Analysis Services
مساكم الله بالف خير وان شاء الله كل من دخل موضوعي بخير وسلامه

انا الله يسلمكم ماعمري سويت عزيمه كبيره حريم ورجال وناويه ان شاء الله اسويها

بس ابي شي يبيض الوجه وزمله مررررررررررررررررررررررررررررررررررررره وجعني راسي من كثر التفكير

الزبده بحط ذبيحه من برا نصف للحريم ونصف للرجال والرجال راح احط لهم بس الذبيحه مع جريش ومشروبات فقط
والقهوه معها تمر وشاي حاف ..
المشكله في الحريم الي يحبون الزين بحط نوعين حلا قهوه بسويها من الليل وتمر والشاي معه مكسرات والعشاء ودي اسوي بوفيه صغير مع الذبيحه بس محتاره وابي مساعدتكم ((((( يكثر هذرتي بس افض فض

ودي اسوي ثلاث انواع سلطه بس مدري متي اصفها يصير ارتبها واحطها على الطاوله من المغرب واشغل عليها المكيف الي العشاء يعني الساعه عشر ونص ماتخرب السلطات وورق العنب مدري وش ابدابه والله محتاره وحلا العشاء متى اسويه ومتى ارزه على الطاوله شايله هم وناويه احط جريش ومقبلات حاره وعصيرات وفراكه بس ماش ماعندي خبره ياليت تفيدوني عن الترتيبات وش ابدا به بدل الحوسه والربكه واكيد راح يستفيدون البنات الي مثل حالتي
فزعتكم
10-05-1430 هـ, 06:43 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعينك ويساعدك
10-05-1430 هـ, 08:52 مساءً
 
ام ريم المكيه مشكور عيوني على الدعوه بس وين السناعت الباقيات
10-05-1430 هـ, 09:21 مساءً
 
ورق العنب والحلى سوية قبل بيوم

لكن السلطات والمقليات لازم فريش تكون

وربي يسااعدك
10-05-1430 هـ, 09:31 مساءً
 
تبين نصيحتي وصي على المقبلات مثل الورق عنب الحمص والكبه والبف من برى ..
ولو قدرتي تطلبين بوفيه من برى يكون رايح

امسكي ورقه وقلم واكتبي المنيو اللي تبين وارسمي السفره وتقسيمك لها .. وبعدين اكتبي كل طبخه متى بتسوينها بالوقت بالضبط ..

وامسكي ورقه ثانيه واكتبي فيها المهام اللي بنفس يوم العزيمه ولزقيها على الثلاجه علشان ما تنحاسين ..

حلى القهوه سويه صباح العزيمه الا اذا كان يحتاج يقعد بالثلاجه وقت طويل سويه قبل بيوم ..

البوفيه مثلا ..حطي نوعين سلطه مثلا سلطة معكرونه بالمايونيز وتبوله او فتوش ..والسلطه الخضراء حقت الذبيحه ..وانتبهي تطلعينها تصفينها من المغرب ترى السلطات اذا صارت حاره او فاتره تنزل مويتها وتصير ذابله وطعمها مو حلو ..
ممكن تسوين السلطات قبل بيوم ما عادا السلطه الخضرا .. من غير ما تخلطيها مع الصوص يعني جهزي كل شي لها الصوص لوحده والسلطه لوحدها ..وزينتها مثلا ليمون شرائح وبقدونس مفروم وطماطم وجزر كلها قطعيها واحفظيها بالثلاجه قبل بيوم وقبل العشا اخلطيها وزينيها بالخضار اللي قطعتيها قبل بيوم ..

الصياني ..لازانيا او مكرونه بشميل الى جانب صينيه مسقعه او صينية خضار ..او ممكن صينيه كوسا محشي ..تدرين ليش قلت لك هالصياني ؟؟ لانو انتي اول مره تسوين عزيمه وهذي الصياني تتسوى قبل بيوم وما تسوي لك ربكه .. وثاني يوم طلعيها من الظهر خليها تحمى وحمريها قبل العشا ..

الشعبي ..حافظه جريش ..واذا تبين زود قرصان ..وكلها تتسوى من الظهر ..

الحلا ادخلي قسم الحلويات وشوفي .. ونصيحه لاتحطينها على السفره الا اذا دخلو للعشى علشان الحلى ما يسيح او يخرب وتتفشلين ..

ترى كل شي يتسوى قبل بيوم عادي بس راعي انك اذا سلطه لاتخلطينها مع الصوص الا قبل التقديم واذا صينيه جهزيها ولا تحمرينها الا بنفس اليوم ..

ما انصحك بالعصيرات للرجال لانو الرجال يحبون السفن اب واللبن والمشروبات الغازيه اكثر ..بس ممكن تحطين كوكتيل مع عصير برتقال وعصير منجا ..
وان شاء الله يفيدونك البنات اللي عندهم خبره اكثر بالبوفيهات ..
10-05-1430 هـ, 11:26 مساءً
 


الساعة الآن 04:02 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏