بنات ارجوكم قولولي شسوي

السلام عليكم


بنات انا كتبت مشكلة لي بالحياة الاجتماعيه وانحذف مادري ليش كنت انطر ردوود واكتشفت انه انحذف المهم
بقول المشكله هني واتمنى انهم مايحذفونه وانطر ردودكم

انا نفاس ورايحه عند اهلي بالكويت وزوجي بالسعوديه من جيت الكويت واهو دايم يتصل علي كل حزه
الحين له يومين ماتصل اتصلت عليه مغلق وارسلت رسايل ماتم تسليمها المهم قلت اتصل على اختي بالسعوديه قالت له يومين ماشفناه بس سمعنا انه بيسافر ويدور واسطه تطلعه لانه عسكري والعسكري مايطلع الا باجازه رسميه والاجازه مو بسرعه تطلع يبيلها شهر المهم اتصلت على اخوه قاللي انه سافر بواسطه مع فلان والفلان هذا راعي بنات والدوله اللي سافر له
موزينه اللي يروحون لها فاسدين

وزوجي معروف مو راعي سفرات حتى انا قلت له تعال الكويت عندنا وقال لا مااقدر تخبرين انا عسكري والحين راح حتى ماكلف نفسه يعلمني او يتعذر بشغل باي شي

انا منقهره قولولي شسوي اذا اتصل اهو للحين بالعسل ماتصل علي ولا كلم والله احس اني بموت من القهر حتى البارحه ادور بالنت قصيده عن الشوق عشان اسمعه اياها واخرتها طلع مسافر
تكفوون قولولي شسالوات اذا اتصل ارد ولا ماأرد او ارسل له رساله او شنو

اذا انتو بمكاني بالله شسووووون؟؟؟؟؟؟؟؟؟؟

انا منصدمه تكفوون قولولي ابي كلام يهزه ويرد لي كرامتي عاد انا شاده حيلي بهالخلطات الطبيعيه والعنايه وحالتي حاله

الحين والله طفى الحماس وبس اتخيله مع وحده ثانيه ابكي حسره


شورو علي ياخواتي شسوي