السلام عليكم...
بنات الحجاز... او اي وحد عندها فكره... ابي طريقة طبق...بس بصراحه ماني عارفه ايش اسمه؟؟؟

ذقته عند احد قرايبنا...ماني متأكذه يمكن اسمه لحم بعجين؟!؟! والله ماني متأكده...

خلوني اوصف لكم اياه....

هو عباره عن معجنات... يجي في شكل البيتزا الكبيره... يعني دائره كبيره كأنها بيتزا ... بس محشيه بخلطه فيها طحينه (هرده) واعشاب خضراء مفرومه(كزبره وبقدونس ...وهذي الاشياء) ولحم مفروم....

هاليومين مشتهيتهااااااا من قلب..... وخاطري فيها... ****الله انكم فهمتوا الطبق اللي اقصده...
شكرااااااااااااااااااا
27-02-1425 هـ, 03:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم
اللي كليتيه اسمه عيش باللحم انا ما اسويه لكن شوفي هذا الرابط
http://forum.hawaaworld.com/showthre...3&pagenumber=2
ممكن تسوين بحث في المنتدى اذا تبين طرق اخرى وان شاء الله تستفيدي
27-02-1425 هـ, 07:13 صباحاً
 
تسلمين عزيزتي احاسيس الندى.... ولا جبتي لي عز الطلب... عيش باللحم ... وطريقة عزيزة مشاالله عليها...
جزاكي الله خير
28-02-1425 هـ, 08:33 صباحاً
 
ياهلا والله فيك
اسمعي والعلم لك خير
ترى أنا أكبر فنانة في العيش باللحم ))))))))) مادح نفسه.........

وتفضلي عزيزتي طريقتي وتراها مرة تهبل
المقادير
3 كاسات كبيرة دقيق
بيضتين
كاسة صغيرة حليب السعودية
نص كاسة زيت
ملعقتين كبيرة خميرة
ملعقتين سكر
ذرة ملح
نص كاسة ماء دافئ
ابزار عيش(وهذا تطلبيه من محلات العطارة وإذا ما لقيتي فهو عبارة عن شمرويانسون وخميرة حاج وحبة سوداء كلها مطحونة ماعدا الحبة السوداة و تخلطيهم مع بعض)
الحشوة:
نص كيلو لحمة مفرومة
حزمة كبيرة كراث
كاسة طحينة(هردة)
نص فنجان خل أسود
ملح وفلفل اسود وكمون
بيضة لدهن الوجه
الطريقة:
ضعي الخميرة والسكر والماء الدافئ في كاسة وقلبيهم وغطي الكاسة واتركيها الين ترتفع الخميرة (تطفح)
حطي الدقيق وملعقتين ابزار عيش والملح في زبدية وقلبيهم
اعملي حفرة في الوسط وحطي فيها الزيت والحليب والخميرة بعد ما تطفح والبيض
واعجني الجميع بحيث تطلع العجينة متماسكة
غطي الزبدية بمنشفة واتركيها تخمر
حطي اللحمة المفرومة بعد ما غسلتيها وصفيتيها في مقلاة وحطي عليها الملح والفلفل والكمون ويا ريت تحطي ملح اجي نو موتو يعطي نكهة حلوة للحمة
ارفعي اللحمة على النار وطقطقيها بالملعقة حتى تستوي
افرمي الكراث واغسليه وصفيه من الموية
حطي الطحينة في زبدية وحطي عليها الملح والفلفل والخل وشوية موية واخلطيها وخليها ثقيلة
حطي عليها اللحمة والكراث وقلبييهم سوا
ادهني صينية متوسطة بقليل زيت وافردي العجينة وارفعيها على الاطراف
حطي الحشوة وافرديها تمام
اثني اطراف العجينة على الحشوة
اخفقي بيضة وادهني بها الوجه كله عشان ما تنشف
ممكن تزينيها بحلقات الطماطم والليمون او الفلفل الحار
افتحي عليها الفرن من تحت الين تستوي وبعدين من فوق عشان تتحمر
وبالهنا والعافية
28-02-1425 هـ, 08:01 مساءً
 
وااااااااااااااااوووووووووو... ما تقصرين Mrs TaTa...
****الله بجربها وارد عليج
سؤال: لازم استخدم العجينه هذي؟ ما يصير اي عجينه اضبطها؟
وابزار العيش لازم منه؟؟ لاني في امريكا وما اظني القاه؟!
29-02-1425 هـ, 06:09 صباحاً
 


الساعة الآن 01:21 .