أشتري لها قفص عصافير تتسلى وتنشغل فيهم
اعرف وحده سوت كذا ونجحت الخطه

ماعليك فتره وتنساها
عاد انتي هالفتره يجي دورك
اضغطي على نفسك ولعبيها واشتروا لها العاب واغراض وبتنساها

السلام عليكم الصراحه شي يخوف بس للأحتياط خوذي شئ من أثرها لأن بعض الشغلات تكون مالها خلق الاطفال وتسوي لهم أي شئ علاشان ما يزعجونها أو من كثر الحب أنا أعرف وحد كان عنده شغاله وكانت بتسفره بسبب الطروف الماليه والشغاله بالاول رفضت ويوم شافت مافيه فايده قامت أخذت من بنات صاحبة البيت قطع شعر وملابس هي عندها بنتين صغار ويوم فتشوها الحمد لله لقو معها قطع من ملابس وشعر البنات ويوم سألوها قالت أنا أحب مدام وأحب بيبي وأنا يبغى شغل وأنا ياخذ ملابس وشعر بنات علاشان سوي سحر علاشان بيبي يصيح كثير يبغى أنا وبعدين مداد يكلم أنا علاشان يرجع شغل مره ثانيه الله يكافينا شرهم وهم شر لا بد منه بس مع أخذ الاحتياط وبالتوفيق

http://***************.net.in/all/index.php .يا اختي انا ما اأيد الاخوات الي يشكوا بالشغالات بالذات ااذا كانت عندك من فتره طويله يعني اكيد في ثقه و كمان انا مني مع الأخوات الي بستهونوا بفراق الدادات للأطفال لأنه عندنا في العيله ولد هو الآن عمره في أول العشرينات و إلى الآن هو دائماً وحيد و ما يبغى يتكلم مع احد مع انه عنده اخوات و اخوان يعني ما شاء الله البيت مليان بس كان اكتر واحد متعلق في الداده عشان ماماته وقتها كان بتحضر الماجستير و كان صغير فمعظم وقته معاها .

شوفي يا ستي انا :

1- حاولي اخر ايام للداده عندكم ما تخليها معاها كتير و حاولي تخرجوا لحالكم من غير الداده و وديها ملاهي و اشتريلها كل الي نفسها فيه.

2- اذا كانت بنتك تفهم مره كويس انت حاولي تتفاهمي معاها على انه انتوا مسافرين في اجازه طويله شويه و انه ان شاء الله لمن ترجعوا بالسلامه راح تكون الداده موجوده و ممكن وقتها حتكون زعلانه بس شويه على فراقها المؤقت و على أمل انها لمن ترجع حتلاقيها و خلي الداده تاكد لها نفس الكلام و تقولها انه اهلها وحشوها و حتروح تجلس معاهم شويه الين ما ترجعوا و ان شاء الله الأيام تنسيها و تلهيها.

3- والله لو قدرتي انك تتفقي مع الداده انها ترجع لكم تاني بعد ما تجوا بالسلامه يكون احسن عشان بس ما تتطلعي كدابه ( سامحيني في الكلمه ) قصدي انه بنتك لو كانت حساسه ممكن تتأثر ثقتها فيكي لو ما نسيت داداتها.

4- ممكن تفهميها لما ترجعوا بالسلامه اانه دادتها اهلها ماسكين فيها و بيبكوا و ما يبغوها تسافر تاني و تسيبهم .

5- ممكن تأخدي رقم الداده في بلدها أو أول ماتوصل تديكي رقمها و كل بعد فتره تتصلي عليها و تخلي بنتك تكلمها الين ما تنساها شويه شويه .

و الصراحه العشره و العيش و الملح الي اكلتوه معاها ما تهون على احد و بنتك شايفه انه عشرة حياتها كلها كانت مع الداده بما انها على طول معاكم في البيت( و على قولت اخوانا المصريين : العشره ما بتهونشي إلا على اولاد الحرام ) .

و ان شاء الله تنفع اي طريقه معاها و الله يعينك و يقويك و يهونها على بنتك و يبعد عنها أي مكروه ان شاء الله

و طمينيني عليها ضروري على الخاص و ان شاء الله نتواصل على طول ( إذا حبيتي )

جزاكم الله خير على كلامكم الرائع والله الان اكتب مره ثانيه وانا دموعي على خدي بسبب هذي البنت امس مانامت الابالقوه واليوم اول ماصحت راحت عندها طوال الوقت وتحبب عل الشغاله لدرجة ان الشغاله بكت عشانها