بنات لازم تدخلون والله صج بترتاحون مثل ما انا ارتحت.لاتترددون...حياكم

السلام عليكم


اول شي انا لي 4 سنوات متزوجه وطبعا كل شهر انطر الدوره ماتجيني عشان احمل ولكن قدر الله وماشاء فعل ماكتب لي للحين الحمل


المهم


قررت من تاريه 28 _4 اللي هو كان اول يوم الدوره

انه من اخلص الدوره على طول كل يوم اقعد قبل صلاه الفجر بساعه ونص


وطبعا هذا طبقته امس الاحد بليل


المهم كنت سهرانه


والله العظيم كل شوي اطالع التلفون

وشي من داخلي يقولي يووووه الصلاه بتتاخر قومي نامي وارتاحي احسن ولمن تقعدين الصبح صلي:angry2:


والله وكل شوي استغفر واقوم اغسل وجهي بماي بارد وارد اقعد

المهم وانا قاعده لقيت نفسي مضايقه والله قمت توضيت وحطيت سجادتي وقعدت ومسكت المصحف مع انه كنت مخلصه الجزء ال 15 بس مسكت المصحف من البدايه

وقلت كل يوم بخلص جزء طبعا اول سوره بديت فيها البقره اكيد يعني:)

وطبعا خلصت الجزء الاول والجزء الثاني ودشيت على سورة ال عمران وخلصتها

طبعا اخذ معاي الموضوع ساعه ونص

المهم بقت ساعه للصلاه

قلت شنو اسوي فيها قمت صليت ركعتين وسلمت بعدين لقيت نفسي قمت وصليت هم ركعتين وسلمت لقيت نفسي لا تحمست وقمت اصلي نص ساعه ركعتين واسلم لين خلصت تقريبا 35 دقيقه وانا اصلي والله ماتتصورون حالتي وانا اصلي وانا ساجده انه كان قلبي بيوقف وربي من كثر البجي وادعي والله العظيم ادعي من قلبي وابجي لدرجه زوجي كان نايم بالغرفه وانا بالصاله وقام ميت خوف يقولي شفيج تبجين قلت ولا شي اصلي قيام ليل وانطر الفجر ياذن اصلي وانام طبعا ماجاه نوم وضل قاعد قرا شوي قران ونطر الصلاه

انا خلصت صلاه وقعدت على السجاده وبديت اسبح واستغفر واصلي على النبي محمد عليه الصلاه والسلام 100 مره والاستغفار 100 مره
او اكثر المهم اكثر من 100

جذي لين دق المنبه وقت الصلاه قمت صليت 4 ركعات قبل الفجر وصليت الفجر ودعيت 3 مرات هل دعاء والله انه من دعيت هل دعاء اول مره حست قلبي فز من مكانه حسيت قلبي صج صج بيوقف حسيت بخوف ورهبه


وقلته الدعاء 3 مرات وكررته كذا مره ما اتذكر اشكثر المهم وايد كررت الدعاء ولمن نمت والله يابنات حلمت حلم مادري شنو هو ولا اتذكره بس اتذكر قمت من النوم مستانسه حيل


هذا الدعاء ادعو فيه وربي بيفرج على الكل

(ياودود يا ودود؛ ياذا العرش المجيد ؛يامبدئ يا معيد؛يافعالا لما يريد؛ اسالك بملكك الذي لايرام وعزك الذي لايضام وبنور وجهك الذي ملأ اركان عرشك واسالك بقديتك التي قدرت بها على جميع خلقك واسالك برحمتك التي وسعت كل شي لا اله الا انت يامغيث اغثني)


(ياودود يا ودود؛ ياذا العرش المجيد ؛يامبدئ يا معيد؛يافعالا لما يريد؛ اسالك بملكك الذي لايرام وعزك الذي لايضام وبنور وجهك الذي ملأ اركان عرشك واسالك بقديتك التي قدرت بها على جميع خلقك واسالك برحمتك التي وسعت كل شي لا اله الا انت يامغيث اغثني)


(ياودود يا ودود؛ ياذا العرش المجيد ؛يامبدئ يا معيد؛يافعالا لما يريد؛ اسالك بملكك الذي لايرام وعزك الذي لايضام وبنور وجهك الذي ملأ اركان عرشك واسالك بقديتك التي قدرت بها على جميع خلقك واسالك برحمتك التي وسعت كل شي لا اله الا انت يامغيث اغثني)


انا شفت هل دعاء بموضوع وحده من البنات ما اذكر اسمها الله يجزاها الخير يارب ويرزقها اللي تتمنى


وان شاء الله راح استمر هل شهر على الصلاه والقران قبل الفجر بساعه والاستغفار


والله يستجيب لدعائي ويرزقني الذريه الصالحه اللي تفرح قلبي وقلب زوجي الله يخليه لي يارب ولايحرمني منه ويرزقه الرزق الحلال ويبارك له في صحته وعافيته اللهم امين