بنات ان شاء الله في الصيف ببتدي اثث بيتي .. وابي ابدى اشتري للبيت واجهز وطبعا الحين انا ساكنة مع اهل زوجي وام زوجي هي اللي تطبخ وانا بصراحة ماعرف اسوي حتى الرز...بس ان شاء الله بتعلم...بس حبيت تساعدوني وتكتبون لي الاشياء الاساسية والضرورية للمطبخ عشان ابتدي اشتريها...انا ابي اروح هوم سنتر واشتري الاغراض من هناك...فياريت تقولون لي كل الاشياء اللي بحتاجها عشان اشتريها واخزنها...
26-02-1425 هـ, 09:29 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
16 وحدة ولا وحده كلفت نفسها تساعدني
26-02-1425 هـ, 04:52 مساءً
 
اختي ام علاوي دام انك بتسكنين بيت جديد معناه انك بتحتاجين شغلات كثيره في شغلات لازم امك اوام زوجك تساعدك فيها خصوصاً انك مو راعية مطبخ الله يعين ابوعلاوي مثل البهارات وشغلات الطباخ مثل الجدور

الزينه مايعرفون لها الا امهاتنا الجدور العمليه

اما الهوم سنتر بتلاقين كل شي بس مو كل شي عملي عندهم خذي شغلات التقديم والصحون والكاسات وعندهم

تحف حلوه للمطبخ خذي اطقم ملاعق وسكاكين للأستخدام وللضيوف استكانات وفناجين الصواني الاباريق

وفي شغلات تجي مع الايام وانتبهي لا تكثرين بتجيك هدايا كثيرة وبتوهقين

تصدقين عاد لو بكتب الى بكره ماتخلص شغلات البيت


الله يجعله مسكن مبارك والله يهنيك ويعطيك خيرة ويكفيك شره
26-02-1425 هـ, 05:22 مساءً
 
****لله افيدج مع ان ماعندي خبره كافيه

اول شي طبعا القدور ولازم تشترين نوعيه زينه ومريحه في نفس الوقت واناا جربت صواني وقدور يبيعونها في

ماركس اند سبنسر نوعيتها ممتازه وشريت كم حجم منهم وبعد شريت الوك الصيني ممتاز واكثر من ممتاز

وطبعا المقلاه بانواعها وانا احسن شي احبه تيفال او الي في ماركس لان بجد شي روعه

وطبعا اجهزه الطبخ المريحه وانا اموت في الاجهزه واحسن شي جربته مولينكس وجربت عندهم المقلاه الكهربائيه

مريحه لاقصى درجه والعجانه والخلاط والفرامه والبلندر كلهم من مولينكس ماتتخيلين شلون مريحه وخاصه لما

يقوم زوجي من النوم بالليل والكل نايم اروح اسويله شي خفيف في عشر دقايق

طبعا مثلا ماقالت الاخت البهارات شي اساسي

وصواني الفرن والكيك والبسكويت لاتنسينهم وطبعا صواني الطبخ

ولاتنسين صواني التقديم والاكل

وبعد شنو

تعبت بعدين نكمل

وكللوووووووووويش مبروك
26-02-1425 هـ, 05:49 مساءً
 
اول شي مبروك البيت الجديد

شوفي حبيبتي اغراض المطبخ ما تخلص وكل بيت له احتياجات تختلف عن اي بيت ثاني ، انا بقول لك على الاغراض وانتي شوفي اللي تحتاجينه منها وجيبيه
وانصحك ما تاخذينها كلها من مكان واحد .. لان كل محل له مميزاته

اغراض المطبخ تنقسم لعدة اقسام :
اول شي الاجهزه الكهربائيه مثل :
محمصة الخبز وهي اللي تحمر التوست
الخلاط وهذا مهم واحسن شركه مولينكس
الخلاط اليدوي ( حق الكيك ) وبرضو مولينكس
جهاز صنع القهوه
المقلاه الكهربائيه
العصاره ( اللي تعصر الليمون والبرتقال ) ممكن كهربا وممكن يدوي
المايكروويف
غلاية الماء الكهربائيه
مفرمة اللحم
مطحنة القهوه والهيل


ثانيا :
القدور ومنها انواع
واشهرها الستينلس ستيل والتيفال


ثالثا :
ادوات التقطيع :
السكاكين ومنها انواع
سكين الخبز
سكين اللحم
سكين الخضار والفواكه
مقص الدجاج
وطبعا لا تنسين لوح التقطيع وجيبي منه ثلاثه
واحد للحوم وواحد للخضار وواحد للخبز والكيك
الساطور << هذا لا تجيبينه الا اذا كنتي بتقطعين الذبيحه بالبيت
مفرمة الملوخيه << ممكن تفرمينها بالكهربا اريح لك


رابعا :
ادوات الخبز :
صواني الخبز
وفيه منها التيفال والزجاج والستيل ولكل نوع استخداماته
كاس مرقم للقياس
النشابه ( اللي تفرد العجين )
قوالب التقطيع


خامسا :
الادوات مثل :
الملاعق والشوك والسكاكين وهذي جيبي منها ثلاث اطقم
واحد للطبخ وطقم عملي للاستخدام اليومي يعني لكم وطقم فخم للضيوف
المغارف وادوات التقديم
ادوات الخلط
مفرمة الثوم
اللي يحفر الكوسه << مدري وش اسمه
وغيرها كثير

سادسا :
اواني التقديم مثل
الصحون واواني الشوربه والسلطه والبوادي ... الخ
وهذي جيبي منها نوعين واحد عملي للاستخدام اليومي وواحد فخم للضيوف
الصواني والمفارش الورقيه

سابعا :
الاباريق وهي نوعين اباريق للتقديم واخرى لطبخ القهوه وغيرها
الدلال
البيالات ( الاستكانات )
الفناجيل
الكاسات


والله يعينك
26-02-1425 هـ, 07:48 مساءً
 


الساعة الآن 01:06 .