السلام عليكم
اخواتي طالبتكم وين القى مبنى الاحوال المدنية بالرياض اريد وصف كامل وانا من شرق الرياض
وهل له فروع او فرع واحد فقط
الي ماتعرف تسأل زوجها او اخوها والله اني محتاجتها ضروري اليومين
يجزاكم ربي خير لاتطنشوني

مالهم الا فرع واحد
والوصف

روحي شارع الستين واذا وصلتي جامعة الملك سعود حقت البنات (ام جسر)
لفي يمين وطوالي
وبيجيك كبري اطلعيه
وبعد شوي بيجيك نزله يمينك انزلي (قبل يخلص الكبري)
وديوري من تحت الكبري وبيكون الاحوال يمينك

ترا المنطقه تجيب الهم وكنها شوارع مكه بالزحمه والحوسه
(سواقي يقول مدام هذا شوارع سيم بتهاء)

واذا تبين تطلعين بطاقه
روحي بدري قبل الساعه سبع تكونين عندهم ولا بتروح عليك الارقام

لاني وصلتهم الساعه 7 ونص قالو لي ضفي وجهتس خلصت الارقام
مع اني ماشيه من البيت 6 ونص بس الشوارع زحمه
إذآ أتْعبتكَ آلآإْم الدُنيآإ فلآ تَحّزنْ . . !
فَرُبمآإ أحًبْ خَآإلِقُكَ سَمآإعْ صَوتُكَ وَأنتْ تَدعُوه!

اعذروني
انا في اجازه طويله جدا
اقتباس مشاركة  (غادة الرياض)
مالهم الا فرع واحد
والوصف

روحي شارع الستين واذا وصلتي جامعة الملك سعود حقت البنات (ام جسر)
لفي يمين وطوالي
وبيجيك كبري اطلعيه
وبعد شوي بيجيك نزله يمينك انزلي (قبل يخلص الكبري)
وديوري من تحت الكبري وبيكون الاحوال يمينك

ترا المنطقه تجيب الهم وكنها شوارع مكه بالزحمه والحوسه
(سواقي يقول مدام هذا شوارع سيم بتهاء)

واذا تبين تطلعين بطاقه
روحي بدري قبل الساعه سبع تكونين عندهم ولا بتروح عليك الارقام

لاني وصلتهم الساعه 7 ونص قالو لي ضفي وجهتس خلصت الارقام
مع اني ماشيه من البيت 6 ونص بس الشوارع زحمه
جزاك الله خير ياقلبي وطريقهم باين انه صعب وزحمه
اذا تعرفين الشارع الي يقع عليه يليت تقولينه لي يالغلا لاني غشيمه وباخذ ليموزين يمكن يطلع يعرفه
وانتي اختي تقصدين البطاقة الشخصية؟
لالاانا ابي اطلع بدل فاقد شهادة ميلاد هقوتك تاخذ وقت وفيها زحمه وارقام مثل البطاقه او لا
والف الف شكر لك يالغلا
تقاطع شارع البطحاء مع الوشم

وبالتوفيق
عِشْ مَا شِئْتَ فَإنَّكَ مَيِّتٌ وَاعْمَلْ مَا شِئْتَ فَإنَّكَ مَجْزِيٌّ بِهِ، وَأَحْبِبْ مَنْ شِئْتَ فَإنَّكَ مُفَارِقُهُ وَاعْلَمْ أَنَّ شَرَفَ الْمُؤْمِنِ قِيَامُ اللَّيْلِ وَعِزَّهُ اسْتِغْنَاؤُهُ عَنِ النَّاسِ
زي ماقالت شقاء فرحه
شارع الوشم
والطريق واضح والليموزين بيعرفه اكيد
وحتى لو ماعرفه بيعرف الستين وشارع الجامعه (الي هو عقب ماتلفين يمين تدخلينه)

وبالنسبه للسؤال الثاني والله مدري

الله يسهل امورك ويسخر لك من يخلص اوراقك بسرعه
إذآ أتْعبتكَ آلآإْم الدُنيآإ فلآ تَحّزنْ . . !
فَرُبمآإ أحًبْ خَآإلِقُكَ سَمآإعْ صَوتُكَ وَأنتْ تَدعُوه!

اعذروني
انا في اجازه طويله جدا


الساعة الآن 08:31 .