السلام عليكم ورحمه الله وبركااااته



اليوم كان اخر يوم فى السنه الدراسيه فى مدرسه ابنى ...الحمد لله وعقبال ولادكم يااارب

وطبعا الميس طلبت منى اعمل حاجه حلوه زى التيرم الاول وده رابط صور اول حفله
http://forum.hawaaworld.com/showthread.php?t=1487921

اصلا اما اضحكم خخخخخخ

ادهم جالى يوم الاربعاء يقولى الحفله بكره الخميس والميس بتقولك اعملى حاجه حلوه من ايدك انا بما انى كنت تعبانه عملت كيكتى المعتمده والمميزه وزوقتها بالحليب المركز والتفاح

ولما رحت اكتشفت انه لافيه حفله ولاغيره ههههههه وطبعا سبتلهم الكيكه ومشيت خخخخخ

ولما عرفت ان الحفله الاحد اضطريت اعمل تانى

طبعا معملتش كتير انما الحمد لله طلع ظريف وبسيط

اولا عملت عجينه العشر دقايق <<عملت بيها السينا بارتس

سهله جداااا جبت قالب على شكل قلب


العجين عملته كور صغيره ودحرجته فى سكر عليه قرفه وحطيته بالقالب بشكل عشوائى


وده لما طلع من الفرن



بعد كده عملت تفاح بيوريه
تفاحتين مقشرين ومقطعين عليهم حوالى كوب الاربع سكر وشويه ميه صغيرين يمكن نص كوب
حطيتهم ع النار وهديتها جدا وغطيت الحله ولما التفاح استوى ضربتها فى الخلاط وسيبتها تبرد
وبعدين زوقت السينا بارتس بالتفاح البيوريه وفوقها حليب مكثف وشرائح تفاح
معلش اعذرونى لو الصور مش واضحه






وبما انى حبيت اعمل شئ مالح كمان
اللى اتبقى من عجينه العشر دقايق قلت اجرب واعمله خبز صاج
ومش ممكن يابنات طلع راااااااااائع تحححفه بجد

المهم جزء حشيته زعتر

وجزء حشيته حشوه رهيييبه

ناجتس محمره وبعد كده ضربتها فى الكيتشن ماشين ضرب خشن

كنت محمره بصله متوسطه وعليها 4 فصوص ثوم ورحت حطه عليها الناجتس وقلبتهم بعد كده طماطم مقطعه قطع وبقدونس قطع وماتنسيش تظبطى الملح وكنت عامله طحينه وحطيتها اخر حاجه وكمان معلقتين زبادى والكل يتقلب كويييييس وحشيت بيه الخبز وكان اكتر من راااااااائع





الحمد لله هى حاجه بسيطه انما نالت الاعجاب الحمد لله وماشاء الله

ويارب تكون عجبتكم يااارب
يسلمو ياعسل ربي يخليلك ادهم وتشوفيه عريس
كلك ذوق وابداع
من يد مانعدمها يارب
(اللهم حببنا إليك
وأرنا آثار محبتك لنا )
mashaa allah aleky ya sheren helwa awy teslam edeky ya gamel
ماشاء الله شغلك نظيف ورائع الله يعطيك العافيه >>>جوعتيني
ويارب تفرحين بولدك وتشوفينه عريس ...
ويرزقك بره
دمتي


الساعة الآن 09:49 .