ونحمرهم شوي مع خليط الطحين الزنجبيل .. من وايد عشان ماتحترق البهارات



بعدها نرفع الجدر ونصب عليه حب الرشاد ونخلطه بسرعه عشان مايتكتل ونرجع نحطه على النار



ملاحظه ...

في ناس يحبون الحسو مع البيض ..
اذا كنتوا من هالناس تكسرون بيضه قبل لاتسكرون على الحسو وتقلبون بسرعه وتخلونه شوي وتسكورنه

وهناك نوع اخر للحسو...................( بالكاسترد)



المقادير : الكميه تكفي 4 اشخاص تقريبا او 3

3 اكواب حليب سائل ( المراعي )
فنجان حسو ( الحبه الحمرا ) منقوعه بكوب ماء لمده ساعه .. واذا نشفت شوي زيدها ماي
ملعقتين طعام نشا
سكر حسب الرغبه
ملعقه هيل مطحون + نصف ملعقه زعفران منقوعه بفنجان ماء ورد



الطريقه :
في البدايه نحضر جدر ونضع الحليب مع السكر ..والنشا ونحركه ثم نضعه على النار مع التحريك المستمر
ثم نضيف الزعفران والهيل وماء الورد ...ونتركه حتى يغلط شوي الحليب
بعد الغليان نضيف الحبه الحمرا المنقوعه ...ونحركه بسرعه وطبعا في هذا الوقت بتلاحظون ان الخليط غلط
انا زدته نصف كوب حليب ..وقعدت احركه وتقريبا نتركه على النار ربع ساعه على نار هادئه مع التحريك
بين فتره واخرى .... ومن ثم نقدمه وهو حار
تقدرون تاكلونه بملعقه كانه كسترد ...او نحطه في بيالات ونشربه كانه شاي
وعلى فكره ترى هو خفيف مب غليظ نفس المحلبيه .. يعني قوامه بين الخفيف والغليظ ....
وتمتعوا بالطعم اللذيذ ... واسمحولي لاني ما اعرف اشرح ...

(الطريقه منقوله)






5- العريكـــــــــ ــــــــه

وهي اكله شعبيه خاصه بأهل الجنوب في السعوديه

مغذي جدا وسهل التحضير

نبدأ يابلقيسيات

عن نفسي اكلتها مره وحده لكن....



المقادير :
3 كاسات طحين بر
ملح
ماء حتى تتماسك العجين

سمن بري ..
عسل

الطريقه :

تعجن العجينة بالماء..حتى تتماسك العجينة ..وتخبز في الفرن ..تستوي ..


توضع في كيس كلها ...وحتى تلين .وتتشكل معكِ
وبعدها ضعيها في صحن عميق...وحاولي ان تكون كما في الصورة الشكل ...


وضعي سمن ..وقليل عسل في الوسط...
وتنفع للفطور ...وتراها مفيدة جدا..وخاصة في الشتاء..
وبالعافيه ..


6- المراصيع او المصابيب

خاصه بمنطقة نجد

ونبدأ يابلقيسيات


هي بطريقتين اما بالعسل او بالبصل العادي او الاخضر


وكلها نفس العجينه لان البصل يكون في الاخير


المقادير:
الماء على حسب الكميه اللي راح تحطيها وضعي الماء في خلاط الطماطم
دقيق بر تضعي منه بالملعقه حتى يثخن السائل
رشة ملح
رشه صفار الزعفران
بيضه
2 ملعقه كبيرة حليب بودرة


الطريقة:


ضعي الماء في خلاط الطماطم ثم الحليب ثم البيضه والملح وصفار الزعفران والدقيق ملعقه ملعقه حتى يثخن الخليط مع الاستطاعه في صبه بسهوله ويترك ربع ساعه واذا كنتي


مستعجله مو لازم
العجينه كذا جاهزة اذاكنتي تبيها ببصل قطعي بصل مربعات صغيرة وضعيها على العجينه وحركيها بملعقه مو بالخلاط عشان ما ينفرم البصل


واذل ماتبيها ببصل خلاص تصير جاهزة لاتحطي عليها شئ
انا اسكب العجينه في الابريق تبع القهوة التركيه عشان يسهل الصب


وتكون التاوة تبع المراصيع وهي تجي دائرة كبيرة مسطحه مالها جوانب وممكن تستخدمي المقلاة العاديه بس تصير كبيرة عشان الحريه في الترصيع


وتسخن لحد ماتصير حاميه بعد توضع النار وسط وتدهن بمنديل به زيت فقط مسح
بعدها يصب قليلا على شكل دوائر صغيرة ويبعد بين كل دائرة مسافة نص سنتمتر



لحد ماتغمق ويروح البياض تقلب على الجهه الاخرى ويضغط عليها قليلا حتى تحمر في هالاثناء تكوني مجهزة حافظة الحرارة والزبدة اذا حمرت المراصيع ضعيها في الحافظه


واغلقي عليها لحد ماتنتهي العجينه
اذا كنتي مسويتها ببصل ضعي الزبده (أو السمنه)عليها واغلقي الحافظه وهزي الحافظه عشان تمتزج







في الأعلى
(مراصيع بالعسل)

الزبده بالمراصيع لان التحريك باليد يمزقها
واذا كانت بالعسل ضعي مع الزبد عسل وهزيها وتقدم ساخنه...
وصحتين وعافيه...
صدقوني لذيذه انا احبها بالعسل...

الله ثم الله يعطيك العافيه على الطرح

بجد احس انك كفيتي ووفيتي

الله يرزقك الجنه وما تتمنين قولي آآآآآآآآآآآآآآآ آمين


الساعة الآن 04:26 .