نصيحه مني خلي العلاقه بين زوجك واهلك رسميه تجنبآ للمشاكل

اسمعي يا اختي انا مريت بتجربه و مواقف كثييييييره

الخلاصه

لا تشكين زوجك من أهلك ابد لو ماكان يكون

ولا تتشكين لأهلك من زوجك لأن انتي راح تنسين وهم بتكبر في قلوبهم

حاولي دايم تقولين امي وابوي يسألون عنك ويسلمون عليك
بين فتره وفتره خليه يدخل يتقهوا مثلا اخوك يطلع له و يقلطه

اذا جابوا أهلك لك هديه بالعكس خليه يشوفها ويدري ان اهلك كريمين

اذا كنتي عند أهلك ومسوين حلا او كيكه قولي الله زوجي يحب هالشي بآخذ له ذواقه
وقولي هاذي أمي مصلحته عشانك

صدقيني باشياء بسيطه بتقدرين تولفين بينهم

اسال الله ان يولف بين زوجي واهلي وكل من قرا

يووووه يبيلك قعده
راجعه لك اذا فضيت باذن الله :)

وعندي كذا سؤال



1....كيف المفترض تكون علاقه الزوج مع اهل زوجته...


علاقة احترام توجيب سؤال حرص تماما مثل ماهي تكون مع اهله لانهم انسباه خوال عياله .. مع ملاحظة عدم مقارنه الاهل ببعض ان كانوا اهلها كرماء واهله بخلاء ماتستوي المقارنه ان كانوا اهلها يوجبونه واهله يزفونها ما فيه مجال للمقارنه والعكس صحيح كمان


اخيرا يظلون بالنسبة له كعلاقة اخ مسلم الاحترام والذكر الطيب ... يعني مو بالضرورة يكون لازق فيهم عشان يثبت انه محترمهم ولكن قلت لك عموما مثل مايطالبها باهله تطالبه مع العدل


2.....بعض الازواج في غيابهم يتطاول عليهم ويسبهم


ليه وينااااااااا فيه .. مابقى الا هي تقول له يابن الحلال ارجوك بلاش نغلط ونغتاب غير انهم اهلي وما اسمح لك تكون صريحه من الاول ولا تتركه يتمادى الان اذا الوحده تشكت بالمنتدى من اهل زوجها او انها علمته من باب الفضفضه او عشان يشوف لها حل وش ينقال اكيد اهله ماراح يرضى عليهم ... سبحان الله ولو كانوا ظلمه .. هي بعد ما ترضى على اهلها وتوقفه عند حده


مهما كان هو ومكانته يظلون عصابة راسي وسندي اهلي ذوووووول


ولعت وهو خيااااااال بس وحسافه البنت للي تترك رجلها بدووون سبب يتطاول يسب مافيها خير لهلها اجل شلون هو بيكون عنده خير لهم



3......اذا كانو اهلها مبسوطين مادين ومررررررررات يمدون البنت وزوجها بفلوس ومرات يجيبون للبنت طلباتها ...وضع عادي والا خطير لانه وحده من صديقاتي قال مو زينه حركت اهلك


هدايا عادي .. اشياء وين ووووين عااادي


غيره لا لانه اما بيتعود وعقبها تردد ياليل ما اطولك لانه راح يقول لها بكل وساعة وجه رحي خوذي من اهلك


او انه راح يتبيرد وما يجيب ولا شي لانه عارف انه بتجيب من اهلها وماراح يقول لها روحي هاتي راح يسكت ثمن يقول يوووه عطوك الله يجزاهم خير والله الظروف كانت ماااش والا كنت بجيب ها الغرض


او انه راح يحس بالنقص ويحقد عليهم وعليها لان فيه ذكور عندهم عقد نقص وياااكثرهم ويحقد من افعالهم الطيبه وماتدري المره ليه لانه على باله مو محتاجه له او تتنعطز عنده او اهلها يصرفون عليه ومع البحث والتمحيص تعرف بس متاخره


اوانه بيكون وسييييييييييييييييع وجه ويصير يطالبها بفلوس اما انه مضغوط او مديون وهي توح تجيب من اهلها


والا بيتواكل مو بس لها حتى لاطفاله والبيت فيه منهم ترى يترك اهلها يقدومون للخدم ويعطونهم رواااااتب


اخيرا لا تكب عليه من خير اهلها او لا تندم عقبها



4...الزيارت رسميه او عادي جيبيه بيت اهلك كل شوي


على حسب علاقة باهلها وعلاقتها هي باهلها


فيه احد بيكرمه وبيوجبه وبيسولف معه ليه لا وياما نسايب زوج البنت واخوانها كانهم اخوان ورااائعه علاقتهم


والعكس ان كانت العلاقه مو مره او رسميه وما هنا موانه لا خليها رسميه افضل واذا كانت تتفشل من احراج اهلها او لايغلطون عليه اواو كمان تخليها رسميه افضل


ولكل الاطراف اهله والا اهلها تزاوروا ولا تقاربوا وحيا الله من زار وخفف


والاحتكاك يولد الشرار


5...وبالنسبه لطلعات الزوجه مع خواتها وامها وكل مشاويرهم مع الزوج


وهذا اهم سؤال لاني


مدري وين الصح .....


لا تطلع وين ووين وعلى حسب الظروف مثلا ندها اخت بتعرس وتبي تساعدها نوبرابلم


او مناسبه عندهم او تمشيه مع الاهل ايه مافيه مشكل


دائما وتققضى معهم لا


لانه راح يكون احد الامور اللي جاوبت عليها في السؤال 3 مع اختلاف الموقف ان هنا طلعات ووراحة من المسؤلية وسووواق وهناك مااده ومااال



6....اذا وصل الموضوع ان الزوج بداء ينتقد اهل زوجته ....كيف تتصرف ....تطنش او توقف عند حده



اذا موقف يستدعي او غلطوا عليه او سوء تفاهم تحاول تتقبل الكلام من باب العدل وانه زوجها وانهم اهلها وتصلح وتوضح الامور بحدود الادب طبعا


اما غيره لا من الباب للطاقه ما بقى الا هي عسى ماشر شي طبيعي توقفه عند حده



.....



واي شئ فبالكم ومن تجاربكم قولوه خلونا نستفيد من بعض

الله يسخر كل زوجين لبعض ويجيرهم من التدخلات من أي الاطراف وترى التغابي احيانا رااائع احيانا مو دااائما وفيه امور لا حلها اول باول افضل
والله يجيرنا واياكم من شياطين الانس والجن
بارك الله فيك
دمتم بود

نصيحه مني خلي العلاقه بين زوجك واهلك رسميه تجنبآ للمشاكل