ساعدوني ولدي بيكمل 4 سنين وهو على هالحاله

الأمومة والطفل

السلام عليكم

اتمنى تساعدوني بمشكلتي ... ولدي عنيد عنيد عنيد عنييييييد وما يسوي الا اللي براسه تعبت معاه والله تعبت سويت كل شي وكل الوسائل بس مافي فايده ..

أول مشكله عانيت فيها معاه الحفاظه آآآآآآه هد حيلي ... خلاص أيست يموووت بشي اسمه حفاظه أبيه يتعود ينام بدونها بس مافي فايده يسويها بفراشه .

ثاني مشكله اللي تخليني اشوي وأشد شعري من القهر ... الرضاعه صرت أكرهها ما يبي يشرب حليب الا فيها وما يشرب عصير الا فيها جبتله أكواب يمسكها ومغلقه من فوق ومافي فايده قللت كمية الحليب خليته خفيف عشان يكرهها ولا فيه فايده جبتله أنواع كثيره من الحليب ومو راضي وبعد ما أيست حطيتله كميه قليله من الملح بالحليب قام يصارخ ويقط نفسه بالأرض ساعاااااااااااااات تخيلوا قعدت أصيح من القهر وبالأخير سويتله بس عشان يسكت ..

ثالث مشكله ما ياكل كلش جبتله مشهيات بطعم الفواكه عشان يتقبل ولا فيه فايده حتى أقول لزوجي انا ماني عارفه هو ما يحس بالجوع بطنه ما تعوره من الجوع يقولي خليه لي جاع بيقولك ابي آكل ..

بليييز ساعدوني والرضاعات ما أقدر أقطعها من البيت لأان أخوه اللي أصغر منه عمره سنه ولما يشوفه يصيح يبي نفسه ...

انقذوني
8
929

يلزم عليك تسجيل الدخول أولًا لكتابة تعليق.

تسجيل دخول

عيون طفله
عيون طفله
الله يعينك
بس احس تاخرتي لين بيكمل 4 سنوات بديت بقطع الرضاعه والحفاظ
المفروض قبل كيذا بكثير
اتنمى البنات يفيدونك ... ماعندي خبره:26:
عيون مغفصه
عيون مغفصه
ولدي عمره 4 سنين وتوه هاه تونا تاركين حفاظه الليل اوديه قبل لاينام الحمام ولااخليه يكثر سوائل بالليل احيانا يسوي واحيانا لا بس ناويه استمر لين يتعود نهائي مليت

اما الرضاعه تركها قبل 5 شهور رماها وانكسرت قلت خلاص جت من ربي الحمد لله صررخ وصاح وسوى الهوايل ونساها اول ماولدت اخته وشاف رضاعتها قال اشترو لي وطنشته اسوي نفسي ماااسمعه لين مل
دمعة سفر
دمعة سفر
الله يعينك

ومن ناحيه الحفايظ اصبرى عليه لانه مادامه يرضع بيلبس حفاظه

اقطعيهم بالتدريج اول الحليب واصبرى يصيح يوم يومين وبعدين بيمل

واذا قطعتى الحليب بتقططعين الحفاظه تلقائين
اشراقة التفاؤل
ولا اقطعي عنه الرضاعه نهائيا

وبعدين الحفاظ

الله يعينك ويهديه يارب
ام اسامه وفهد
ام اسامه وفهد
قولي له ارمها بالزباله اكرمكم الله لانها وسخه وبتغيرونها