نكمل واسفة على التاخير


خلاص الان حطي الرز على دفعات وارفعي على النار واذا بدأ الرز يغلي ويتقلب قصري على النار
وخلية يستوي على مهلة بعدين روحي سوي بقدر ثاني على الغاز العادي كشنة زيت وبصل بس البصل
تقريبا نص الخيشة <<<< شفتي كيف الذبايح تاكل بصل كثير يبغالك تجيبن الحلقة حقت الخضار كلها هههاي
المهم هذي الكشنة بعد ماتذبل اضيفي لها بهارات وملح وهرد وفلفل بارد مقطع صغار تقريبا كرتون صغير
وقلبيهم مع صبغة زعفران اذا استوى الرز طفي علية وارمي هذي الكشنه على الرز وارجعي بسرعه غطي القدر
علشان يأخذ الرز نكهه الفلفل والكشنة بعدها بشوية ارجعي شيلي الكشنه اللي رميتها وشيلي
معاها تقريبا ملعقتين من الرز وحطيهم بقدر وقلبيهم وغطيه لان اذا غرفتي راح ترجعين لها وترشينها على
وجة الرز قبل لاتحطين المفطح
طبعا تروحين تسوين خلطة على وجه الرز تبغينها بخضار مجمدة او مسمنة
قصيمية تطلع روعه مع الرز الابيض او مرق وتغمسين فية قرصان وترشينها على الوجة
او خضار مقطعة كبار(مثلا حبة البطاطس اقطعيها بالنص بس يعني تجي قطعتين الجز مثل ماهو
بس قشرية الكوسة اذا صغيرة زي ماهي وكذ)
وتسوينها ايدام عادي بس لاتذبل بعدين اذا استوت الخضار طلعيها حبة حبة بدون ماتذبل واتركيها على جنب وغمسي
القرصان بمرق الخضار ورشية على المفطح وبعدين ارجعي للخضار ورصي حبة حبة وممكن ترشين بقدونس
وحلقات ليمون وبيض مسلوق يطلع رزك مثلوثة ولااروع منها ورشي صنوبر محمر وزبيب ولوز بجلي
وسلامتك

عاد ياويلك اذا ماعزمتيني
29-04-1430 هـ, 05:25 صباحاً
 
http://forum.hawaaworld.com/showthread.php?t=1657773

تفضلي حياتي الموضوع مثبت بأطباق حواء من كم يوم
29-04-1430 هـ, 09:38 صباحاً
 
كل الكلام اللي قالته ام شهد مضبوط بس اسمحيلي انا اقولك فيه اختلاف بسيط اللي هو راس الذبيحه اذا مشلوط ماحطه مع
الذبيحه احطه بقدر صغير لحاله علشان مايخرب مويه الرز والذبيحه بعد ماغسلها اغززها بالسكين مع الاوراك قبل الطبخ علشان
تستوي والننقطه الثالثه الرز عشره كيلو يجي صحنين يعني الخمسه كيلو صحن بالراحه يعني العشره كيلو يكفي من عشرين
الى خمسه وعشرين وزياده وكلامي من خبره اكثر من عشرين سنه واي سؤال انا بالخدمه وموفقه
29-04-1430 هـ, 10:13 صباحاً
 
حتي انا ودي اتعلم وشلون اسوي >>>تقليد

والله من جد ودي اصير سنعه مثلكم بس وش اسوي
29-04-1430 هـ, 10:14 صباحاً
 
مراحب عزيزاتي انا بقلكم اسهل طريقة واضمن والذ تسويها وانت مغمضة جيبي الخروف ويكون قطع كبيرة تبليه وملحيه على خفيف واتركيه وهاتي قدر الذبيحة وحطيه عالنار ولعي تحته وصبيي ملح خشن لحد ثلث القدر واتريكيه يسخن ربع ساعة حتى يسخن ويجمد
29-04-1430 هـ, 01:03 مساءً
 


الساعة الآن 07:11 .