زوجي مره طيب لازم يتصل علي اول و يستادني بعدين يعزم عليهم من باب هو ما يحب يتفشل يحب كل شي يكون قدام ضيوفه على سنجة عشره وخصوصا الطبخ فما يرضى بمشي حالك ويتفشل يجيب من مطعم الا ادا عزيمه رسميه يجيب المندي من برى

لكن لو عزم فجاه راح اعصب لكن في النهايه راح امشي الامور بعد ما اكون قمت البيت وقعدته

وعلى طاري العزايم الفجائيه و ردة فعل الزوجات راح احكيكم هالقصه

في مره شباب تراهنوا انه من يتصل على زوجته ويقولها انا جاي بعد عشر دقائق ومعي ضيوف وتقوله حاظر وما تعصب ياخد عشرين الف لانهم عشره وكل واحد قط الفين
المهم كل واحد اتصل بزوجته يحط المكالمه على السماعه الخارجيه
ويبدا يقول اللي عنده ويخبرها بالخبريه اللي هي : انا بعد عشر دقائق جاي ومعاي ضيوف

طبعا الحريم انواع السباب واللي تعصب واللي تنافخ واللي تزعل واللي تقول دبر عمرك مالك غير الشاي والقهوه والاكل من برى
وانواع الاحرجات اللين جاء دور اخرهم قال بس انا مو متزوج لكن بدق على امي
يوم دق عليها قالها يمه بعد عشر دقائق بجي انا وضيوفي عندك
قالت حياك الله انت وضيوفك
عاد عطوه العشرين وسبحان الله مثل قلب الام في الدنيا ما في

القصه حكتها لي جارتي زمان ما ادري حقيقه او لا بس هي تقول حقيقه
18-04-1430 هـ, 05:26 صباحاً
 
احيانا يدق يستأذن واحيانا تجي فجاءة
اذا مو مروقة والله اعصب عليه واقله ليش ماقلتلي واطلع حرتي فيه واقله جيب حلا ومعجنات معك
واذا مروقة اقول الله يحييهم بس برضوا اقوله جيب حلا ومعجنات معك
18-04-1430 هـ, 05:38 صباحاً
 
انا صار معي الاسبوع اللي فات ناداني وقال جوك الضيوف قلت وشتقول صادق قال ايه والله المهم عصبت شوي والحمدلله اني الصباح كنت مرتبه بيتي قال ادخلي البسي وتزيني ودخلت غرفتي بسرعه وعقب دخلت المطبخ صلحت قهوة الرجال و الحريم ماامداني صلحتها انا وضيفتي بس هو قال صلحي القهوه والعشاء بجيبه من برا انا وصديقي قلت ميخالف اهم شي ريحتني من العشاء وووبس
18-04-1430 هـ, 05:44 صباحاً
 
متعوده ديما بي المصري صارت شي عادي عندي خلاص تعودت كنت ازعل وامد البوز بس مافكر فصرت عادي وتمرسنا وصرت افرزن عشان الزنقات الي زي كذا والله يعين بس انه يكافيني اذا بيضت وجهه مو دائما لاننا حنا علي حسب المزاج والله يعين
18-04-1430 هـ, 05:46 صباحاً
 
حلو الموضوع
انا بصراحه صارت معي لاكن بطريقه مختلفه طالعين نتمشى وتونا خارجين من نص ساعه ويتصل عليه واحد من اصحابه متهاوش مع زوجته ويعزمه زوجي على طول ما صدق خبر الادمي وسبقنا عند باب البيت عاد انا في السياره تحسين النار طالعه من عيوني والداخنه من اذني وساكته دخلنا البيت وبدات ابخر اقل شي واحط عصير والقهوه والشاي عاد العشا من برا لانه حس بعظم ذنبه ولا والله لو اني طبخت العشا كان يمكن افكر اسممهم الاثنين لانهم مخربين تمشيتي
18-04-1430 هـ, 06:48 صباحاً
 


الساعة الآن 02:51 .