السلام عليكم ورحمة الله
بنات الله يعافيكم ابي وحده تفيدني بتفاضصيل برنامج ايراد بالراجحي واذا كان
في وحده جربته ياريت تكتب عنه
16-04-1430 هـ, 08:51 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا اقولك قصتي وماعندي من معلومات مع هذا البرنامج
الله يسلمك ويسلم القارئات انا لما قريت عن البرنامج بموقع الراجحي اتصلت على الهاتف المجاني وقالي الموظف انه اقدر اقدم على البرنامج والتسديد من ايراد العقار الاستثماري اقل شي يكون دخل العقار ثلاثمئة الف تسددين للبنك ثمانين بالميه من الايراد والباقي لك انا قلتله انا مو موظفه وماعندي اي عقارات للرهن قال مو مشكله لان التسديد من ايراد العقار الي يدفع البنك قيمته
انا قلت لنفسي اتاكد من فروع البنك
ولما رحت لاهلي ببريده ماخليت فرع من فروعهم انا واختي الا ورحنا وكلهم لهم كلام مختلف
فرع قالي لازم تكونين موظف وثاني قالي لازم يكون عندك عقار للرهن لو ارض وثالث قالي لازم تكونين موظفه او تكون عندك عقار للرهن يكون قيمته مساوي لقيمة العقار المراد استثماره
لما رجعت للرياض رحت للفرع الي انا فاتحه عنده حساب سالت الموظفه وقالتلي مو مهم تكونين موظفه اهم شي يكون عندك عقار للرهن له دخل يساعد على تسديد الاقساط مع ايراد العقار الي راح تاخذينه من البنك او يكون عندك مبلغ يساوي المبلغ الي راح تاخذينه من البنك
مثلا قيمة العقار مثلا عماره استثماريه قيمتها اربعة ملايين ريال انت دفعين مليونين والبنك يدفع مليونين انا عاد قفلت كل الابواب بوجهي وقلتلها خوذو كل ايراد العقار ولما اخلص الاقساط رجعولي العقار قالت مايصلح مو شرعي قلت لها لو معي نفس قيمة المبلغ الي بتعطوني ماجيت احمل نفسي ديون
انت على كل حال اسالي الفروع الي عندكم
والله يوفقك
17-04-1430 هـ, 12:26 صباحاً
 
والله أنا قريت عنه و أعجبني ..
17-04-1430 هـ, 01:15 صباحاً
 
جزاكم الله الف خير على الرد والمشاركه اليوم رحت الفرع اللي عندنا وقالوا اي لازم دفعه اولى تعتمد على قيمة العقار ودخله يعني لو كان قيمة العقار مليون يعطوني المليون بس لازم دفعه مقدمه 500 الف وهم بيحسبون علي العقار بمليون ونص نص دفعتها انا كدفعه مقدمه وباقي المليون من اجارات العقار
المشكله الحين الدفعه المقدمه جد كثييييره
18-04-1430 هـ, 09:34 مساءً
 


الساعة الآن 01:35 .