السلام عليكم
أدخل في الموضوع على طول حتى لأطول عليكم
والدتي الله يحفظها تبغى تفتح مشغل باسمها طبعا مشغل خياطة وحتستقدم خياطات فلبينيات وتفكر في انها تاخذهم من هنا أول لمن يمشي حال المشغل بعدين تستقدم فأحتاج نصيحتكم وأرائكم في

1 _ هل يحتاج للوالدة شهادة خياطة علما بانها كبيرة في السن وأمية يعني لا تجيد القراءة والكتابة
2_ طريقة فتح المشغل فين نتوجه وايش علينا نسوي يعني الخطوات اللي نبتدي فيها
3_ مكاين وأدوات الخياطة ايش افضل شي ولو على عاملتين فقط كم مكينة أحتاج وايش هي الأدوات المطلوبة
4_ تكلفة المشروع مع الديكور والاستئجار واللوحة والعماله والادوات تقريبا كم يكلف
5 _ هل تأيدون اننا ناخذ عماله حاليه من هنا واذا مشي حال المشغل نستقدم ولا فيها مشاكل

وأخيرا والله الوالده بتدعي لك وحده ترد وتفيدها ولو برفع الموضوع أو دعوه حلوه ولن أنساكم من الدعاء والله يجزاكم خير مقدما

للرفع


لا اله الا الله




محتاجه دعواتكم اخواتي ان يرزقني الله الولد الصالح
1 _ هل يحتاج للوالدة شهادة خياطة علما بانها كبيرة في السن وأمية يعني لا تجيد القراءة والكتابة



الشرط هذا ماصار موجود أهم شيء انها سعوديه

2_ طريقة فتح المشغل فين نتوجه وايش علينا نسوي يعني الخطوات اللي نبتدي فيها

تستأجري محل وتروحي وتركبي اللوحه وتروحي للبلديه
عشان يشوفوا المحل ويطلعوا لك الرخصة

3_ مكاين وأدوات الخياطة ايش افضل شي ولو على عاملتين فقط كم مكينة أحتاج وايش هي الأدوات المطلوبة

مكائن الخياطة سينجر او جوكي والأدوات اذا في جدة
روحي البلد او الهنداوية وحتلاقي كل شيء هناك
من خيوط ومقاصات ومكابس وابر وكل شيء


4_ تكلفة المشروع مع الديكور والاستئجار واللوحة والعماله والادوات تقريبا كم يكلف

والله على حسب امكانياتك تقدري تسوي الديكور
والماكائن على 4 او 5 ومكائن التطريز غاليه
الأدوات رخيصة يعني تكفيك 2000 او 3000 في البداية أما اللوحة على حسب شكلها ومو غاليه كثير
يعني اللوحات العادية سعر المتر من 100 لـ250

العمالة الخياطة الفلبينية مااعرف كم راتبها اتوقع 3 او 2500

التأشيرات الوحده بـ2000 ااما الإستقادم صراحه مااعرف

5 _ هل تأيدون اننا ناخذ عماله حاليه من هنا واذا مشي حال المشغل نستقدم ولا فيها مشاكل

لازم تكون على كفالتك ولا تعتبري مخالفة للشروط والتفتيش صار كثير هذه الأيام
اختي شوفي هذا الرابط جدا مفيد وحتلقي اجابات على كل اسئلتك بس يبغالك تقرينه كله http://forum.hawaaworld.com/showthread.php?t=844617

وبالنسبه للخياطات تستقدميهم اوتجيبيهم من هنا اذا كان قصدك تجيبين فلبينيات نقل كفاله فهذا بيكون مكلف عليكم ماتقل عن 15 الف اما الاستقدام اقل من كذا بكثير, اما اذا بتتعاملين مع وحده عربيه مقيمه هنا من دون نقل الكفاله ممكن كبدايه .وعندي لك فكره وحده قالتها لي في البدايه جيبي لك خياطه متخصصه في القص واخذ المقاسات بس(لاني اشوف بعض البنات هنا في المنتدى يقولون ممكن تجيك خياطه قص بس وماتعرف تخيط او تجيك خياطه بس وماتعرف تقص!وبعضهم يجون شاملات) وخليها تاخذ مقاسات الزباين وتاخذالموديل وتستلم القماش منهم عاد انتي خوذي المقاسات والقماش والموديل ووديها عند خياط هندي انتي مجربه خياطه ومشهور انه يضبط المقاس وتعاقدي معه مثلا هو بياخذ على الفستان 50 ريال وانتي تاخذين على الفستان مثلا120 ريال !! وبكذا تضمنين ان الموديلات والمقاسات تكون مضبوطه وتكسبين رضى الزباين . ولاتحوسين نفسك بالمكاين ولا الاقمشه والا بالخياطه هل هي ماهره او لا!! لين تتوسعين باذن الله تجيببين خياطات شاطرات ومكاين غاليه.
واتمنى لامك التوفيق..
للرفع
اقتباس مشاركة
الشرط هذا ماصار موجود أهم شيء انها سعوديه
اختي حجازيه
من متى انلغى
مع ان اللي اعرفه لازم شهاده خياطه

>>>>>ياحلاااااة الدلع <<<<<


الساعة الآن 11:20 .