الله يوفقك ياقلبي وفيه الكستم او ازياء الاطفال اهم شي من النت تلاقيها
يووووووه كثير الأشياء اللي لازم تعرفيها
عندك أولا الكاميرات اللي من نوع كانون d400 أو d450 أو النيكون وعدسات الزوم ويكون فتحة عدسة كبيرة وصغيرة و سرعة الغالق ممتازعشان تصوير الأطفال و فلاتر الكاميرا اللي تساعد على تصفيه الصورة وهذي لها أنواع كثيره
ثانيا عندك الأضاءة و أهم شيء العواكس والسوفت بوكس وهذي كلها تحصلينها عند محلات الحارثي في البطحاء لمعدات التصوير
ثالثا و الأهم الخلفيات حقت التصوير ,, عندك خلفيات القماش المعتقة للتصوير الشخصي و خلفيات الأطفال عاد هذي على حسب اللي تحبينه وخلفيات البنات اللي متخرجين مثلا مكتبه وعباية تخرج والقبعة تكونين موفرتها
رابعا ,, الطابعات .. من المهم إنك تشترين من الطابعات اللي عليها الكلام عشان تطبع لك أكثر من صوره في ثواني وتكون سريعة وتطبع أغلب مقاسات الأوراق وهذي طبعا تقوم بها طابعات الليزر و طابعات dell الليزر جدا رائعة
فيه شغلات بسيطة لكن مهمة مثل الأستاند أو الحامل للكاميرا ويكون من نوع ترايبود يعني ثلاثي
كمبيوتر ذو معالج جيد و يحتوي على برامج معالجة الصور مثل الفوتوماكس الفوتوشوب اللايت دريم وبرامج كثيرة
ميموري كارد ذو سعة عالية لحفظ الصور أكثر من مره تفاديا للضياع
أوراق الطباعة و ياسلام على أنواع الأوراق فيه عندك الأنواع الفاخرة اللي تلمع فية الأوراق اللي ثقيلة ومات بدون لمعة
وغيرها وترى اللحين الدارج الصور تحفظ على سي دي بعدين يطبع على نفس السي دي صوره من ضمن الصور زي الغلاف تقريبا
والألبومات لو ماتكلفين فيها أحسن لأن الناس شارين ألبوم شارين ,, وعندك المكاتب( مو الكبيرة ) تحصلين طلبك وبسعر مغري وبأشكال حلوة طبعا أنتي نوعي خذي سايز مختلف


نصيحة يا أختي من وحده تتمنى لك التوفيق ,, روحي لمحلات الحارثي في البطحاء لمعدات التصوير و أشرحي وضعك راح يخدمونك خدمة مميزة لأنهم ناس متمرسين في هالشغلة من زمان مع إن محلهم صغير لكن الناس عليهم بالهبل وسعرهم أرخص من السوق

أتمنى أفدتك <<<<< وحده هاوية تصوير من قلب
موضوعك رائع
طيب بنات ياليت تفيدونا هل شغلة الاستديو ارباحها مضمونه
وكم يكلف تقريبا فتح الاستديو كاملا بمعداته
انتظر الرد من صاحبات الخبرة حتى نستفيد جميعا
مايا
الف شكررررر
يادنيا
يابعد قلبي بردتي قلبي بردك الف شكر
فراشه حيرانه
والله الي اعرفه انها شغله ربحانه وبقووووووة الله يعين بس

بنات فيه مصورات يطبعون الصور مباشره ع الالبوم بشكل خيالي ياليت الي عندها خبره تفيدنا
بنات ننتظر المزيد


الساعة الآن 05:05 .