اخواتي اكتبوا طرق تصليحكم للكنافه بالصور ان امكن واحسن انواع الكنافه الطريه واماكن بيعها الله يرزقكم ماتتمنون
12-04-1430 هـ, 06:18 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صباح الخير ..


بكتب لك طريقتي في الكنافه بس بدون صور لإن ماعندي صور ^_^


اول شي :


اخذ العجينه من ( سعد الدين ) اطلبها قبل بيوم اما في رمضان الله يبلغناه فهي موجوده باستمرار..


افككها وبعدين افركها بزبده سايحه واحط معها شوي سكر بودره ..


بعدين افرش جزء منها في الصينه واضغطها زين واجيب صينيه اصغر حجم من الصينيه


اللي فيها الكنافه واضغط بها زيااااده ..


بعدين احط على الكنافه قشطه طازجه مثل ( الصافي او المراعي ) او اي شركه تقريبا احط 4 علب


واغطيها باالجزء الثاني من الكنافه واضغطها زين ..


ارش على الوجه زبده وادخلها للفرن حتى تتحمر من تحت وفوق ..


اقلبها في صحن التقديم واسقيها شيره ( إذا الكنافه ساخنه الشيره بارده والعكس )


ازينها بفستق مجروش اخذه ( من سعد الدين برضو )


واقدمها ..


وطعمها خيااااال ( مو مدح لنفسي بس جربي وشوفي )
12-04-1430 هـ, 06:42 صباحاً
 
مشكوره اختي الغلا باين من طريقتك انها لذيذه تسلمين
12-04-1430 هـ, 07:01 صباحاً
 
شوفي يالغالية مو مدح في نفسي انا مشهورة عند اهلي بالكنافة وطريقتي في البداية لازم تكون الكنافة طازجة انا آخذها من المخابز اذوب زبدة تقريبا اصبع وابدأ افك الكنافة وأفككها زيييييييييييييييييييييييييين واحط الطبقة الاولى في الصينية واضغطها زيين واحط عليها قشطة قيمر(4حبات اذا صغار واذا كبار حبتين) واخلطها مع فنجان قهوة سكر واحطها على الكنافة واحط الطبقة الثانية واضغطها وارش قليل من الزبدة وادخلها الفرن من تحت فقط واهم نقطة لصلاح الكنافة ماتشعلين النارمن فوق اذاستوت من تحت تخرجينها وتقلبينها في صحن وترجعينها في الصينية بحرص وتدخلينها الفرن تستوي تخرجينها تصبين الشيرة وتغطينها على طول لمن تبرد وبالعافية وابشري بس اسويها اصورها لك ان شاءالله.











ا
12-04-1430 هـ, 07:39 صباحاً
 
انا عاد كنافتي مو من المخابز
اخذ السنبله
وجدا تطلع لذيذه
اذوبها وافركها بسمن مازولا
واضغط نص الكمية في صينيه متوسطه
وادخلها الفرن من فوق بس تاخذ لون
بعدين اطلعها واحط علبتين قشطة ندى << مرررة ممتازة للكنافه
واحط الطبقة الثانيه من العجينه
وادخلها الفرن من تحت
واذا احمرت اطرافها ومن تحت
اولع الشوايه على نار متوسطه واتركها تتحمر
وتاخذ لون موحد
اسوي الشيره غليظه شوي
واصبها على الكنافة مباشرة
والشيرة تكون فاترة والكنافه حااارة
وتطلع شي جناااان ^^

موفقة
12-04-1430 هـ, 08:25 صباحاً
 


الساعة الآن 10:31 .