اختي بسبوسه فعلا لفتت انتباهي طاولات الخدمه المشغوله تنفع بمجالس تكون طاولاتها الاساسيه من الزجاج وهذا ماهو متوفر عندي ......ا
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
(بسبوسه الحلوه )و(اجوديه )الله يجزاكم خير كيف طاولات الخدمه اللي قلتوا عنها يعني اشرحولي كيف ابي طاولات مميزه ووش قصدكم مشغوله ، هل تقصدون فضي والا ذهبي والا برونزي؟؟ لاني ابي برونزي ولا حصلت وبنفس الوقت ابي فخمه مرررررره ما ابيها عاديه ؟؟؟؟وهل تستاهل المبلغ اللي قلتي عنه بسبوسه والا لا؟؟..........انتظرك م عزيزاتي................ ......
والله صراحه هو محل غالي بزود بس المشكله انها جدا مميزه....وانا ما شفت مثلها عموما هي اشكال...فيه قزاز او بلاستك متين وعليه مثل الاحجار الكريمه حمرا ...3 طاولات مع الاستاند حقها يعني مو تحت بعض.... لا هي تتدخل في الاستاند...وفيه خشب وبرونزي...مستطيل ومدوره...وفيه شي اعجبني كثير طاولات مدوره بني غامق مرسوم عليها مثل المداخل المصريه بس تحسينها انظف شغل وانقع....العاده تكون طاولات الخدمه خشب ساده او بلاستك بس هذا المحل معطي طاولات الخدمه حقها ...انا لو بشتري صراحه بتردد شوي لانها غاليه او بروح لمحل( آد) قبال المملكه وموجود في صحارى بلازا اخر صفه محلات الجزم الله يكرمك...عنده طاولات خدمه الي تكون كبيره وسط صغيره وتحت بعض....حلوه بعد وب 1500ريال..تقريبا... لى فكره محل الفخامه طاولات الخدمه بحد ذاتها تحفه ويمكن تكون ارخص من السعر الي قلته لاني سألت عن نوع واحد بس.:24: ...... وأظن ان الطاولات الي فيه احجار كريمه معاها طقم صواني ....الخ او على الاقل تناسبها.....اذا ميزانيتك كويسه صراحه اشتريها
بسبوسه الله يجزاك خير على الرد وأنا ما عندي أي تردد أني أشتريها بالسعر اللي قلتي اذا يبين عليها ( يعني سعرها فيها) خاصة الاثاث لانه بيقعد عندي 10 الى 15 سنه أبي شي فخم ومميز وأعتقد أني فهمتك غلط لما قلتي طاولات خدمه لأنك تقصدين الطاولات الثلاث اللي تحت بعض أنا راح بالي للطاولات النقاله ( اللي تحطين عليها الأكل أو الشاي والقهوه أو العصير ) ولها كفرات تنقلينهم فيها سواءا لغرفة الضيوف أو للبيت نفسه، واذا عندك فكره عن اللي اقصده وتعرفين محلات بالرياض عندكم دليني عليها الله يعافيك لأني من الشرقيه ولا اعرف شي في الرياض وعندنا ما لقيت شي مميز أو فكرته جديده.................... ..ومحل الفخامه وينه عن طريق الأمير عبدالله لأنه الشارع الوحيد اللي حفظته أثناء زيارتي للرياض وحابه أجي قريب واذكريلي محلات غير الفخامه بعد وفخمه ومميزه .............اعتذر على الاطاله................ ..تحياتي لك عزيزتي
السلام عليكم ........اختي ملح الحياه اكيد طاولات الخدمه المتحركه موجوده في كل المحلات السابقه لكن ماأقدر اقولك كيف شكلها لاني ماركزت عليه (كان ودي افيدك) .........
__ استكمال للجوله في محلات الفضيات والهدايا رحت للهديه في الثلاثين وبغيت اموت قهرلاني لقيت طقومهم نفس طقوم العبد الوهاب بس وفيه اشياء احلى بعد لا ويوم مريت على فرعهم اللي على طريق الملك فهد جنب ياسمين قال اسويلك خصومات اضافيه (((((((((استفيدوا من هالتجربه)))))))) رحت لونوتر مالقيت فضيات مادري يابسبوسه متى انتي شايفه الصواني اللي قلتي عندهم ......رحت بستاشيو لفتت انتباهي هدايا المواليد بصراحه فيه شغلات مره حلوه وراقيه وتحسفت اني ماقد اخذت من عندهم .....اخر شي فيه محل لااااااايفوتكم اسمه الفريد جنب الهديه في الثلاثين بصراحه عنده اشياء حلوه ومميزه ومن ضمنها طاولات الخدمه الثلاث ((بالاصح يبيعها اربع)) والله حلوه وسعرها معقول نصف سعر الفخامه((مشابهه لها بس اقل فخامه وشغل))
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه


الساعة الآن 08:47 .