موضوع مهم جداً اتمنى من التاجرات التفاعل معاك وأن لا يبخلن بالفائدة
حتى نستفيد جميعاً ....
وأسأل الله ان يرزق كل من ترد علينا الرزق الحلال وان يبارك لها في رزقها
انا اعمل في شغل البهارات من البيت واسوقها عن طريق مندوباتي وربحهم جداااا رائع والحمدلله انهم مرتاحين وانا مرتاحه معاهم لكن الان ينقصني مندوبات لتجارتي
المهم حابه افيد كل تاجرة هذي طريقتي مع مندوباتي فالرياض لان شغلي فقط فالرياض


أولا.........هل تقومين بإرسال الطلبية للمندوبة أولا وتقوم هي بتوزيعها ثم تقوم بتحويل المبلغ لك؟
اتصل عليها اتفق معاها على مكان نتقابل فيه ونتفق من الاسلوب والشكل احيانا تعرفي هي صاحبه عمل وعندها رغبه ولا لا
هذا اول شي

أم العكس..بحيث تجمع طلبية وتحول لك المبلغ أولا ثم تقومين بإرسال الطلبية لها؟

اعطيها بضاعتي بس قليل مثلا 20 حبه اجرب المندوبه فالشغل لو مشت بضاعتي بسرعه ممتاز اجربها ببضاعه اخرى لو ماصرفت بضاعتي وجلست مده طويله
على طول اسحبها منها
واعطيها نسبتها وكل واحد يروح لحاله
علما بأن شغلي مع المندوبه المبلغ على حسب تحوله او تسلم يد بيد


ثانيا........ماهي نسبة المندوبة في الربح؟؟

بالنسبه لي اعطيها اكثر نسبه رائعه ماتحلم فيها
وعلى حسب تجارتك تقدري تحددي النسبه


ثالثا....قيمة شحن الطلبية للمندوبة من الذي يدفعها أنت أم المندوبة؟؟
شغلي داخل الرياض فقط
ولو فيه شحن انا بنفسي اشحن


رابعا...هل تسمحين للمندوبة بوضع السعر الذي تريده أم توحدين الأسعار للجميع؟؟

لا طبعااا مالها حق تحط السعر ..الاسعار من صاحبه التجارة نفسها
وانا اسعاري موحده


خامسا..ماهي اقل طلبية ممكن ترسليها للمندوبة؟؟


كبدايه اختبر قدراتها 20 او 30 علبه وبعد كذا اكثر على حسب

سادسا..هل تقبلين أن تعيد لك المندوبة الطلبية بعد مدة بحجة عدم تصريفها ؟ وكيف تضمنين أنها عادت كما ذهبت سليمة خاصة لو كانت خلطات وزيت شعر؟

طبعا لو ماصرفتها راح يكون التسليم يد بيد ولو حصلت تلف من البضاعه هذا راح اقلل من نسبتها واخصم منها



سابعا..ماهي سلبيات وايجابيات كل طريقة؟؟

والله الايجابيات انها تخاف الله في نفسها والمال اللي تكسبه وتخاف الله وتعلم ان الله شاهد علينا انا والمندوبه
والسلبيات
""انعدام الثقه فالمندوبات والسرقات وقله الصبر واشياء كثيرة

انا حبيت افيدك كخبرة في مجالي مجال صنع البهارات وبيعها
على فكرة اللي تحب تكون مندوبه عندي حياها الله
والله يكتب لكم الرزق من اوسع ابوابه
http://forum.hawaaworld.com/showthread.php?t=1609319
شنطه لويس فتون بسعر مغري جداااااا
مافي فرق عالماركه ابداا
يااارب اشفيني من المس العاشق لي 15 سنه تعبانه منه
حسبي الله ونعما الوكيييييييييل
جزاكم الله كل خير يااااااااااااارب
يقول الشيخ المغامسي:
هذا الدعاء يشترى بماء العين:

للرفع
MANAL
مرحبا اختي

بالنسبه لموضوعك المندوبه انا نفسي استفيد منه من خلال مندوبات النت

لاني صراحه شايله فكرة المندوبه من خلال النت تماما ليه ؟؟ ما عندي خلفيه بس كذا احساس مو مطمنه ولا مرتاااحه

لكن عندي مندوبات في الجنوب وفي جده وفي الرياض

بس كلهم قريباتي يعني اعرفهم معرفه شخصيه واثق فيهم


طريقتي عندك مثلا العود والعطور ارسلها الكميه بالدرزن

مثلا اصنف لها درزن شرقي ودرزن فرنسي وكل درزن له سعر بحيث يكون الدرزن الشرقي او الفرنسي منوع على اساس اعطيها اكبر مجال للتصريف يعني ما احدها على نوع معين مثلا لازم هالمخلط تاخذي منه درزن لا على اساس يكون فيه سهوله في التصريف والخيارات قدامها اكثر اللي يمشي عندها وتحتاج المزيد تطلب مثلا درزن من العطر اللي هي تشوف ان هالمنطقه تطلبه اكثر

اقسم السنه الى 4 اقسام كل ثلاث شهور اعمل جرد وتجميع تجميع للمبالغ وتجميع للبضاعه المتبقيه عندها يعني ما اطلب قيمة الاشياء طوالي لا اعطيها راحتها في التصرف كل وحده ولها اسلوبها ولها سياستها وتعرف منطقتها كيف طريقة دفعهم

يعني عندي المنطقه الجنوبيه اكثر مبيعات ماشاء الله لا قوة الا بالله تعرض عليهم ويشترون وعلى الراتب لما يجي وقت الراتب تجمع المبلغ هي وشطارتها اللي في جده عندي مندوبتين وحده نفس الاسلوب على الراتب والثانيه لا اول باول الدفع


بالنسبه للسعر انا لي سعري واعطيهم بسعر الجمله واقولهم هذي اسعاري اعطيهم المجال بالزياده على راحتهم كل وحده وعلى حسب المجتمع اللي فيه


فيه وحده تقولي ابي انقص عن سعرك بقول على راحتك انتي جالسه تنقصي من نسبة ربحك

فيه وحده تقولي انا ببيع دبل السعر للمفرد مش الجمله على راحتها في وحده والله افتكر اخذت من عندي شغله صراحه كنت ابيعها على 30 اعجبتها واخذت كميه بتعرضها على قرايبها قالت هذي بــ 50 قالو ووووع ما نبيها وش ذااا قالت اضحك عليكم ابي اشوف ردة فعلكم بس والا هي قيمتها 150 قالو ايه يا زينها بصراحه تهبل ما بقوو ولا حبه عندها يعني لكل وحده مجتمع ما تقدري تحكمي احد

نفس الشي للبهار اعطيهم اسعاري وهم يزيدون عليه اللي يبون وحده تزيد ريالين والثانيه دبل السعر والثالثه تزيد 10 ريال يعني كل وحده والمجتمع اللي هي فيه


بالنسبه للشحن لا على المندوبه بحكم اني معطيتها مجال التصرف في الاسعار والبيع وماخذه راحتها في مدة التصريف


هل ترجع البااقي نعم ترجع الباااقي بحكم انه بس مخلطات وبهارات فمافي شي راح يخرب ترسلهم لي عادي وتنخصم من قيمة الجمله اللي انا عطيتها هيا


بس حطي في بالك اعطيها سعر جمله يرضيها بحيث انها ما تفكر تزيد عن سعري يعني هي تقرر وتقول بالعكس سعرك مناااسب جدا وتحس انها فعلا ربحت




بس للامانه من خلال النت في بداياتي كنت ابيع الكميات بالجمله وعرضي انا في النت بالمفرد حتى لو عرضت نفس سعري او اقل او اكثر هي ربحاانه في كلا الحالات لكن ما كنت اسمح برد البضاعه ولا حتى الشراء بالاجل


اتمنى استفيد اايضا من مداخلات الاخوات اللي عندهم مندوبات

تابعوني على الانستقرام @dom_sweet_ سناب شات nymsh
طبخات وحلويات تزيين الكيك وتجاره والكثير

للتواصل واتس اب فقط
0502070007


بدء استقبال طلبات البهار المخمليالذرور المكثفالزعفران الكشميري الاصليمعمول التمر الملكيالغريبة الاصيله البيتفور المميز كما يوجد لدينا تأجير صواني الافراح البيضاء المستورده عرض خاص على مخلط فجر الخيول الملكي الاكثر مبيعا على مدى 11 عام كما يتوفر المشد البرازيلي الكامل والنصفي


الساعة الآن 06:32 .