اللي تضبط الجريش و يطلع معاها حلو تقولي الطريقه وياليت يكون نفس اللي ينحط مع المثلوثه ...
24-04-1430 هـ, 04:03 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
القسم الوحيد اللي أكتب فيه و ماألاقي ردود ....
24-04-1430 هـ, 06:51 صباحاً
 
بسم الله

يا اختي تبين شي اسهل لك اذا جيتي تدورين على طريقه معينه

سوي بحث بتطلع لك كذا طريقه اختاري اللي يناسبك

بالنسبه لطريقتي

تحمسين بصل علي النار بس يذوب حطي الدجاج وحطي عليهم ماء مغلي

وخليه شوي وبعدين حطي الملح والكمون الحب او العادي

وحطيه بالقدر الكاتم اسرع واحسن بتطلع لك الدجاجه منهريه بسرعه شيلي العضم منه

ورجعيه بالقدر

وبعدين جيبي الجريش المغسول والمنقوع

مع الرز المصري يكون ربع كمية الجريش يعني اذا كاسين حطي تقريبا نص كاس

واذا ثلاث كاسات حطي كاس رز مصري

وبعدين خليه علي النار وانسيه ساعتين تقريبا على نار هاديه

بس لازم كل شوي تحركينه (تضربينه) وتحطين معه ماجي ابيض وشوي زبده و2ك ماء مذوبه فيها 6م حليب بودره واذا تبينه حامض شوي

حطي بدل الحليب لبن

وكل شوي حركيه والماء تزودينه شوي شوي لما توصلين للقوام المضبوط

والكشنه:

بصل كثير مع زيت وزبده وحبحر ومسمنه وليمون اسود

واذا تبينه حمرا حطي شوي صلصه 0000000وبالعافيه
24-04-1430 هـ, 07:15 صباحاً
 
ماقصرت الحلوة لكن طريقتي
أقطع بصل كثير وأحمسه بقليل من الزيت
وأضع معه قطع صغيرة من الشحم ثلاث أو أربع قطع أو أستبدلها بماء لحم أو ماء دجاج
أضيف الماءوالملح والماجي الأبيض والمكعبات
أضيف الجريش المغسول وأضع معه ثلث الكمية رز مصري يعني كل ثلاث كاسات جريش معها كأس رز مصري
وأتركه على نار عالية لمدة 5_10 دقائق
أضيف كأسين حليب سائل وأحركه أتركه على نار هادئة لمدة 2-3 ساعات مع تحريكه من وقت لآخر وشوفي إذا يحتاج ماء زيديه
أما الكشنة نفس طريقة الحلوة
24-04-1430 هـ, 07:43 صباحاً
 
هلاياقلبي انا طريقتي في الجريش أول شي أسمي بالله بعدين اجيب لبن بارد طبيعي أذاماعندك حطي المراعي


جركل او جركلين على حسب الكميه واصبه في القدر واحط فوقه ملح بعدين اجيب الجريش المغسول كويس


واحسن نوع التركي الي حبته طويله شوي واحط معه رز مصري كاس لكل كاسين جريش واحطه فوق اللبن


وهوبارد بعدين احطه على نار خفيفه واغطيه بعدربع ساعه تقريبا يعني لمايبدايغلي احط فوقه بصل مقطع تقطيع ناعم


ثلاث او اربع بصلات متوسطة الحجم وارجع اغطيه واخليه لما يشرب كل المويه بعدين احط فوقه حليب دافي ونص اصبع زبده


وكم حبه فلفل احمروكمون مطحون وارجع اغطيه واخليه على نار هااااااااديه وكل ربع ساعه افتح القدر واحركه واشوف اذا يحتاج


شوي مويه احط عليه بس وانا احرك انتبه للفلفل لايتفتح واخليه على النار من ساعتين لساعتين ونص لمن تحسين صار كله متجانس


ومايع واذاتحبينه شوي حامض اعصري فوقه ليمونه قبل ماتتطفين النار بربع ساعه وخلاص بعدين اغرفيه وحطي على الوجه يازبده


مذوبه او بصل مقطع ومكشن مع شوي زبده,,,وان شاءالله يارب يعجبك تحياتي
24-04-1430 هـ, 07:55 صباحاً
 


الساعة الآن 02:07 .