مشكوورين حبيباتي انا ابغى الطريقه سهله وحبه حبه بصراحه تعقد من هالقهوه
05-05-1430 هـ, 08:37 مساءً
 
حبيبتي قهوتك تعتمد اساساً على حمستها فا تأكدي ان حمستها كويسه قبل ,,

بعطيك طريقتين وكلهم حلوهات ودايم اسويهم ,,

جيبي الابريق اللي تسوين فيه القهوه وعبي ثلثينه مويه دافيه او حاره وحطي عليه ثلثين الفنجال قهوه واذا تحبين المسمار (القرنفل) حطي 3 حبات يعطي نكهه تجنن ورشة زعفران وكل ماكثرتي كل ماصار لونها على صفار
اتركيها على نار متوسطه مو مره مرتفعه خليها تطبخ 10 دقايق على الاقل بعدين تكونين مجهزه بالترمس اللي بتقدمينها فيه تحطين فيه ملعقة حلى هيل
اول ماتخلص قهوتك طبخ اتركيها على جنب دقيقه تخدر وبعدها صبيها بالترمس على الهيل وخليها شوي قبل ماتقدمينها حتى يمدي الهيل يمتزج طعمه مع القهوه
* انك تحطين الهيل لحاله بدون طبخ يعطي طعم اقوووى من انك تطبخينه مع القهوه ,,
* ممكن والقهوه تطبخ تضيفين رشة coffee mate يعطيها لون مره حلو ,,
* بعد ماتطبخ بخمس دقايق صبي شوي من قهوتك بفنجال وجربيها اذا كانت مره خفيفه زيديها قهوه واذا مره ثقيله زيديها شوي مويه مغليه


الطريقه الثانيه مره حلوه وتواجه ,,

نفس كمية المويه تسخنينها قبل ماتضيفين لها القهوه خمس دقايق تقريبا
بعدها تحطين القهوه بنفس الكميه الاولى وتتركينها تطبخ عالنار ربع ساعه الى 20 دقيقه
بعدها تجهزين دله وتحطين فيه الزفران (فتتيه حتى يعطي نتيجه احسن) والهيل وصبي عليهم قهوتك وحطيهم عالنار بس الى ماتفور القهوه ويقلب الهيل مره وحده بس مايطول ابد بعدها اذا جابه قدميها بالدله نفسها او بالترمس ,,
* الطريقه هذي تعطي قهوتك ريحة هيل رووووووعه تشمينها من بعيد


ان شالله تكون الطرق واضخه واذا في شي مو واضح انا بالخدمه ,,
05-05-1430 هـ, 09:28 مساءً
 
ايثار طريقتها مضمونة بس على حسب حمست القهوة غامقة ولافاتحة ونوعها
والحليب يخلي القهوة لونها حلو وخاثرة
والزعفران يعطيها لون وسكري على القهوة الغطى عشان ماتروح ريحتها الحلوة
وخليها تطبخ على نار هادية تقلب كثبر وحطي قهوتك المطحونة في الفريزر عشان ريحتها ماتروح
وابشري بكل خير
05-05-1430 هـ, 10:57 مساءً
 
اقتباس مشاركة  (إيثار قطر)
انا بقول لج طريقة سهلة وان شاء الله تضبط معاج
تصبين الماي في دلة القهوة وبعدين منه على الابريق اللي بتطبخين في القهوة
تحطين ملعقتين طعام بلاستيك أو ثلاث إذا تحبينها غليظة
تنثرين فوقه زعفران
تخلينها تطبخ وبعدين تحطين عليها نقطتين بالعدد حليب أبو قوس (يمكن الإستغناء عنه) فيه ناس مايحبونها بالحليب
وتخلينها تطبخ 3 أو 4 دقايق
بعدها تكونين حاطة ملعقتين صغار من الهيل في الدلة وتصبين فوقها القهوة
وبالهنا والشفا..
تسلم يد كاتبة الموضوع ويدك يااختي على الطريقة
05-05-1430 هـ, 11:23 مساءً
 
مشكوووووووووووووووووووووووووووووووورن جميعا الف الف الف شكرا
marat abona الف الف شكررررررررررر مره شرحك حلوووووووووووووووووو وواضح راح اسويها واخبرك ايش راح يقولون اهلي اذا مدحوها علمتك واذا ذموها علمتك القاء بكره ***** الله
06-05-1430 هـ, 12:42 صباحاً
 


الساعة الآن 10:10 .