السلام عليكم ورحمة الله وبركاته

صباح الخير للكل
ومشرفاتنا الرائعات على وجه الخصوص
الله يعطيكم العافية
على هالمجهود الرائع والواضح اللي تقدمونه
جعله الله في موازين حسناتكم
وأشهدكم أني احبكم في الله

بأدخل في الموضوع على طول
وياريت اللي تأيدني على هالإقتراح ترفع يدها
واللي معترضة من حقها تقول رأيها
ولا ننسى اختلاف الآراء لا يفسد للود قضية
وإذا ماودك لابهذي ولا ذيك بس ارفعي الموضوع ولا ابغاه بشكر
قولي
سبحان الله
والحمد لله
ولا إله إلا الله
والله أكبر
انسخيها والصقيها
بسسسس


نخش بالموضوع
الواضح للي يدخل قسم الطبخ عندنا
ودائماً تلفت نظري
مواضيع بعنوان
عندي عزيمة ايش اسوي..؟؟ ومتى ابدأ..؟؟
وشلون شكل الدقيق الفلاني
ابغى طريقة المكرونة
عروسة جديدة ومبتلشة
عندي فطور الدوام ومني عارفة ايش اسوي
كيف اسوي الباشميل
بسوي سلطة الظهر هل ينفع اخليها لليل بالثلاجة ما تخرب
ومواضيع من هالنمونة
يعني على هالشاكلة لغير المتحدثين باللهجة النجدية


والمعروف انه المواضيع الزايدة تثقل السيرفر
وتأخر مواضيع اكثر اهمية
وغير كذا اذا محد رد لانه السؤال
ما راح اقول تافه لكن
احيانا تكون اسئلة بديهية
ومعروفة للكل
ما يحتاج افتح فيها موضوع
واثقل على السيرفر
واضغط الناس باسئلتي
ولو انها بذلت شوي مجهود
وتعبت وكتبت بس كلمة من موضوعها
في محرك البحث
راح تلقى اللي تبغاه وزيادة
وبيني وبينكم اللي خلاني
اقترح هالاقتراح
لما ارد على وحدة طالبة طلب
ولو كان شوي بايخ
بانها تبحث بقوقل
ترد علي بطريقة ...؟!
وانا قصدي اخدمها
لا اكثر



لذلك
ومن منبري هذا أنادي بفتح
مجلس
ديوانية
مقهى
سموها زي ما تحبون
بس يكون
موضوع نجتمع فيه ونطرح همومنا المطبخية ونتشارك فيها
يكون مساحة لطرح اهتمامتنا واستفسارتنا
عن كل ما يخص الطبخ والنفخ
مكان نستشير فيه اخواتنا عن كل شيء يخص ببطوننا وسفرتنا

يكون
ملجأ.. لطلب الفزعات
ومكان لتقديم المساعدة
حيث الكل مستعد لتقديمها

يعني يكون مكان أجواءه كلها مودة وتآخي
وكلها روح تعاون حلوة بين الجميع

أدام الله مودتنا وأخوتنا
وأظلنا الله بظله يوم لا ظل إلا ظله
وجعلنا على منابر من نور
{الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ}

خارج الخدمة مؤقتاً
للرفع
خارج الخدمة مؤقتاً
سبحان الله
والحمد لله

ولا إله إلا الله
والله أكبر
سبحان الله وبحمده...سبحان الله العظيم
للرفع


الساعة الآن 12:50 .