييييييييير جدا ونفس م****هده في المحلات
الزبده
كان هدفي هو عمل كابتشينو منزليه بطريقه صحيحه
وجدت ان الموضوع خسران
فانا استهلك كوب واحد في الشهر-- لاني ماحب القهوه كثير ولكن منظرها يغري
وسعر الكوب اذا ضرب في العالي واقلع بدرجة الا9فق بيوصل ل 15 ريال
وقيمة ارخص اله هو 4500 ريال(4500- حتى 1600
فبحسبه بسيطه اجد اني راح اشرب 300 كوب بقيمة هذه الاله على مدى 25 سنه!!!!!!
اذا ايهما الارخص؟
طبعا شراء الكوب ولو وصل سعره ل20 ريال
(قسمنا 4500 على سعر الكوب 15 ريال ثم قسسمنا الناتج على 12 عدد اشهر السنه فوصلنا لعدد السنوات الي راح اشرب فيها الكابتشينو)
وانت استخدمي نفس الحسابات هذي وبتمسكين راسك (اقل عدد سنوات ممكن قبوله هو 3 سنوات وليس 25)

عموما
هناك طريقه سمعتها من بعض الصديقات ومجربه للحصول على الرغوه والقهوه الحلوه
اصنعي قهوه نسكافيه مثلا وضعيها مع الحليب كامل الدسم - مثل السعوديه - في خلاط العصير لمدة نصف دقيقه وفورا تظهر لك رغوه وقهوه مخفوقه باختصار شديد

وحصلتي على ماتريدين ببساطه
وجبر الله عزاك في مصابنا ومصابك في الله المضروبه الملعوب علينا بها

اشكر لك صبرك للقراءة ولكن احببت نقل خبرتي لك كامله للفائده
يارا





اختي يارا
اولا اشكرك الف شكر والله من جد وانا اقرا كلامك والله مسكت راسي
والله كل هذا يلعبون علينا واحنا ولا عارفين !!
وحساباتك صراحه والله شيء خطير

اولا اذا كانت بحدود 3000 ريال مالها داعي اصلا نشتري الماكينه
نشتري من المقاهي ارخص !
واللي يحط الماكينه في مقهي بيطلّع قيمتها وزياده لكن اللي يستعملها في البيت
والله ماراح يستفيد منها اي شيء !! خصوصا اذا كانت بحدود هالسعر ومايشرب الا كوب واحد في الاسبوع
او كوبين في الاسبوع !!
يعني خساير على الفاضي

انا مو قاهرني في هالاله انها ماتطلع رغوه ابدا !!
يعني بخار على الفاضي "وبخار عادي " مو وظيفته االا يطشر الحليب على الطاوله
ولا رغوه ولا يحزنون

واللي قاهرني كرتون الماكينه فيها صوره كوب كابتشينو رغوته ارتفاعها 3 سم
يعني مظهر يغري انه تشتري الماكينه بس في االاخير طل
مالنا الا نسوي الكابتشينو اليدوي !
يعني الحين حاطه الاله على الطاوله تحفه .. خسارا والله

مشكوره اختي يارا على الرد وماقصرتي وربي يعطيك على قد نيتك ويوفقك يارب دنيا واخره

اقتباس مشاركة
المشاركة الأصلية كتبت بواسطة ماءالتسنيم
هلا غاليتي مشاعر نجد
أنا عندي ماكينة تحضير قهوة الأكسبريسو و اسمها كروبسkrups
و تحتوي على صفيحة صغيرة بحجم الفتحه التي تخرج لك القهوة
فاذا كانت عندك هذه الصفيحه هي اللي بتساعدك في الرغوة
و الطريقة انك بعد ما تسوين القهوة و تصبينها بالكوب مباشرة فكي اليد اللي تحطين فيها البن و ضعي بدالها الصفيحه فهمتي يعني ماراح يصب شي و طبعا عبي الماكينة بالماء و شغليها لين تغلي و لمن تسمعين الغليان تكونين صابة حليب على نفس القهوة و بس غطسي الأنبوب داخل الكوب بس شي بسيط وفكي صمام الأنبوب عشان يمر البخار .
وان شاءالله تتكون لك الرغوة>>>أنا ماشية على هالطريقة و ضابطة معي



اختي ماء التسنيم
مشكوره على ردك وربي يوفقك


الماكينه اللي عندي مختلفه شوي لونها اسود
مكتوب عليها
coffe firenze
cappuccino
patented
والصفيحه اللي قلتي عنها وين موجوده مااعتقد انه في عندي مثلها !!

انا اضع في يد القهوه ملعقتين من القهوه بعدين بعد مايفتح النور الماء خلاص صار جاهز
تنزل المويه على القهوه للكوب في جزء من الكوب
بعدين انتقل لأنبوب الحليب واصب الحليب ويكون الانبوب داخل بس اللي يحصل معي انه يطشر الحليب علي
يعني لارغوه ولا شيء


المشكله اني فاهمه طريقته تمام بس لما اجي اطبقها ماتضبط مدري ليه !!



اختي مشاعر نجد
انا الماكينه اللي عندي من بلاك اند ديكر وهي مكينة لصنع الاسبريسو والكبتشينو
وجاي معاها مصفاه صغيره تنحط فيها القهوه وابريق صغير لتجميع القهوه

لازم تستخدمين كوبين واحد للحليب وواحد للقهوه او تستخدمسن ابريق القهوه اللي جاي مع الماكينه
وتعرضين الحليب للبخار اثناء ما تستوي القهوه يعني في نفس الوقت ينزل البخار ويسخن الحليب ويطلع الرغوه
طبعا هذا يستلزم ان القهوه تنزل شوي شوي اذا نزلت بسرعه ما في فايد

وهنا يعتمد على نوعية القهوه لازم تكون مخصوصه للماكينه يعني اذا حطيتي قهوه سريعة الذوبان راح تنزل بسرعه وما يكون عندك بخار ولا شي نفس الشي اذا كانت خشنه مثل ماكسويل هاوس
انا استخدمت قهوه من بن بايوني وشريتها من التميمي وعليها استيكر انا مخصوصه للماكينه
اتوقع ان الشركات الثانيه عندهم منها بس تاكدي انها للماكينه و اهي شكلها زي القهوه التركيه يعني ناعمه بس ما تذوب

المهم عندك الحليب سخن والرغوه عبت الكاس (ولا طرطش برا لانه كان مو مليان)
الحين تضيفين القهوه بشويش وتقدمينها مع الاضافات اللي تحبينها

****لله اني قدرت اوصل لك المعلومه واي سؤال انا حاضره


الساعة الآن 02:12 .