انا فلسطينية و نفسي و منى قلبي اكل الكبسة السعودية لانه كل الي راح على الحج من اقاربنا قالوا عنها شيء مش معقول بليز قولولي الطريقة التقليدية يعني ما تعملوش معدتي حقل تجارب
عندنا في فلسطين في بهار الكبسة هل تنفع؟؟

و زي ما قلتلكن الطريقة التقليدية لاني دقتها مرة عند ناس و كانت روعة كانت حاطة فيها زبيب

وتسلم ايديكن

مرحبا عزيزتي انا كمان فلسطينية من نابلس انتي من وين ؟
بس انا ساكنه في عمان وتعلمت عمل الكبسه السعوديه من زميلات لي في الدراسة وسأعطيكي الطريقة واتمنى انها تعجبك لكن هي طريقة الكبسة على اصولها وراح تزبط معاكي من اول مره إذا اتبعتي التعليمات

مثلا لو قلنا انه بدك تسوي 4 كاسات ارز ويفضل رز بسمتي او رز امريكي لكن انا عن نفسي انصحك بالرز الامركي اطيب وما بخبص ابدا ابدا
ننقع الارز في ماء ونغسله جيدا
نحضر الدجاج ننظفه جيدا ونغسله ثم نضعه في طنجرة الضغط (ممكن لحمه حسب الرغبة) ثم نسلقه نضع على الماء ملح مكعبان ماجي كبش قرنفل , زنجبيل مطحون او حب او الاثنين معا . هال حب وهال مطحون , جوزة الطيب حب وان وجد مطحون , عيدان قرفه , لومي إذا كنتي لا تعرفيه اسالي العطار عنه , ورق غار , بهارات كبسه وفلفل اسود حب .
لاحظي ان بهارات الكبسه معظمها يفضل ان تكون حب تعطي طعم اطيب وهذا ما يميزها
تتركي الدجاج ينسلق بعد ان تشيلي الزفره عن وجه الطنجرة وطبعا هذه العمليه تكون قبل وضع البهارات وتقطعي بصله شرحات مع فصين ثوم وتضعيها مع الدجاج هو بينسلق ثم تغطيها جيدا

في طنجرة تفرمي بصله ناعم وفصين ثوم وتحمريهم قليلا بعدين بس يذبلوا تحضري 5 حبات بندورة تفرميهم ناعم وتضعيهم عليهم اذا كان عندك جزر ممكن ان تقطعي حبتين تعطي طعم كثير كثير كثير طيب وحبة فلفل حلو او يمكن الاستغناء عنهم لكن هم يعطوا طعم كثير طيب وتتركي البندورة حتى تستوي وتذوب وتصبح مثل قلاية البندورة
عندما ينسلق الدجاج ترفعيه من الماء وتضعيه جانبا وتصفي مرقة الدجاج في طنجرة لعمل الارز تتركي الماء يغلي قليلا ثم تضعي فوقه الارز وتضعي فوقهم قلاية البندورة وتحركي بالملعقة علشان ينخلطوا والافضل ان لاتكثري من مرقة الدجاج كل ما تنشف الماء معاكي وكان الرز يابس شوي زيدي شوية ماء انا هيك بسوي اذا كنتي ما بتعرفي عيار الرز الامريكي او البسمتي وتتركيهم يغلو على نار هادئة وتغطي الطنجرة
الدجاج تكون وغطستيه قطعه قطعه في الطنجرة اللي كان فيها قلاية البندورة قبل ان تسكبيها على الارز علشان يصير لونه على حمار وممكن الاستغناء عن هذه العملية وترشي عليه فلفل احمر ان وجد وتدهنيه بالسمنه او الزيت وتضعيه في الفرن ليتحمر
الرز بعد ان تنشف الماء عنه تماما وتجف الصلصه ممكن ان تسخني زيت في المقلاه وتسكبيه على الارز (هذه من عندي ولا يعملوها السعوديات بس تعطي طعم مميز للكبسه وتجعلها الذ )
تحضري زبيب منقى جيدا وتضعيه في زيت ليتحمر قليلا وهو لا يحتاج لوقت طويل لانه بينحرق بسرعه ما تحمري الزبيب لانه بصير يلزق بالاسنان بس صعيه في الزيت الحامي ثم ارفعيه بسرعه مثل الصنوبر تقريبا ثم اقلي لوز وصنوبر واسكبي الارز في جاط التقديم وزينية بقطع الدجاج والمكسرات والزبيب وافرمي قليل من البقدونس زيني به
وصحتين وعافيه
اتمنى انك تكوني فهمتي علي وانا جاهزة لاي استفسار
تسلم ايديكي اكيد زاكية رايحة تكون لانك انتي عطيتيني اياها

بس ازا اعملتها و جوزي رماني من البرندة راح تجي في بالي على طول و هقول الله يسامح الي عطاني طريقة الكبسة


مش تصدقي انا عم بمزح يسلمو اديكي على الوصفة

على فكرة انا من القدس
بسم الله

هذي طريقه الكبسه .... انا من السعوديه

نحمر البصل طبعا وهو مقطع ثم نضيف له الدجاج ويكون مقطع نصفين ومعه بهارات مثل الهيل والقرفه والليمون الناشف والفلفل الاسود والقرنفل ونقلب حتى يجف ماء الدجاج ثم نضيف له طماطم مطحون وملعقتين صلصله ونقلب جيدا ثم نضيف الماء المغلى ونتركه حتة يستوي الدجاج
نحضر قدر اخر ونصفي المرقه ونرجع حبات الليمون الناشف ونضع الرز مع قرنين فلفل حار ونعدل الملح ونضيف بهارات الكبسه المطحونه ونطبخ الرز عادي .... عند التقديم نضيف الزبيب والصنوبر والدجاج نكون محمريه بالفرن يعني من فوق بس ... ونقدم معه السلطه الحارة والخضراء

الاخت lily 2002
اعتب عليك بتاكيدك للاخت على استعمال الرز الامريكي !!!!!!!!! اين المقاطعه اختى ..... للاسف الشديد ... والاخت فلسطينه ...... نحن نستمد منك النظال وروح الجهاد
لا تزعلي في رز امريكي بس صناعة سعوديه معلش البسمتي ما بزبط كثير معي شو أعمل ؟؟؟؟


الساعة الآن 06:24 .