حجرتي و الكمبيوتر

السلام عليكم
محتاجة مساعدتكم يا سنعات

دلوقتي
التليفزيون في حجرة ابني لأن انا شقتي حجرتين نوم و صالون و سفرة
يعني مفيش غرفة معيشة
و طبعا بأحافظ علي الصالون عشان الضيوف
و بالتالي بتكون حجرة ابني هي المعيشة كمان فيها بنقعد و ناكل و نتفرج علي التليفزيون
المشكلة
ان انا حاطة جهاز الكمبيوتر في حجرتي انا عشان أبعده عن مؤمن عشان مش يطلع متعود ان الكمبيوتر في حجرته

المشكلة بقي ان مؤمن طول اليوم بيدخل حجرتي عشان يلعب علي الكمبيوتر و كمان انا لو دخلت عشان النت او اي شغل طبعا بيدخل ورايا
و بالتالي حجرتي أصبحت جزء من غرفة المعيشة
و طبعا بتتبهدل كتير
و المصيبة الأكبر ان مؤمن بقي بينام فيها عشان يتفرج علي توم وجيري علي الكبيوتر
انا بأفكر أنقله في حجرته
بس خايفة انه يكبر و هو متعود ان التليفزيون و الكمبيوتر في حجرته
و في نفس الوقت نفسي حجرتي تبقي مرتبة و ما أدخلها الا في ميعاد النوم

أخواتي السنعات دلوني أعمل ايه
و الله أنا محتارة