فعلا انا اوافق الأخت مس دندن لأني بصراحه توني والده من اسبوعين بقيصري والله لا يراويكم بعد البنج وش اللي يصير واكره شي لما يحطون لك بيب للبول الله يكرمكم ويومين منعوني اشرب ماي لأن الرحم مايتحمل اي رطوبه على قولتهم اااااااااه يااختي هونيها وتهون هي العمليه حزت الحزه ماتحسين بشي بس بعدين مثل ماقالت الأخت المشي وايد صعب كأنك مشلوله بس لاتخافين لأني انا كنت خايفه والحين احس كل شي عادي مرحله وبتعدي مع اني بكر والله يهون عليك حبيبتي

اختي العزيزة ,,
النصيحه اللي قالت لي عليها الدكتوره لاني ان شاء الله كم شهر واولد بقيصريه والله اعلم ,,اني لازم احافظ على مستوى الدم والحديد ووصتني اتناول الفيتامينات عشان مااحتاج لنقل دم في العمليه ,,اما عن الفرق بين الطبيعي والعمليه اشوف انه مافيه ذاك الفرق انا جربت الاثنين في نفس الولد ,,تعب وطلق شدييييد يوم كامل وفي الاخير الختام بعمليه والولاده اللي قبلها كانت بعمليه مباشره واكتشفت ان العمليه ارحم بكثير او على الاقل في نفس المستوى والتعب لابد منه في الحالتين واهم شئ في العمليه تشيلين من بالك الخوف الزايد ولما يقولوا لك قومي امشي تمشين بدون تردد لان هذا في مصلحة الجرح وحطي في بالك انها حاله عابره وبتعدي بتوفيق الله ,,,والله يعين الحريم طول حياتهم في تعب ,الله يجعلها تكفير لخطايانا .

الله يقومك بالسلامه يارب ويسهلها عليك ويرزقك بالذريه الصالحه

عني جبت 2 طبيعي 3 عمليه وانشاءالله تكون سهله بقوتك وعزيمتك وانتهي تشربين والاتاكلين شي بعد العمليه

لين هم ياكلونك وعادي اكل زي النفاس اللهم انك ماتسوين الغسول والبخور النفاس والاستحمام اعتقد بعد اسبوع من العمليه

وطهري مكان العمليه وهي بس اسبوعين ولاكنك نفاس عليكي بالمشي امشي

ولاتضيقين خلقك خليكي قويه والله يسهل عليك وعلى نساءالمسلمين كلهم يارب العالمين

السلام عليكم
انا ولدت بالقيصرية , بالنسبة للحمام لا تحاتين لأنهم موصليلك بربيش للبول في أول 24 ساعة و ما راح يعطونك أكل في اول يومين او ثلاثة أيام بس على المغذي علشان الخروج وبعدين بيعطونش دوا ما يسبب غازات أو امساك وراح تلقين نفسك في اليوم الثالث بتروحين الحمام عادي بدون تعصر ولا شي , صدقيني اول يوم بس تحسين بألم وبيروح مع الابرة ويكون صعبة فيه الحركة وثاني بيخف وثالث يوم 90 % بيروح الألم وتقدرين تتحركين وتمشين بدون مساعدة وأهم شي المشي على مهلك خلال وجودك في المستشفى فهذا يساعد على تخفيف الألم ..
بالنسبة للاستحمام ففي خامس يوم بعد سؤال الطبيب طبعا يمكنك أخذ دش ..
اشربي الماء وحاولي البعد عن اي شي ممكن يسبب امساك ..
المهم في دوا راح يعطونك اياه يمنع تطبل البطن بعد العمليات وينظم عملية التبرز بسهولة ,, داومي عليه بعد العملية
ونصيحة لا تشيلين شي ثقيل خلال الست شهور بعد العملية ولا تجرين شي وحاولي انه ما يحصل حمل خلال هالستة أشهر

ماقصروا البنات
انا الاولى قيصري والثانيه طبيعي ولله الحمد